ភ្នំពេញ ៖ ជម្លោះរវាងសម្តេចក្រុមព្រះនរោត្តម រណឫទ្ធិ ប្រធានគណបក្សនរោត្តម រណឫទ្ធិ និងលោក សៅ រ៉ានី អគ្គលេខាធិការគណបក្ស នរោត្តម រណឫទ្ធិ កាន់តែជ្រៅទៅហើយ ខណៈដែលលោក សៅ រ៉ានី បានដាក់ ពាក្យបណ្តឹងទៅអគ្គស្នងការនគរបាលជាតិ ចំពោះលិខិតមួយចំនួន ដែលលោកគិតថា ជាលិខិតក្លែងក្លាយ ដែលគណបក្ស នរោត្តម រណឫទិ្ធ បានចេញកាលពីថ្ងៃទី២០ ខែកក្កដា ដោយ ក្នុង លិខិតនោះ មិនទទួលស្គាល់ ការចុះហត្ថលេខា រវាងលោក ញឹក ប៊ុនឆៃ ប្រធានប្រតិបត្តិគណបក្ស ហ្វ៊ុនស៊ិនប៉ិច និងលោក សៅ រ៉ានី ។ យោងតាមសេចក្តីសម្រេច របស់គណបក្សនរោត្តម រណឫទិ្ធ ចុះថ្ងៃទី២០ ខែកក្កដា ឆ្នាំ២០១២ បាន បញ្ចប់តួនាទីអគ្គលេខាធិការ និងអគ្គលេខាធិការរងចំនួន ៦រូប ដោយក្នុងនោះ ទី១-លោក សៅ រ៉ានី អគ្គលេខាធិការ គណបក្សនរោត្តម រណឫទ្ធិ ទី២-លោក ផែង ហេង ទី៣-លោក ឃឹម សិលា ទី៤- លោក ថាវ គឹមឡុង ទី៥-លោក ឡុង លីម ជាអគ្គលេខាធិការរង ទី៦-លោក យស់ សូលី សមាជិក គណៈកម្មាធិការអចិន្ត្រៃយ៍ ហើយក៏មានលិខិតប្រកាសតែងតាំង លោក ឈឹម សៀកឡេង ជាអគ្គ លេខាធិការ នៃគណបក្សនរោត្តម រណឫទ្ធិ ជំនួសលោក សៅ រ៉ានី វិញ ។ យោងតាមប្រភពព័ត៌មានមួយ បានបង្ហើបឲ្យដឹងថា លោក សៅ រ៉ានី បានចាត់ទុកលិខិតរបស់គណបក្ស នរោត្តម រណឫទ្ធិ...