ឯកឧត្តម លាវ យន់សាន មន្ត្រីជាន់ខ្ពស់នៃបក្សកុម្មុយនីស្តចិន ដែលបានដឹកនាំប្រតិភូបក្សកុម្មុយនីស្តចិនមកទស្សនកិច្ចនៅកម្ពុជា បានឲ្យដឹងនៅរសៀលថ្ងៃទី១១ ខែកញ្ញា ឆ្នាំ២០១៣ ថា បក្សកុម្មុយនិស្តចិនគាំទ្ររាជរដ្ឋាភិបាលកម្ពុជា ដែលដឹកនាំដោយសម្តេចអគ្គមហាសេនាបតីតេជោ ហ៊ុន សែន។ ឯកឧត្តម លាវ យន់សាន ដែលជាសមាជិកការិយាល័យនយោបាយ សមាជិកគណៈលេខានៃគណៈកម្មាធិការមជ្ឈឹមបក្សកុម្មុយនីស្តចិន និងជាមនុស្សសំខាន់ទី៥ ក្នុងជួរគណៈកម្មាធិការអចិន្ត្រៃយ៍នៃការិយាល័យនយោបាយមជ្ឈឹមបក្សកុម្មុយនីស្តចិន និងគណៈប្រតិភូអមដំណើរបានអញ្ជើញមកបំពេញទស្សនកិច្ចនៅកម្ពុជារយៈពេលពីរថ្ងៃ (១១ - ១២ ខែកញ្ញា ឆ្នាំ២០១៣)បានមានប្រសាសន៍បែបនេះ ក្នុងពិធីជួបពិភាក្សាការងារជាមួយសម្តេចតេជោនាយករដ្ឋមន្ត្រីនៅវិមានសន្តិភាព នាទីស្តីការគណៈរដ្ឋមន្ត្រី ដែលក្នុងឱកាសនោះក្រៅពីអះអាងពីការបន្ត ពង្រឹង និងពង្រីកកិច្ចសហប្រតិបត្តិការរវាងប្រទេសជាតិទាំងពីរ (កម្ពុជា - ចិន) ឯកឧត្តម លាវ យន់សាន ក៏ បានពាំនាំការផ្តាំផ្ញើសាកសួរសុខទុក្ខពីសំណាក់ឯកឧត្តមប្រធានាធិបតី...
