សម្តេចតេជោ៖ ប្រកាស ផ្អាកផ្តល់ដីសម្បទានសេដ្ឋកិច្ច បន្តយកចិត្តទុកដាក់វាស់វែងដីធ្លីចែកជូនប្រជាពលរដ្ឋ
សម្តេចអគ្គមហាសេនាបតីតេជោ ហ៊ុន សែន នៅក្នុងពីធីចែកប័ណ្ណកម្មសិទ្ធិដីធ្លីជូនប្រជាពលរដ្ឋចំនួន ៥៣២គ្រួសារស្នើនឹង ១០៥៣ ប៍ណ្ណ ក្បាលដីមានផ្ទៃដីទំហំជាង ១៣៨០ ហិកតា នៅឃុំត្រពាំងភ្លាំង និងឃុំល្បើក ស្រុកឈូក ខេត្តកំពត នាព្រឹកថ្ងៃទី ១០ តុលា ឆ្នាំ២០១២ បានប្រកាសឱ្យដឹងថា រាជរដ្ឋាភិបាលក្រោមការដឹកនាំរបស់សម្តេចនឹងបន្តផ្អាកការផ្តល់ដីសម្ប ទានសេដ្ឋកិច្ចរយៈពេលយូរហើយអាចរហូតដល់ពេលសម្តេចចូលនិវត្តន៍ដោយសម្តេចយកចិត្តទុកដាក់តែទៅលើការវាស់វែងបែងចែកដីធ្លី និងផ្តល់កម្មសិទ្ធិជូនប្រជាពល រដ្ឋតែប៉ុណ្ណោះ។
សម្តេចតេជោនាយករដ្ឋមន្រ្តីមានប្រសាសន៍ថា ខ្ញុំបានប្រកាសរួចហើយថា ការ ផ្តល់ដីបន្ថែមឲ្យអ្នកវិនិ យោគគឺមិនអាចធ្វើទេ ត្រូវផ្អាករយៈពេលវែងដែលអាចផ្អាកដល់រយៈពេលដែលខ្ញុំចូលនិវត្តន៍។ សម្តេចតេជោថ្លែងបញ្ជាក់ថា ខ្ញុំមិនអាចមានសិទ្ធិនឹងប្រកាសរហូតនោះទេ គឺអាចធ្វើបានត្រឹមតែ អាណត្តិរបស់ខ្ញុំ ហើយនៅពេលដែល នាយករដ្ឋមន្រ្តី ក្រោយឡើងមកចង់ឲ្យតទៅទៀត ក៏ឲ្យទៅ ព្រោះនេះជាសិទ្ធិរបស់គេ។
សម្តេចតេជោមានប្រសាសន៍ថា រាជរដ្ឋាភិបាលផ្តល់អាទិភាពនៅក្នុងការវាស់វែងបែងចែកផ្តល់កម្មសិទ្ធិជូនប្រជាពលរដ្ឋជាមុន ដែលស្ថាន ភាពបែបនេះវាបើកឱកាសសម្រាប់ប្រជាពលរដ្ឋអភិវឌ្ឍន៍ តាមក្រុមគ្រួសារ និងក្រុមហ៊ុនក៏អាចមកវិនិយោគបានដែលដំណើរការនេះ ជាដំ ណើរការឈ្នះ ឈ្នះនៅ ក្នុងការអភិវឌ្ឍប្រទេសជាតិ ។
ទាក់ទងនិងការវិនិយោគនេះសម្តេច តេជោនាយករដ្ឋមន្រ្តី មានប្រសាសន៍ថា បើក្រុមហ៊ុនណាចង់ចូលរួមវិនិយោគនោះគេ អាចមក ធ្វើ ការរៀបចំធ្វើការកែច្នៃ ព្រោះរាជរដ្ឋាភិ បាលជំរុញការកែច្នៃ ដោយសារតែយើងមានផលិតផលច្រើនណាស់ ដែលកែច្នៃអត់ទាន់។សម្តេចតេជោឱ្យដឹងថា ឆ្នាំនេះ គ្រាន់តែនៅក្នុង ខេត្តបាត់ដំបង និងខេត្តពោធិ៍សាត់យើងមានដំឡូងមីជាង ៣ លានតោន។ 
យើងខ្វះការកែច្នៃ ដូច្នេះយើង ទាក់ទាញវិនិ យោគពីខាងក្រៅសម្រាប់ការកែច្នៃ។ យើងមិនត្រូវភ្លេចទេថា ការវិនិយោគវាក្លាយទៅជាទីផ្សាររបស់កសិកររបស់យើង ដែលយើងមិនត្រូវ មើលស្រាលពីបញ្ហានេះទេ។
យើងខ្វះការកែច្នៃ ដូច្នេះយើង ទាក់ទាញវិនិ យោគពីខាងក្រៅសម្រាប់ការកែច្នៃ។ យើងមិនត្រូវភ្លេចទេថា ការវិនិយោគវាក្លាយទៅជាទីផ្សាររបស់កសិកររបស់យើង ដែលយើងមិនត្រូវ មើលស្រាលពីបញ្ហានេះទេ។
សម្តេចតេជោថ្លែងថា ការដាំដុះចាំបាច់ត្រូវរកទីផ្សារ ដែលនេះហើយជាកង្វល់របស់រាជរដ្ឋាភិ បាល ដែលបាន និងកំពុងធ្វើការស្វះស្វែង រកទីផ្សារជូនប្រជាពលរដ្ឋ ហើយនេះមិនមែនជាបញ្ហាដាច់ដោយឡែកមួយទេប៉ុន្តែវាជាកញ្ចប់នៃគោលនយោបាយអភិវឌ្ឍន៍របស់រាជ រដ្ឋាភិបាល។
ជុំវិញបញ្ហាផ្តល់កម្មសិទ្ធិដីធ្លីជូនប្រជាពលរដ្ឋនេះ សម្តេចតេជោនាយករដ្ឋមន្រ្តីថ្លែងថា នេះជារឿង ចាស់របស់គណបក្សប្រជាជនកម្ពុជា ដែល បានចាប់ផ្តើមបំផ្លាញចោលរបបកម្មសិទ្ធិសមូហភាពរបស់ ប៉ុល ពតក្នុងទំនាក់ទំនងផលិតកម្មបែបទាសករ នៃសម័យទាសភាព ដែល ជាទំនាក់ទំនងរវាងអង្គការ ដែលជាម្ចាស់ទាសករនិងប្រជាពលរដ្ឋដែលជាទាសករ។សម្តេចតេជោនាយករដ្ឋមន្រ្តីមានប្រសាសន៍បញ្ជាក់ថា យើង បានបំផ្លាញចោលបែបផែនផលិតកម្មរបស់ពួក ប៉ុល ពត ធ្វើរួមស៊ីរួម មកឲ្យមាន ជីវិតឡើងវិញ ក្នុងនោះកម្មសិទ្ទិដីធ្លី ក៏ត្រូវបានប្រគល់ ឲ្យប្រជាពលរដ្ឋពីឆ្នាំ ១៩៧៩ ដែលយើងមិន ត្រឹមតែ រំដោះមនុស្សនោះទេ ប៉ុន្តែយើងបានរំដោះទាំងប្រេតទៀតផង ហើយយើងអាច ចោទជា សំណួរថា បើគ្មាន ៧ មករា ឆ្នាំ ១៩៧៩ ទេតើអាចរស់បានឬទេ។
នៅក្នុងពិធីសំណេះសំណាល និងចែកប័ណ្ណកម្មសិទ្ធិដីធ្លីដល់ប្រជាពលរដ្ឋនៅស្រុកឈូកខេត្តកំពត នោះដែរសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក៏បានបញ្ចេញប្រតិកម្មខ្លាំងៗ ទៅនឹងអង្គការមួយនៅស្រុកជាំក្សាន្ត ខេត្តព្រះវិហារ ដែលយកដីសប្បទានសង្គមកិច្ចដែលរដ្ឋចែកឱ្យទៅលក់ ហើយធ្វើឲ្យប្រជាពលរដ្ឋឡើងមកតវ៉ានៅភ្នំពេញមិនចេះចប់។
សម្ដេចតេជោមានប្រសាសន៍ព្រមានថា«សូមនិយាយពីទីនេះទៅកាន់លោកចៅហ្វាយខេត្តព្រះវិហារយ៉ាងម៉េចបានជាដោះស្រាយមិនចេះចប់? ពី លើកមុនមកប្ដឹងមកហើយ ដោះចេញម្ដងហើយតែពេលនេះមកទៀត។ អាសមាគមសុំដីនេះខ្ញុំថាមិនគួរគប្បីនឹងធ្វើទេ ព្រោះសមាគមសុំដីនេះយកទៅលក់អស់ហើយ។ អាហ្នឹងមិនគួរធ្វើទេឥឡូវមានសមាគមអេដស៍ឯណាទៀតដោះឲ្យចេញទៅមើលប្រជាពលរដ្ឋមករកតែហ៊ុន សែន ឲ្យដីធ្វើជាដីសង្គមកិច្ចដើម្បីចែកឲ្យប្រជាពលរដ្ឋ បែរជាយកទៅលក់ អាហ្នឹងត្រូវវ៉ៃខ្នោះវាបានវាត្រូវ ឮថាឧកញ៉ាផងហើយ ជាទីប្រឹក្សាទៀតផង។ អត់ទេ កុំថាលោកឯងពាក់ត្រឹមផ្កាយពាក់លោកខែ ក៏ត្រូវមានទោសដែរ»។
ទាក់ទងនិងបញ្ហានេះ សម្ដេចតេជោនាយករដ្ឋមន្ត្រីបានដាក់បញ្ជាទៅអាជ្ញាធរឲ្យដោះស្រាយជូន ប្រជាពលរដ្ឋឲ្យបានចប់ដើម្បីកុំឲ្យពួកគាត់ឡើងមកតវ៉ានៅផ្ទះរបស់ សម្ដេចតទៅទៀត។
សម្ដេចតេជោនាយករដ្ឋមន្ត្រីក៏បានបញ្ចេញប្រតិកម្មទៅលើករណីនៃការកាត់ទោសលើករណីលោក ម៉មសូណង់ដូដែលជាប់ពាក់ព័ន្ធនិងធ្វើអប្បគមន៍ផងដែរ។ សម្តេចតេជោបានលើកឡើងថា«ដើម្បី រួចពីទោសទណ្ឌត្រូវបង្កើតអង្គការក្រៅរដ្ឋាភិបាល អ្នកកាសែត ឬបក្សនយោបាយ។ ប៉ុន្តែករណីនេះបើទោះជាទៅលួចគេ ក៏គេត្រូវវាយបែកក្បាលដែរ តែយើងចាប់ដាក់គុក គេថាយើងបំបិទសិទ្ធិសេរីភាព ហើយកាលកាត់ទោសកន្លងទៅគេមិនបានបិទវិទ្យុទេគឺតុលាការបានកាត់ពី ករណីបំផុសបំផុលប្រឆាំងអាជ្ញាធរសាធារណៈមិនមែនជាករណីវិទ្យុទេ។ ដល់យើងចាប់ដាក់ទោសស្រែកតវ៉ា អត់បានទេ ជាអង្គការ ជាអ្នកនយោបាយស្អីក៏មានទោសដែរ»។
នេះគឺជាលើកទី ៦ ហើយដែលសម្តេចតេជោនាយករដ្ឋមន្រ្តីអញ្ជើញចុះសំណាលសាកសួរ សុខទុក្ខ និងចែកបណ្ណកម្មសិទ្ធដីធ្លីចែកជូន ប្រជាពលរដ្ឋនៅតាមទីប្រជុំជនរាជធានីខេត្តមួយចំនួនក្នុង ប្រទេសកម្ពុជាដោយលើកទី ១ សម្តេចតេជោនាយករដ្ឋមន្រ្តី និងលោកជំ ទាវកិត្តិព្រឹទ្ធបណ្ឌិត អញ្ជើញ ចែកជូនប័ណ្ណកម្មសិទ្ធិដីធ្លីជូនប្រជាពលរដ្ឋចំនួន ៥៦០ គ្រួសារស្មើ នឹង ៨៩០ ប័ណ្ណរស់ នៅឃុំស្រែចារ និង ឃុំ ២ ធ្នូស្រុកស្នូលខេត្តក្រចេះកាលពីថ្ងៃទី ២១ កញ្ញា លើកទី ២ ចែកជូន ប្រជាពលរដ្ឋចំនួន ៥៩៤ គ្រួសារស្មើនឹងប័ណ្ណកម្មសិទ្ធិ ៩៧២ប័ណ្ណរស់នៅឃុំឆ្នាល់មាន់ស្រុកគាស់ ក្រឡខេត្តបាត់ដំបង ថ្ងៃទី ៣០ កញ្ញាឆ្នាំ ២០១២ និងលើកទី ៣ ចែកប័ណ្ណកម្មសិទ្ធិជូនប្រជាពល រដ្ឋចំនួន ៦៨៥ គ្រូសារស្មើនឹងប័ណ្ណ កម្មសិទ្ធិចំនួន ១០៨៦ ប័ណ្ណ លើកទី ៤ចែកជូនប្រជពលរដ្ឋចំនួន ៥១០ ក្បាលដីមានផ្ទៃដីទំហំជាង ៤៣៦ ហិកតា និងមានប្រជាពលរដ្ឋ រស់នៅ ២៩៨ គ្រូសាររស់នៅឃុំត្រស់ និងឃុំគគីរស្រុករមាសហែក ខេត្តស្វាយរៀង និងលើកទី ៥ ចែកប័ណ្ណកម្មសិទ្ធិជូនប្រជាពលរដ្ឋចំនួន ៧៤៤ គ្រូសារប័ណ្ណក្បាលដី ១១០៨ ក្បាលដីស្មើនឹង ២៨៨៦ ហិកតារស់នៅឃុំបន្ទាយ ឆ្មាស្រុកថ្មពួកខេត្តបន្ទាយមានជ័យ និងស្រុក បន្ទាយអំពិល ខេត្តឧត្តរមានជ័យ៕