សម្រស់ធម្មជាតិពីរកន្លែងនៅកម្ពុជា នៅមិនទាន់បានអភិវឌ្ឍជាតំបន់ទេសចរណ៍នៅឡើយ ប៉ុន្តែត្រូវបានប្រជាជនឧស្សាហ៍ទៅលេងកម្សាន្តទីនោះ ដើម្បីផ្ដិតយកទេសភាពដ៏ល្អឯកដូចរូបគំនូរ និងស្រូបយកខ្យល់អាកាសដ៏បរិសុទ្ធនៅទីនោះ។ ខាងក្រោមនេះជាតំបន់ធម្មជាតិពីរកន្លែងទេសភាពស្អាតបំផុត កម្រមានអ្នកទៅដល់៖ ១.ដីច្រោះនៅឧត្ដរមានជ័យទេសភាពដូចផ្ទាំងគំនូរ មើលមួយភ្លែតស្មានតែនៅស្រុកគេ តាមពិតមិនមែនទេទេសភាពដ៏ស្រស់ស្អាតនេះ គឺស្ថិតនៅក្នុងប្រទេសកម្ពុជានៅ ភូមិខ្នាចឬស្សី សង្កាត់បន្សាយរាក់ ក្រុងសំរោង ខេត្តឧត្តរមានជ័យ។ ទិដ្ឋភាពដ៏ស្រស់ស្អាតប្រៀបដូចរូបគំនូរនេះ គឺជាសម្រស់ធម្មជាតិពិតៗ នៃភ្នំពស់រលួសធំ ដែលជាទីតាំងធម្មជាតិមួយ នៅតាមខ្សែក្រវាត់ នៃបន្ទាត់ព្រំដែនក្នុងខេត្តឧត្តរមានជ័យ ដែលមានដីច្រោះបង្កើតបានជាទស្សនីយភាពដ៏អស្ចារ្យមិននឹកស្មានដល់។ សម្រស់ធម្មជាតិដ៏ស្រស់ស្អាតនេះ បានលាក់ខ្លួនពួនអាត្មា ជាយូរលង់ណាស់មកហើយ ប៉ុន្តែមិនសូវមានអ្នកណាទៅដល់ទីតាំងដ៏អស្ចារ្យនេះទេ...