Skip to main content

រាជរដ្ឋាភិបាលកម្ពុជា​ ប្តេជ្ញាចិត្តកិច្ចខិតខំ​ប្រឹង​ប្រែង ក្នុងការចូលរួម​ដោះស្រាយបញ្ហា​ប្រែប្រួល​អាកាស

នៅទីក្រុងញូវយ៉ក នាសៀលថ្ងៃទី២៣ ខែកញ្ញា ឆ្នាំ​២០១៤ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន ​តំណាង​ដ៏​ខ្ពង់​ខ្ពស់សម្តេច​​អគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានថ្លែង​សុន្ទរកថា​​បញ្ជាក់នូវ​ជំហរ​របស់រាជរដ្ឋាភិបាលកម្ពុជា​ ចំពោះកិច្ចខិតខំ​ប្រឹង​ប្រែង និងការប្តេជ្ញាចិត្ត ក្នុងការ​ចូល​រួម​ដោះស្រាយបញ្ហា​ប្រែប្រួល​អាកាស​ធាតុ​​ នៅ​ក្នុង​កិច្ច​ប្រជុំ​កំពូលរបស់អង្គការ​សហប្រជាជាតិស្តីពី​ការប្រែប្រួល​អាកាស​ធាតុ។ 

 កិច្ចប្រជុំ​កំពូលនេះត្រូវបាន​រៀបចំឡើង ក្រោម​គំនិត​ផ្តួចផ្តើមរបស់ឯកឧត្តមអគ្គលេខាធិការ​ បាន គីមូន ដែលលោកបាន​ស្នើឡើងនៅក្នុងអំឡុងពេល​នៃមហា​សន្និបាត​លើកទី៦៩ របស់អង្គការសហប្រជាជាតិ ក្នុងគោលបំណង​ជំរុញ និងលើក​ទឹកចិត្តឱ្យប្រមុខដឹកនាំ​ប្រទេស​នីមួយៗ បង្កើនការយកចិត្តទុកដាក់ខិតខំអនុវត្តឱ្យបានជោគជ័យនូវ​ផែនការ​សកម្មភាព ក្នុង​ការរួមចំណែក​ដោះ​ស្រាយ​បញ្ហា​ប្រែប្រួល​អាកាសធាតុ​ ក៏ដូចជាពង្រឹងមហិច្ឆិតា​នយោបាយ សំដៅរួមគ្នា​សម្រេចឱ្យ​បាននូវ ​កិច្ច​​ព្រមព្រៀង​អាកាស​ធាតុ​ថ្មីទីក្រុងប៉ារីស ឆ្នាំ២០១៥ ដោយផ្អែក​លើ​គោល​ការណ៍​គន្លឹះ​នានា​នៃអនុសញ្ញា​ក្របខ័ណ្ឌ​សហប្រជា​ជាតិ​​ស្តីពីការ​ប្រែប្រួល​អាកាសធាតុ​ ជាពិសេស​គោលការណ៍​ទទួល​ខុសត្រូវរួម ប៉ុន្តែក្នុង​កម្រិតខុសៗគ្នា និងការ​ធានាដល់​ការអភិវឌ្ឍ​ប្រកប​ដោយចីរភាព​នៃប្រទេស​ក្រីក្រ។

ឯកឧត្តមរដ្ឋមន្រ្តីបានលើកឡើងថា ​ដោយសារសមត្ថភាព​បន្ស៊ាំនឹងការប្រែប្រួលអាកាសធាតុរបស់កម្ពុជា​នៅមាន​កម្រិត​ទើបកម្ពុជាងាយទទួលរង​គ្រោះ​បំផុតពីការ​ប្រែប្រួល​អាកាសធាតុ។ បើទោះបីកម្ពុជាបានរួមចំណែកធ្វើឱ្យមានការប្រែប្រួល​អាកាសធាតុតិចតួច​ក៏​ពិតមែន ក៏ប៉ុន្តែកម្ពុជានៅតែបន្តខិតខំចូលរួមដោះ​ស្រាយ​​បញ្ហាប្រែប្រួល​អាកាសធាតុ នៅក្នុង​របៀប​វារៈ​អភិវឌ្ឍន៍ជាតិ តាមរយៈការដាក់ចេញនូវវិធានការសមស្រប ដែលរួមមានការកសាងសមត្ថភាព​ស្ថាប័ន​ ការរៀបចំនិង​អនុវត្តផែនការ​យុទ្ធសាស្រ្តឆ្លើយ​តបនឹងការប្រែប្រួលអាកាសធាតុកម្ពុជាសម្រាប់រយៈពេល១០ឆ្នាំខាងមុខ ការ​បញ្ជ្រាប​ការ​ប្រែប្រួល​អាកាសធាតុ ​ទៅក្នុង​ដំណើរការកសាងផែនការនិងគម្រោងថវិកា ការរៀបចំក្របខ័ណ្ឌហិរញ្ញប្បទានប្រែប្រួល​អាកាស​ធាតុ​ ​ក្របខ័ណ្ឌតាមដាន​វាយតម្លៃនិងអនុវត្តវិធានការនានា ដើម្បីកសាង​ភាពធន់របស់សហគមន៍ និងរបរ​ចិញ្ចឹម​ជីវិត​ដែលមាននិរន្តរភាព សំដៅឈានដល់​ការអភិវឌ្ឍ​បៃតង ដែលបញ្ចេញកាបូន​តិច ធន់នឹង​អាកាសធាតុ​ មានសមធម៌​ ចីរភាព និងផ្អែក​លើចំណេះដឹង ដែលនេះជាការរួម​ចំណែក​ដល់កិច្ចខិតខំប្រឹងប្រែងដោះស្រាយ​បញ្ហា​ប្រែប្រួល​អាកាសធាតុ ទាំង​នៅថ្នាក់ជាតិ តំបន់ និងពិភពលោក។

ក្នុង​នាម​រាជ​រដ្ឋាភិបាលកម្ពុជា ឯកឧត្តមបានគាំទ្រឱ្យមាន​ការផ្តល់ហិរញ្ញវត្ថុថ្មីជាបន្ថែម សម្រាប់​មូល​និធិអាកាស​ធាតុបៃតង​ឱ្យកើនដល់១០០ពាន់លានដុល្លារក្នុងមួយឆ្នាំ នៅមុនឆ្នាំ២០២០ រួមទាំងការផ្ទេរ​បច្ចេកវិទ្យា​ និងការ​កសាង​​សមត្ថភាព សម្រាប់​ឱ្យប្រទេសកំពុងអភិវឌ្ឍន៍​អាច​ចាត់វិធានការប្រកបដោយ​ប្រសិទ្ធភាព ក្នុងការឆ្លើយ​តប​នឹងបញ្ហា​ប្រែ​ប្រួល​អាកាស​ធាតុ។ ឯកឧត្តម​ក៏បាន​អំពាវ​នាវ​​ឱ្យបណ្តាប្រទេសអ្នកមានទាំងអស់បង្កើន​មហិច្ឆិតានិងការប្តេជ្ញា​ចិត្ត​កាត់បន្ថយ​ការបញ្ចេញ​ឧស្ម័នផ្ទះ​កញ្ចក់​ ដើម្បី​កំហិតកំណើន​សីតុណ្ហភាព​ជា​មធ្យម​លើពិភព​លោក​ឱ្យមកនៅ​ត្រឹម​ក្រោម​២°C នៅមុន​ឆ្នាំ២១០០ ធៀបទៅនឹង​កម្រិត​នៅ​មុន​សម័យ​បដិវត្តន៍ឧស្សាហកម្ម និង​ត្រូវផ្តល់ការគាំទ្រដល់​ការ​អភិវឌ្ឍ​​ដោយចីរភាពនៃ​បណ្តា​ប្រទេសកំពុង​​អភិវឌ្ឍន៍​ ក្នុង​បរិបទ​នៃសន្តិសុខ​ស្បៀង​អាហារ ទឹក ​និងថាមពល​ និងការកាត់បន្ថយ​ភាព​ក្រី​ក្ររបស់ប្រជាជន​ជាពិសេស​នៅក្នុងបណ្តា​​ប្រទេស​អភិវឌ្ឍន៍​តិចតួច។

Popular posts from this blog

ប្រវត្តិរបស់មហាក្សត្រីអង្គមុី ឬអង្គមិញ ដែលយួនលើកបន្តប់ជាមហាក្សត្រីខ្មែរទី៩៧

ព្រះមហាក្សត្រីអង្គមីុ ឬ អង្គមេញ ទ្រង់ជាមហាក្សត្រីខ្មែរទី៩៧ នៃរាជាណាចក្រខ្មែរឧដុង្គ ទ្រង់គឺជាអ្នកមានអំណាចម្នាក់នៅក្នុងចំនោមស្ត្រីបីនាក់នៅសម័យនោះដែរ។ ព្រះនាងត្រូវបានវៀតណាមលើកឲ្យក្លាយជាព្រះមហាក្សត្រីខ្មែរ នៅក្នុងអំឡុងពេលដែលក្រុងកម្ពជាមានសង្រ្គាមជាមួយសៀម។ ព្រះនាង គឺជាសែលោហិតរាជវង្សនរោត្តម មិនតែប៉ុណ្ណោះទេទ្រង់មានឥសរយស្សជា សម្តេចសិល្បៈករប្រចាំក្រុងកម្ពុជានាសម័យនោះ ព្រះអង្គឡើងគ្រោងរាជចាប់ពីឆ្នាំ (១៨៣៥-១៨៤១) ព្រះអង្គសោយរាជ្យបានរយៈពេល៦ឆ្នាំ។ ព្រះអង្គឡើងសោយរាជ្យបន្តពីព្រះបាទឧទ័យរាជា (ព្រះ បាទឧទ័យរាជា ជាទទៅនៅសម័យនោះគេហៅព្រអង្គថាអង្គច័ន្ទ) ទ្រង់ឡើងសោយរាជ្យបន្តពីបិតារបស់ព្រះអង្គ គឺព្រះអង្គអេង។ នៅរាជសម័យបន្ទាប់ពីព្រះមហាក្សត្រីអង្គមុី គឺព្រះបាទហរិរះរាមាឥសារាធិបតី ដែលយើងស្គាល់គ្រប់គ្នាគឺ ព្រះបាទអង្គឌួង ព្រះអង្គប្រសូត្រនៅឆ្នាំ១៧៩៦ ហើយសោយទីវង្គត់ នៅខែតុលា ឆ្នាំ ១៨៦០ ក្នុងព្រះជន ៦៤ព្រះវវស្សា ព្រះអង្គគឺជាក្សត្រមួយអង្គដែលបានសង្រ្គោះកម្ពុជាពីកន្តាប់ដៃសៀមនឹងវៀតណាម។ ព្រះអង្គឡើងសោយរាជចាប់ពីឆ្នាំ ១៨៤៧ ដល់ ១៨៦០។  ព្រះមហាក្សត្រីអង្គមីុ សោយទិវង្គត់នៅ ក្នុងខែធ្នូ ឆ្នាំ១៨៧៤ ក្នុងព្រះជន្មាយុ ៥៩ ព្រះវវស្សា ក្ន...
Read more

សារ​លិខិត​រំលែក​ទុក្ខ​របស់ ឯកឧត្តម Kim Sung-Hwan រដ្ឋមន្រ្តី​ការ​បរទេស​នៃ​សាធារ​ណ​រដ្ឋកូរ៉េ ជូន សមេ្តច​អគ្គម​ហាសេនា​បតីតេជោ ហ៊ុន សែន នាយករដ្ឋមន្ត្រី នៃព្រះ​រាជា​ណាច​ក្រកម្ពុជា

Read more

Cambodia and Japan commit to preserve heritage site as oil and gas exploration begins in Preah Vihear

PHNOM PENH, Jan. 30, 2012 – The Japanese Oil, Gas and Metals National Corporation (JOGMEC) agreed with Cambodian Deputy Prime Minister Dr. Sok An in a meeting on Monday that the historic temples of Preah Vihear province must be protected and conserved. H.E. Dr. Sok An, Minister in Charge of the Office of the Council of Ministers, told Akira Suzuki, Executive Director and member of the Board of JOGMEC, that there are more than 200 historic sites in the province, including the Temple of Preah Vihear. Dr. Sok An said that it is very important that such cultural heritage be cared for so as to attract more tourists to the area. Already there are 2,000 tourists per day visiting Preah Vihear province. The province is also rich in mineral resources and fertile land for agriculture, he said. The area is also a home of an endangered bird that is attractive to tourists. “If we can discover oil and gas, that is a very good asset for Preah Vihear province and for Cambodia as a w...
Read more

រាយនាមព្រះមហាក្សត្រខ្មែរ និងរាជសម័យនៃការគ្រប់គ្រងប្រទេស

ការសិក្សាស្រាវជ្រាវអំពីប្រវត្តិសាស្ត្រ​ខ្មែរ មិនមែនជារឿងងាយទេ ដោយសារតែគ្មានឯកសារច្បាស់លាស់បន្សល់ទុក​ឱ្យស្រាវជ្រាវ។ ដូច្នេះយើងត្រូវតែកកាយរើមួយម្តងមួយផ្នែកៗ មករៀបចំផ្គុំគ្នាដើម្បីឱ្យបានឃើញការពិតពីមួយសម័យកាលទៅមួយសម័យទៀត។ ខាងក្រោមនេះ គឺជាការស្រាវជ្រាវប្រវត្តិនៃការគ្រប់គ្រងរបស់ព្រះមហាក្សត្រខ្មែរ និងព្រះនាមរបស់ទ្រង់នីមួយៗ៖ * សម័យនគរភ្នំ (ហ្វូណន សវទី១ ៥៥០ គស) 1. ព្រះនាងសោមាហៅលីវយី (ដើមសតវត្សទី១) 2. កៅណ្ឌិន្យ(៦៨) 3. មិនស្គាល់ព្រះនាម (សតវត្សទី២) 4. មិនស្គាល់ព្រះនាម ចិនហៅ បាន់ ហួង (សតវត្សទី២) 5. មិនស្គាល់ព្រះនាម ចិនហៅ ហ្វាន់ហ្វាន់(ដើមសតវត្សទី៣) 6. ស្រីម៉ារ៉ា ចិនហៅ ចេម៉ាន់(២០៥- ២២៥) 7. មិនស្គាល់ព្រះនាមចិនហៅ Fan chin sheng(២២៥) 8. មិនស្គាល់ព្រះនាម ចិនហៅហ្វាន់ចាន់(២២៥ -២៤០) 9. មិនស្គាល់ព្រះនាម ចិនហៅហ្វាន់សីុយន់(២៤០- ២៨៧) 10. មិនស្គាល់ព្រះនាម(សតវត្សទី៣ ) 11. មិនស្គាល់ព្រះនាមចិនហៅតៀនជូ ចាន់តាន(សតវត្សទី៤) 12. មិនស្គាល់ព្រះនាម(សតវត្សទី៤ ) 13. កៅណ្ឌិន្យទី២ចិនហៅចាវចិនជូ( ? ៤៣៤) 14. ស្រី =ន្រ្ទវរ្ម័ន(៤៣៤- ៤៣៥) 15. មិនស្គាល់ព្រះនាម មិនស្គាល់រជ្ជកាល 16. មិនស្គាល់ព្រះនាម មិនស្គាល់រជ្ជកាល 17. កៅណ្ឌិន្យ...
Read more

Cambodia and Malaysia look to further cooperation in agriculture, tourism and education sectors

PHNOM PENH, February 20, 2014  – Cambodian Deputy Prime Minister Sok An and Malaysian Deputy Prime Minister shared views on Thursday that both countries can tap mutual benefits and complement each other. Malaysian Deputy Prime Minister and Minister of Education Tan Sri Muhyiddin informed H.E. Sok An that, “Malaysia is good at rubber plantations, palm oil, and technology and the key is how best to work with Cambodia.” He said that Malaysian companies are interested in investing in processing rubber resin and can make good furniture from old rubber trees in Cambodia. Malaysian state run companies can also explore energy, generation, hydro-power plants and infrastructures such as roads in Cambodia. “We need feasibility studies first before the next steps can be taken. We can provide resources under the plan of privatization,” H.E. Tan Sri Muhyiddin said in the meeting. In response, H.E. Dr. Sok An, also Minister in charge of the Office of the Council of Minist...
Read more