បទសម្ភាសន៍រវាង លោកបណ្ឌិត ឈឹម ផលវរុណ ប្រធានវិទ្យាស្ថានពលរដ្ឋវិជ្ជាជាមួយលោក សត្យា រក្ស អ្នកសម្របសម្រួលកម្មវិធីវិភាគព្រឹត្តការណ៍សង្គម ទូរទស្សន៍ បាយ័ន ស្តីពី តួនាទីនិងភារកិច្ចរបស់អ្នកតំណាងរាស្រ្ត
ថ្ងៃទី២០ ខែកុម្ភៈ ឆ្នាំ២០១២ លោក សត្យា រក្ស សំណួរ៖ ដោយហេតុថា អ្នកតំណាងរាស្រ្ត មួយចំនួន ខ្លះច្រើនតែប្រើប្រាស់តួនាទី របស់ខ្លួនហួសពីតួនាទី រហូតដល់លូកដល់កិច្ចការអ្នកដ៏ទៃថែមទៀត រួមទាំងការពន្យល់នូវសកម្មភាពខុសឆ្គងរបស់ខ្លួនថា ជាតួនាទីរបស់អ្នកតំណាងរាស្រ្តទៅវិញ។ ចំណុចនេះគឺជាបញ្ហាដែលប្រជាពលរដ្ឋមួយចំនួន ខ្លះកំពុងតែងឿងឆ្ងល់អំពីការប្រើប្រាស់នូវសេរីភាព ហួសព្រំដែនរបស់អ្នកតំណាងរាស្រ្តហ្នឹង ដែលធ្វើឲ្យខូចនូវកេរ្តិ៍ឈ្មោះក៏ដូចជាកិត្តិយសរបស់អ្នកតំណាង រាស្រ្តផងដែរ។ ចំណុចនេះខ្ញុំបាទអាចលើកឧទាហរណ៍ជាក់ស្តែងបន្តិច តួយ៉ាងដូចបងប្អូនឃើញហើយ អ្នកតំណាងរាស្រ្តរបស់គណបក្ស សម រង្ស៊ី មិនថាឡើយតែកូនចៅរបស់លោក សម រង្ស៊ី សូម្បីតែលោក សម រង្ស៊ី ផ្ទាល់ក៏ដើរត...