នៅទីស្តីការក្រសួងបរិស្ថាន ព្រឹកថ្ងៃទី២៧ ខែកញ្ញានេះ មានរៀបចំពិធីផ្ទេរតំណែងរដ្ឋមន្រ្តីក្រសួងបរិស្ថាន ក្រោម អធិបតីភាពឯកឧត្តម ឧបនាយករដ្ឋមន្រ្តី ប៊ិន ឈិន តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា គ្រាដែលឯកឧត្តម សាយ សំអាល់ ត្រូវមកទទួលតំណែងជារដ្ឋមន្រ្តីជំនួស ឯកឧត្តម ទេសរដ្ឋមន្រ្តី ម៉ុក ម៉ារ៉េត។ ក្រោយពីពិធីប្រគល់ត្រាដោយឯកឧត្តម ឧបនាយករដ្ឋមន្រ្តី ប៊ិន ឈិន, ឯកឧត្តម សាយ សំអាល់ ដែលជារដ្ឋមន្រ្តីថ្មី នៃក្រសួងបរិស្ថាន នៅក្នុងនីតិកាលទី៥ នៃរដ្ឋសភា បានធ្វើការប្តេជ្ញានិងខិតខំយកអស់កម្លាំងកាយចិត្ត និងបញ្ញា ក្នុងការ អនុវត្តឱ្យបានជោគជ័យនូវការគ្រប់គ្រងធនធានធម្មជាតិប្រកបដោយចីរភាព តាមរយៈការធានាឱ្យបាននូវគម្របបៃតង ការអភិរក្សព្រៃឈើ និងសត្វព្រៃ ការរក្សាចីរភាពប្រព័ន្ធអេកូឡូស៊ី ដើម្បីធានាគុណភាពដីនិងចីរភាពប្រភពទឹក ក៏ដូចជា ដើម្បីឆ្លើយតបទៅនឹងការប្រែប្រួលអាកាសធាតុ ដោយផ្តោតលើការការពារជីវៈចម្រុះ តំបន់ដីសើម និងតំបន់ឆ្នេរ ស្រប តាមយុទ្ធសាស្រ្តចតុកោណដំណាក់កាលទី៣ របស់រាជរដ្ឋាភិបាលកម្ពុជា។ ជាមួយគ្នានេះ ឯកឧត្តម សាយ សំអាល់ មាន ជំនឿយ៉ាងមុ...
