ដោយ៖ រ័ត្ន សណ្តាប់
តាមរយៈការសម្ភាសន៍
និងសន្និសីទកាសែតរបស់លោកប្រធានគណបក្សសង្គ្រោះជាតិដែលបានចុះផ្សាយលើទំព័រកាសែតភ្នំពេញប៉ុស្តិ៍កាលពីថ្ងៃទី១៤
ខែមេសា ឆ្នាំ២០១៤ និងកាសែតThe Cambodia daily
ចុះផ្សាយនៅថ្ងៃទី៣០ ខែមេសាកន្លងទៅនេះ បានធ្វើឲ្យមតិសាធារណៈមានការភ្ញាក់ផ្អើលយ៉ាងខ្លាំងដោយលោក
សម រង្ស៉ី បានលើកឡើងថា ប្រសិនបើខ្លួនឈ្នះឆ្នោតបានដឹកនាំរដ្ឋាភិបាល ខ្លួននឹងធ្វើការកែទម្រង់ច្បាប់សញ្ជាតិ
និងអន្តោប្រវេសន៍ថ្មី ដើម្បីអនុញ្ញាតឲ្យជនអន្តោប្រវេសន៍វៀតណាមបានចូលសញ្ជាតិខ្មែរឲ្យបានដល់ចំនួន២៥០០០០នាក់
។
អ្នកតាមដាននយោបាយទំាងនៅក្នុងប្រទេស
និងទំាងនៅក្រៅប្រទេសអ្នកណាក៏បានដឹងដែរថា លោក សម រង្ស៉ី
ព្រមទាំងថ្នាក់ដឹកនាំគណបក្សសង្រ្គោះជាតិដែលបានច្រចាច់បញ្ចូលដោយ
គណបក្សពីរ
គឺគណបក្សសម រង្ស៉ី
និងគណបក្សសិទ្ធិមនុស្សតែងតែរកលេសលើកយករឿងបញ្ហា
អន្តោប្រវេសន៍វៀតណាមមកវាយប្រហាររដ្ឋាភិបាលក្នុងគោលបំណងបញ្ឆេះកំហឹងជាតិសាសន៍
សំដៅបង្កឲ្យមានការស្អប់ខ្ពើមពូជសាសន៍ហៅជនជាតិវៀតណាមថា” យួនៗ ពេញមាត់” ជាពាក្យដែលពួកគេយល់ថា
«អាក្រក់បំផុត» ដោយគេលើកអំពីប្រវត្តិវៀតណាមដែលបានឈ្លានពានកម្ពុជា វៀតណាមលេបទឹកដីកម្ពុជា
។ល។ ដើម្បីទាក់ទាញប្រជាប្រិយភាពឲ្យគេគាំទ្រគណបក្សរបស់ខ្លួន ។ តាមរយៈការបង្កើតទស្សន:នយោបាយស្អប់ខ្ពើមពូជសាសន៍របស់បក្សប្រឆំាងនេះ បានញាំងឲ្យខ្មែរដែលរស់នៅក្រៅប្រទេសមួយចំនួន
និងប្រជាពលរដ្ឋខ្មែរមួយចំនួននៅក្នុងប្រទេសបានឮសូរតៗគ្នាអំពីប្រវត្តិនេះ និងបានគាំទ្រទស្សនៈនេះ
។
អ្វីដែលគេនៅចងចំាកាលពីសម័យឃោសនាបោះឆ្នោត
និងថ្ងៃបោះឆ្នោតដែលកន្លងផុតទៅកាលពីថ្ងៃទី២៨ខែកក្កដា ២០១៣នេះ លោកសម
រង្ស៉ីក្តី លោក
កឹម សុខាក្តី ថ្នាក់ដឹកនាំគណបក្សសង្រ្គោះជាតិ
និងក្រុមសកម្មជនរបស់បក្សនេះបានស្រែកក្តែងៗជេរយួនដើម្បីទាក់ទាញសមាណ
ចិត្ត ប្រជាពលរដ្ឋគាំទ្រខ្លួន
ហើយនៅស្ថានីយ៍បោះឆ្នោតមួយចំនួនទៀតសោតពួកសកម្មជនគណបក្សសង្រ្គោះជាតិ
បានចេញមករារាំងប្រជាពលរដ្ឋខ្មែរដែលមានសិទ្ធិបោះឆ្នោត
មិនឲ្យចូលបោះឆ្នោតដោយគ្រាន់តែពួកគេឃើញប្រជាពលរដ្ឋទំាងនោះ
មានសម្បុរសហើយពួកគេក៏គិតថាជាយួន
តែម្តងទំាងទទឹងទទែងបណ្ដាលឲ្យខូចសណ្តាប់ធ្នាប់ការបោះឆ្នោត
រំលោភសិទ្ធិសេរីភាពក្នុងការបោះឆ្នោតជាហេតុបង្ករឲ្យមានភាពអនាធិបតេយ្យ ។
សកម្មភាពរើសអើងជាតិសាសន៍
ជាពិសេសការជេរប្រមាថ និងលាភពណ៌ខ្មែរ ក្រោមពាក្យថា(យួនៗ) ដែលបានដឹកច្រមុះបក្សប្រឆាំងស្ទើរតែគ្រប់ពេលវេលានេះ
ត្រូវបានទទួលរងនូវការរិះគន់ខ្លាំងៗពីមជ្ឈដ្ឋាននានាអំពី
ការរំលោភច្បាប់អន្តរជាតិ និងអាចនាំអោយមានហិង្សាសង្គម។
ព្រឹត្តិការណ៍ដូរប៉ូលនយោបាយរបស់បក្សប្រឆំាងនេះ
ត្រូវបានគេពិចារណាថា ហាក់ដូចជាលឿនពេក វាហាក់ដូចជាបែរទិស១៨០អង្សារអញ្ចឹង!។
គេចោទសួរគ្នាទៅវិញទៅមកថា
បើជានយោបាយថ្មីសម្រាប់ទាក់ទាញឲ្យមានការគាំទ្រច្រើនហាក់ដូចជាពុំមែន!
បើធ្វើនយោបាយសម្រាប់ទាក់ទាញបរទេសហាក់ដូចជាពុំមែន! ព្រោះនរណាក៏គេបានស្គាល់មាយាទលោក
សម រង្ស៉ី និងបក្សរបស់គាត់ថា បញ្ហាជនជាតិវៀតណាម គឺគ្រាន់តែមុខជំនួញនយោបាយប្រជាភិថុតតែប៉ុណ្ណោះ
។ តែបើគេចោទសួរយ៉ាងនេះវិញថា លោក សម រង្ស៉ី វង្វេងវង្វាន់ហើយទេដឹង?
អ្នកខ្លះឆ្លើយថាបើយ៉ាងនេះហាក់ដូចជាត្រូវជាង ។
ចំពោះការចោទសួរគ្នាទៅវិញទៅមកយ៉ាងនេះ
យើងសូមមិនធ្វើពិចារណាទេ ។ ប៉ុន្តែត្រង់ដែលគេចោទថា លោក សម រង្ស៉ី
ហាក់ដូចវង្វេងវង្វាន់នោះអាចដូចជាត្រូវដែរ ។ ព្រោះថាកន្លងទៅនេះក្នុងមូលហេតុពង្រឹងនូវមូលដ្ឋានគ្រឹះលទ្ធិប្រជាធិបតេយ្យ សម្តេចតេជោនាយករដ្ឋមន្រ្តី ហ៊ុន សែន បានអនុញ្ញាតទុកឱកាសដ៏ធំធេង ដែលសមាជិកគាំទ្រគណបក្សប្រជាជនមិននឹកស្មានដល់ទាល់តែសោះនោះ
ហេតុអ្វីបានជាសម្តេច ហ៊ុន សែន បានអនុញ្ញាតឲ្យគណបក្សប្រឆំាងស្រែកឡាំប៉ា អស់រយៈពេលជាងកន្លះឆ្នាំ
ស្រែកឡូឡាពេញដងផ្លូវសាធារណៈមិនទទួលស្គាល់លទ្ធផលនៃការបោះឆ្នោតទាមទាឲ្យមានការបោះឆ្នោះសារជាថ្មីឡើងវិញ
និងទាមទាឲ្យសម្តេច ហ៊ុន សែន ចុះចេញពីតំណែងនាយករដ្ឋមន្រ្តី ។ល។
ពាក្យដែលយើងកំពុងសរសេរនេះ
មើលទៅហាក់ដូចជាស្រាល ក៏ប៉ុន្តែបើគេចាក់ខ្សែអាត់ ឬខ្សែវីដេអូឡើងវិញនូវពាក្យពេចន៍ឃោសនាដែលបានបន្លឺឡើងតាមអ្វីដែលបក្សប្រឆំាងហៅថា
“មហាបាតុកម្ម” ស្រែកតាមដងផ្លូវសាធារណៈ រំខានដល់សណ្តាប់ធ្នាប់សាធារណៈ
រំខានដល់ប្រជាពលរដ្ឋដែលកំពុងរស់នៅយ៉ាងសុខសាន្តក្នុងរាជធានីភ្នំពេញ ក៏ដូចជាប្រជាពលរដ្ឋនៅតាមបណ្តាខេត្តមួយចំនួន
រំខានដល់សមាជិកគាំទ្ររបស់ខ្លួន ដែលកំពុងរកការទទួលទាននៅតាមស្រុកស្រែចំការឃើញថា ពាក្យពេចន៍ទំាងនេះមានលក្ខណៈអសុរោះ
គ្មានសីលធម៌ដែលគេពុំដែលឃើញសកម្មភាពទាំងនេះកើតឡើងមានទាល់តែសោះ ទោះក្នុងសតវត្សណាក៏ដោយ”ឧទាហរណ៍ថា ហ៊ុន សែន
អើយចុះចេញទៅ” ។
សម្តេចហ៊ុនសែន
ដែលជាប្រមុខរាជរដ្ឋាភិបាលនៃប្រទេសមួយដែលបានខិតខំប្រឹងប្រែងដឹកនាំនាវាកម្ពុជាតាំងពីបាតដៃទទេរ រំដោះប្រទេសជាតិ ពីរបបបាតដៃប្រឡាក់ឈាមរបស់ខ្មែរក្រហម
នាដើមឆ្នំា១៩៧៩ រហូតដល់បានចរចាជាមួយភាគីក្រៅប្រទេសដែលដឹកនំាដោយព្រះករុណាព្រះបាទ សម្តេចព្រះនរោត្តម សីហនុ បានទទួលជោគជ័យ និងបានចុះហត្ថលេខាសន្តិភាពទីក្រុងបារីសនៅថ្ងៃទី២៣តុលា១៩៩១
។ ចំនុចមួយចំនួននៃខ្លឹមសារកិច្ចព្រមព្រៀងទីក្រុងបារីសបានចង្អុលផ្លូវគឺ ទី១៖គាំទ្រនិងពង្រឹងលទ្ធិប្រជាធិបតេយ្យ
ទី២៖ ការពារបូរណភាពទឹកដី ទី៣៖ ផ្តល់សិទ្ធិសេរីភាពដល់ប្រជាពលរដ្ឋ(ដែលរស់នៅជាទាសករអស់រយៈ៤ឆ្នាំក្នុងរបបខ្មែរក្រហម)
និងទី៤៖ បំផុសបំផុលចលនាអភិវឌ្ឍន៍ស្រុកទេសចាប់ពីបាតដៃទទេ ដែលជាមូលដ្ឋានពង្រឹងពង្រីកសុខមាលភាពប្រជាពលរដ្ឋនៅទូទាំងប្រទេស
។
ក្នុងន័យនេះសម្តេច ហ៊ុន សែន
ប្រមុខរដ្ឋាភិបាលនៃប្រទេសបានសម្រេចចិត្តមិនអនុញ្ញាតឲ្យសកម្មភាពដែល
បានអូសបន្លាយអស់រយៈជាងកន្លះឆ្នាំ
មកនេះដែលបានខិតខំពីបាតដៃទទេរហូតមកទល់
សព្វថ្ងៃនេះត្រូវបានបក្សប្រឆំាងមកបំផ្លិចបំផ្លាញក្នុងមួយប៉ព្រិចភ្នែកបានឡើយ
។ ដូចនេះសកម្មភាព និងទង្វើរទាំងអម្បាលម៉ានចាប់ពីដើមខែមករា ឆ្នាំ២០១៤
រហូតមកដល់ពេលនេះគឺជាមធ្យោ
បាយឆ្លើយតបទៅនឹងទង្វើរភាពបះបោរបែបអនាធិបតេយ្យរបស់បក្សប្រឆំាងនេះឯង
។
យើងយល់ថានេះជាវិធានការតែមួយគត់ដែលប្រមុខរដ្ឋាភិបាលនៃប្រទេសនានា
លើពិភពលោកត្រូវចាត់វិធានការ
។
បើតាមរយៈនៃការសម្តែងឆន្ទៈរបស់អង្គការសង្គមស៊ីវិលមួយចំនួន
ក៏ដូចជាកងកំលាំងប្រដាប់អាវុធ មន្រ្តីរាជការ កម្មករ កសិករ
គេបានបង្ហាញពីការសប្បាយរីករាយនៅពេលដែលគេឃើញសភាពការណ៍នយោបាយនៅក្នុងប្រទេសកម្ពុជានាពេលនេះ
មានភាពស្ងប់ស្ងាត់ ប្រជាពលរដ្ឋទាំងអ្នកគាំទ្រគណបក្សប្រឆំាង ទំាងអ្នកគាំទ្រគណបក្សឈ្នះឆ្នោត
គឺគណបក្សប្រជាជនកម្ពុជាមានឱកាសប្រកបរបរចិញ្ចឹមជីវិតរបស់ពួកគេដោយសន្តិភាព ។
ជាសរុបគេអាចយល់ថា
ការបត់បែននយោបាយថ្មីរបស់មេដឹកនាំបក្សប្រឆំាងដែលមានបំណងធ្វើ
ច្បាប់ថ្មីឲ្យជនអន្តោប្រវេសន៍វៀតណាមចំនួន២៥០០០០នាក់
បានសញ្ជាតិខ្មែរពេលខ្ឡួនឡើងកាន់អំណាចនោះ
អាចជាភាពវង្វេងវង្វាន់ថ្មីមួយទៀតបន្ទាប់ពីខ្លួននឹងក្រុមបក្ខ
ពួកខ្លួនមិនអាចបង្ករភាពចលាចល
អនាធិបតេយ្យនៅតាមដងផ្លូវទីសាធារណៈបាន ។