បទសម្ភាសន៍ លោកបណ្ឌិត ឈឹម ផលវរុណ ជាមួយលោក សត្យា រក្ស ក្នុងកម្មវិធីវិភាគព្រឹត្តិការណ៍សង្គម ស្តីពីការដណ្តើមស្លាកជាអ្នកប្រជាធិបតេយ្យ រវាងគណបក្ស សម រង្ស៊ី និងគណបក្ស សិទ្ធិមនុស្ស
ថ្ងៃទី ០៥ ខែ ធ្នូ ឆ្នាំ២០១១
លោក សត្យា រក្ស
សំណួរ៖ យើងឃើញថា គណបក្ស សម រង្ស៊ី និង គណបក្សរបស់ កឹម សុខា
កំពុងតែចោទប្រកាន់គ្នា ដែលខាង កឹម សុខា ថា គណបក្ស សម រង្ស៊ី
ជាអាយ៉ងរបស់គណបក្សប្រជាជនកម្ពុជា ។សម្រាប់ សម រង្ស៊ី
វិញកំពុងតែចោទប្រកាន់ថា គណបក្ស កឹម សុខា
នេះកំពុងតែអូសទាញក្រុមប្រឹក្សាឃុំសង្កាត់របស់គេ
ដើម្បីឲ្យមកគាំទ្រការបោះឆ្នោតជូនគណបក្សប្រជាជន។ យើងឃើញថា
ចំណុចនេះយើងអាចនិយាយបានថា
ភាពផ្អែមល្ហែមរបស់គណបក្សទាំងពីរគឺឈប់មានហើយ។ចំណុចនេះតើលោក
បណ្ឌិតយល់ឃើញយ៉ាងម៉េច?
លោកបណ្ឌិត ឈឹម ផលវរុណ
ចម្លើយ៖ ត្រង់ហ្នឹងហើយដែលបងប្អូនប្រជាពលរដ្ឋពិនិត្យមើលថា
គណបក្សប្រឆាំងទាំងគណបក្ស សម រង្ស៊ី ទាំងគណបក្ស សិទ្ធិមនុស្ស
ដែលដណ្តើមគ្នាថា ខ្លួនជាអ្នកប្រជាធិបតេយ្យពិត ដូចលោក សត្យារក្ស
បានលើកអញ្ចឹង គឺដណ្តើមទាញយកស្លាកអ្នកប្រជាធិបតេយ្យ
ហើយអាស្លាកហ្នឹងរហែកដោយសារតែរឿងគណបក្សប្រឆាំងកំពុងដណ្តើមហ្នឹង
ឯង។ តែពាក្យ
និងខ្លឹមសារពិតប្រាកដរបស់ប្រជាធិបតេយ្យមិនស្ថិតនៅលើស្លាកដែល
ពួកហ្នឹងកំពុងដណ្តើមគ្នាទេ
គឺជាអ្វីដែលជាគុណសម្បត្តិរបស់កម្ពុជាកំពុងវិវឌ្ឍនមកដល់ពេលនេះ
ហើយកំពុងត្រៀមវិវឌ្ឍនជាជំហ៊ានទៅមុខ។
អាហ្នឹងគឺជាខ្លឹមសារពិតនៃដំណើរការប្រជាធិបតេយ្យភាវូបនីយកម្មនៅ
កម្ពុជា
ហើយគណបក្សប្រឆាំងទាំងពីរដណ្តើមគ្នាទាញយកស្លាកប្រជាធិបតេយ្យ
កំពុងតែដាច់ដោចគ្នាហ្នឹងឯង
ហើយមួយទៀតក៏ជាការរំលឹកមកវិញបន្តិចដែរ
កាលពីប៉ុន្មានឆ្នាំមុន
គេប្រកូកប្រកាសគ្នាធ្វើសម្ព័ន្ធភាពអ្នកប្រជាធិបតេយ្យ
ហើយកាលហ្នឹងយើងក៏ធ្លាប់សម្តែងនៅក្នុងវេទិការរបស់យើងបញ្ជាក់ថា
គណបក្សទាំងពីរហ្នឹងគ្មានសារធាតុណាដែលអាចចាប់ដៃគ្នាធ្វើការជា
មួយគ្នាបានទេ ហើយកាលហ្នឹងគេចោទប្រកាន់យើងថា
យើងជាអ្នកទប់ស្កាត់មិនចង់ឲ្យគេរួមគ្នាទេ ខ្លាចគេខ្លាំង
រហូតដល់គេថា
កម្មវិធីនេះជាកម្មវិធីញុះញង់បំបែកបំបាក់គណបក្សគេមិនឲ្យចង
សម្ព័ន្ធភាពជាដើម។ល។ ទៅជាចោទយើងថាបំបែកបំបាក់គូរស្នេហ៍
ការពិតគូរស្នេហ៍ហ្នឹងវាទៅអត់រួច ដែលយើងមើលឃើញ យើងដឹងថា
គូរស្នេហ៍ពីរនេះទៅអត់រួចទេ
ព្រោះមិនដឹងអ្នកណាដើរតួជាប្រពន្ធ អ្នកណាដើរតួជាប្តី។
ដល់យើងប្រាប់ទៅគេខឹងយើង
ដល់ឥឡូវពួកគណបក្សប្រឆាំងទាំងពីរគឺជាជនរមិលគុណទៅវិញគួរតែ
អរគុណពួកយើង។ សព្វថ្ងៃនេះពួកគាត់អត់រួបរួមគ្នាបានទេ
ហើយមិនត្រឹមតែអត់ចូលទេ គាត់វាយប្រហារដាក់បណ្តាសារគ្នា
ដាក់ទំនាយគ្នាទៀត ។
បើយល់គួរតែអរគុណពួកយើងដែលបានប្រាប់ពីមុន ទាំងលោក សម រង្ស៊ី
និងគណបក្ស សម រង្ស៊ី ហើយគួរតែសុំទោសយើង រឿងដែលចោទប្រកាន់ថា
យើងបំបែកបំបាក់មិនឲ្យគូរស្នេហ៍ចាប់ដៃគ្នាបាន។
តាមពិតពួកគាត់មិនដែលមានស្នេហាចាប់ដៃជាមួយគ្នាឯណា
ពួកពីរអ្នកនោះអត់ស្មោះត្រង់គ្នាទេ។
ឥឡូវយើងទាញមកព្រឹត្តិការណ៍ថ្មី យើងឃើញហើយ
កម្ពុជាយើងជិតឈានទៅដល់ថ្ងៃបោះឆ្នោតព្រឹទ្ធសភា គឺនៅខែមករា
ឆ្នាំ ២០១២ នេះឯង ហើយការបោះឆ្នោតព្រឹទ្ធសភា ខុសពីការបោះឆ្នោត
រដ្ឋសភា និង ការបោះឆ្នោត ឃុំ សង្កាត់ គឺយើងបោះឆ្នោតជាអសកល
និងមិនផ្ទាល់ បានសេចក្តីថា
អ្នកដែលមានសិទ្ធិបោះឆ្នោតជ្រើសតាំងសមាជិកព្រឹទ្ធសភា
គឺមានតែសមាជិកក្រុមប្រឹក្សា ឃុំ សង្កាត់ ទូទាំងប្រទេស
បូកនឹងសមាជិករដ្ឋសភាបច្ចុប្បន្ន។
សព្វថ្ងៃនេះមានតែគណបក្សពីរទេ
ដែលឈរឈ្មោះប្រកួតប្រជែងបោះឆ្នោតព្រឺទ្ធសភា
គឺគណបក្សប្រជាជនកម្ពុជា និងគណបក្ស សម រង្ស៊ី ឯគណបក្ស កឹម សុខា
ទោះចង់មិនចង់ក៏គ្មានបានប្រយោជន៍អ្វីដែរ
ព្រោះខ្លួនគ្មានសមាជិកនៅក្នុងក្រុមប្រឹក្សា ឃុំ សង្កាត់ ទេ
ដូច្នេះត្រូវតែអត់ចូលរួមហើយ
ព្រោះទៅចូលរួមមានអ្នកណាគេទៅបោះឲ្យ។
ប៉ុន្តែនៅមានភាពណែងណងមួយរវាង គណបក្ស កឹម សុខា និងគណបក្ស សម រង្ស៊ី
ពាក់ព័ន្ធទៅនឹងការបោះឆ្នោតព្រឹទ្ធសភាត្រង់ថា
កន្លងមកប៉ុន្មានខែនេះគឺការចាកចេញពីគណបក្ស សម រង្ស៊ី
មានជាបន្តបន្ទាប់ពិសេសគឺនៅខាងកំពង់ចាមនេះឯង ។
អ្នកដែលចាកចេញពីគណបក្ស សម រង្ស៊ី មកគណបក្ស កឹម សុខា
គឺវាមានពាក់ព័ន្ធគ្នាជាមួយនឹងសមាជិកក្រុមប្រឹក្សា ឃុំ សង្កាត់
នៅឯមណ្ឌលបោះឆ្នោតខេត្តកំពង់ចាម។ អញ្ចឹង កឹម សុខា
ប្រើលទ្ធភាពបច្ចុប្បន្នហ្នឹង ដើម្បីអូសទាញសមាជិកក្រុមប្រឹក្សាឃុំ
សង្កាត់នៅឯខេត្តកំពង់ចាម ដែលជាសមាជិករបស់គណបក្ស សម រង្ស៊ី
ប៉ុន្តែអ្នកទាំងអស់ហ្នឹង មានមួយចំនួនអាចថា
គាំទ្រក្រុមដែលចាកចេញពីគណបក្ស សម រង្ស៊ី ។
ត្រង់ហ្នឹងដែលជាការអះអាងរបស់គណបក្ស សម រង្ស៊ី ថា គណបក្ស កឹម សុខា
កំពុងតែអូសទាញសមាជិក ក្រុមប្រឹក្សា ឃុំ សង្កាត់
មួយចំនួនរបស់គណបក្ស សម រង្ស៊ី
ដែលគាំទ្រក្រុមដែលចាកចេញទៅកុំឲ្យបោះឆ្នោត
គាំទ្របេក្ខជនរបស់គណបក្ស សម រង្ស៊ី
ដែលឈរឈ្មោះជាសមាជិកព្រឹទ្ធសភានោះ
គឺឲ្យគាំទ្រគណបក្សប្រជាជនកម្ពុជា
។នេះជាការចោទប្រកាន់ម្ខាងរបស់គណបក្ស សម រង្ស៊ី ហើយយើងឃើញថា
គណបក្ស កឹម សុខា បានធ្វើសេចក្តីថ្លែងការណ៍
វាអត់សក្តិសមនឹងខ្លួនពាក់ សិទ្ធិមនុស្សទេ
មិនដឹងជាសិទ្ធិអ្វីទេ
ចេញមកប្រមាថគេបញ្ច្រាស់ទៅវិញមិនព្រមពន្យល់
ហើយនេះជាចរិកនយោបាយរបស់ កឹម សុខា តែម្តង
គាត់អត់ចូលចិត្តពន្យល់អ្នកណាទេ ព្រោះគាត់អត់ចេះ
មិនដឹងពន្យល់អី មានតែជេរបញ្ច្រាស់ទៅវិញ។ មានន័យច្រើនណាស់
រហូតដល់យកពាក្យ រឡិករឡក់
តាមអ្វីដែលគាត់យល់កន្លះក្អមនៅក្នុងទ្រឹស្តីព្រះពុទ្ធក៏ដូច
ទ្រឹស្តីប្រជាធិបតេយ្យ
យកមកធ្វើសេចក្តីថ្លែងការណ៍វាយប្រហារគណបក្ស សម រង្ស៊ី វិញ ។
តាមធម្មតា រឿងចោទប្រកាន់វាសឹងតែជាទម្លាប់ទៅហើយ របស់គណបក្ស សម
រង្ស៊ី និងគណបក្ស កឹម សុខា
ប៉ុន្តែអ្វីដែលជាចរិតមិនល្អនៅត្រង់ថា
ពួកគាត់អត់ចេះបំភ្លឺគ្នា បានត្រឹមតែបញ្ច្រាស់គ្នាទៅវិញ ។ កឹម
សុខា គាត់បញ្ច្រាស់ទៅថា ចោទប្រកាន់ គណបក្ស សម រង្ស៊ី រហូតដល់
អសីលធម៌ ប្រមាថកាតទានគ្នា ទៅវិញទៅមក ហើយ ពាក្យអស់ហ្នឹង កឹម
សុខា ខ្លួនឯងក៏ធ្លាប់ប្រមាថកាតទានប្រជាពលរដ្ឋ
ក៏ដូចជាគណបក្សប្រជាជនកម្ពុជា ក៏ដូចជារដ្ឋាភិបាលអញ្ចឹង។
តែដល់ឥឡូវប៉ះដល់ក្រុមអ្នកប្រជាធិបតេយ្យរឡិករឡក់គ្នាឯងចាប់
ផ្តើមលេងគ្នា។ ប៉ុន្តែឥឡូវថ្មីៗនេះ ក្រោយពី កឹម សុខា
ធ្វើសេចក្តីថ្លែងការណ៍ប្រឆាំងតតាំងនឹងការចោទប្រកាន់របស់
គណបក្ស សម រង្ស៊ី យើងមានប្រភពព័ត៌មាន ដែលនិយាយអំពីករណីពីរ
ជាករណីជាក់ស្តែង។ តែមកដល់ពេលនេះអត់ឃើញខាងគណបក្ស កឹម សុខា
ឆ្លើយតបតែគឺ ខាងសមាជិកក្រុមប្រឹក្សាឃុំ នៅឯកំពង់ចាមរបស់ សម
រង្ស៊ី មួយចំនួនបានដើរតាមការអូសទាញរបស់ក្រុម កឹម សុខា
ប៉ុន្តែអូសទាញឲ្យទៅគាំទ្រគណបក្សប្រជាជនកម្ពុជា
រហូតដល់គេលើកចំៗឈ្មោះចំពោះការជួបគ្នាជាមួយនឹងក្រុម
ប្រឹក្សាឃុំរបស់ សម រង្ស៊ី ជាមួយក្រុមលោក កឹម សុខា
ដើម្បីទៅជួបនៅខាងភាគីគណបក្សប្រជាជនកម្ពុជា
ដើម្បីធានាឲ្យមានការគាំទ្រចំពោះ បេក្ខជនរបស់គណបក្សប្រជាជនកម្ពុជា
អាហ្នឹងមួយករណីទៅ រហូតដល់គេដឹងថា ហាងនេះ ហាងនោះ
គេជួបជុំគ្នា។ មានករណីមួយទៀតមានក្រុមមួយផ្សេងទៀត
ដែលនៅកំពង់ចាម ដែរ គឺជាសមាជិកក្រុមប្រឹក្សាឃុំ សង្កាត់
របស់គណបក្ស សម រង្ស៊ី ក៏ត្រូវបានក្រុមលោក កឹម សុខា អូសទាញដែរ
ហើយណាត់ជួបជាមួយនឹងភាគីគណបក្សប្រជាជនកម្ពុជាមួយបែបទៀតទៅ
ដើម្បីឲ្យមានការទុកចិត្តគ្នា
ក្នុងការគាំទ្រនិងផ្តល់ផលប្រយោជន៍ទៅវិញទៅមក
ដោយគាំទ្របេក្ខជនគណបក្សប្រជាជនកម្ពុជាក្នុងការបោះឆ្នោតព្រឹទ្ធ
សភា ហើយករណីពីរនេះគឺលើកភាពជាក់ស្តែងជាច្រើន
ដែលមកដល់ពេលនេះខាងលោក កឹម សុខា អត់ឃើញប្រតិកម្មដូចមុនទេ។
ត្រង់ចំណុចនេះចោទសួរពិតឬមិនពិត
ទុកឲ្យគណបក្សទាំងពីរដោះស្រាយគ្នាចុះ។
ករណីរបស់យើងដែលត្រូវបំភ្លឺ អ្វីដែលលោក សត្យា រក្ស
បានសួរនោះគឺត្រង់ហ្នឹងហើយដែលយើងបានបញ្ជាក់យូរហើយ ថា
គណបក្សប្រឆាំងទាំងពីរនេះគ្មានគោលនយោបាយច្បាស់លាស់ទេ
មានត្រឹមតែអួតក្អេងក្អាងថា ខ្លួនឯងជាអ្នកប្រជាធិបតេយ្យ
ហើយខ្លួនដើរតួជាអ្នកប្រឆាំង ប៉ុន្តែយើងស្តាប់ទៅឮថា
ដូចប្រឆាំងនឹងគណបក្សប្រជាជនកម្ពុជា
ដល់ពិចារណាមែនទែនទៅពួកគាត់ប្រឆាំងគ្នាឯង គឺទាំងគណបក្ស កឹម
សុខា និង គណបក្ស សមរង្ស៊ី ចង់ឲ្យខ្លួនគៀកនឹងគណបក្សប្រជាជនកម្ពុជា
ហើយអញ្ចឹងដើម្បីបានគៀកគេនាំគ្នាអួតថា
គេជាគណបក្សប្រឆាំងខ្លាំងទី១ ហើយខាងកឹម សុខា
អួតថាគេហ្នឹងក្លាយជាគណបក្សប្រឆាំងខ្លាំងជាងគណបក្សប្រឆាំង សម
រង្ស៊ី ។ អញ្ចឹងចេះតែទៅរឡិករឡក់ដណ្តើមគ្នាអញ្ចឹងទៅ។
ឥឡូវយើងពិនិត្យមើលតើការប្រកួតរបៀបហ្នឹងវាស្ថិតនៅក្នុង
វប្បធម៌នយោបាយប្រជាធិបតេយ្យដែរឬអត់?
បើពិនិត្យទៅលើទិដ្ឋភាពរបស់ លោក កឹម សុខា
ដូចជានយោបាយមួយដែលគ្មានអ្វីប្រាកដប្រាជាទេ។
ខ្ញុំធ្លាប់បញ្ជាក់ច្រើនដងហើយ
បន្តិចទៀតនឹងដើរដល់ផ្លូវទាល់មួយ ពេលហ្នឹងគឺមានតែបែកជាពីរ
គឺបត់ស្តាំ ឬ បត់ឆ្វេង។ បានន័យថាបត់ទៅរកគណបក្សប្រជាជនកម្ពុជា
ទៅលន់តួសុំអង្វរថ្នាក់ដឹកនាំគណបក្សប្រជាជនកម្ពុជា
ដើម្បីខ្លួនសុំចុះចូល ឬក៏ខ្លួនងាកមកគណបក្ស សមរង្ស៊ី
ដើម្បីឲ្យគណបក្ស សមរង្ស៊ី ជួយស្រោចស្រង់ជីវិតនយោបាយរបស់ខ្លួន
ដើម្បីបន្តការស្រែកជេររដ្ឋាភិបាលតទៅទៀត ព្រោះបោះឆ្នោត ២០១២ និង
២០១៣ គឺជាកាលវេលា បញ្ជាក់ថា លោក កឹម សុខា ដល់ ផ្លូវទាល់ហើយ។
លោក សត្យា រក្ស
សំណួរ៖ ទាក់ទងទៅនឹងមាយាទរបស់លោក កឹម សុខា
ដែលគាត់កំពុងតែដឹកនាំបក្សរបស់គាត់ហ្នឹង ខ្ញុំមើលឃើញថា លោក កឹម
សុខា ដូចជា មិនបង្ហាញនូវភាពច្បាស់លាស់ណាមួយនោះទេ
ខ្ញុំចង់ឲ្យលោកបណ្ឌិតជួយបញ្ជាក់មើល ថា លោក កឹម សុខា
តែងតែនិយាយថា អ្វីដែលគាត់ធ្វើ និងកំពុងធ្វើហ្នឹង ដើម្បី
ទី១ប្រយោជន៍បក្សគាត់ ទី២ដើម្បីប្រយោជន៍ប្រជាពលរដ្ឋ។
ប៉ុន្តែភាពជាក់ស្តែងដែលយើងមើលឃើញចរិត លោក កឹម សុខា
ដែលបានធ្វើ និងកំពុងធ្វើនាពេលបច្ចុប្បន្ននេះ យើងឃើញថា
មិនត្រឹមតែគាត់បញ្ចុះបញ្ចូលសមាជិកក្រុមប្រឹក្សាយ ឃុំ
សង្កាត់នៅខេត្តកំពង់ចាមប៉ុណ្ណោះទេ គឺស្ទើរតែគ្រប់ខេត្ត ខ័ណ្ឌ
យើងឃើញថា លោក កឹម សុខា បានចុះទៅបញ្ចុះបញ្ចូលក្រុមប្រឹក្សាឃុំ
សង្កាត់ ដូចជានៅខាងបាត់ដំបង នៅខាងបន្ទាយមានជ័យ ឧត្តរមានជ័យ
ក៏មានដែរ គឺការលេចឮចេញពីគណបក្ស សម រង្ស៊ី ដែលអះអាងបែបហ្នឹង
អញ្ចឹងយើងឃើញថាបើ លោក កឹម សុខា ធ្វើបែបហ្នឹងពិតប្រាកដ តើលោក
កឹម សុខា មានជំហរបែបណាដែរទៅ? ខ្ញុំចង់និយាយថា
យើងធ្វើការដើម្បីឲ្យប្រជាពលរដ្ឋមើលឃើញ ថាតើយើងជាបក្សស្អី
ហើយធ្វើដើម្បីអ្វី ដើម្បីគណបក្សប្រជាជនកម្ពុជា ឬ
ក៏ដើម្បីខ្លួនគាត់?
ហើយលោកបណ្ឌិតមើលឃើញយ៉ាងម៉េចត្រង់ចំណុចហ្នឹង ?
លោកបណ្ឌិត ឈឹម ផលវរុណ
ចម្លើយ៖ លោក កឹម សុខា គ្មាននយោបាយច្បាស់លាស់ទេ
កន្លងមកបងប្អូនប្រជាពលរដ្ឋដែលធ្លាប់ឮ លោក កឹម សុខា
ហើយខ្លះធ្លាប់ចូលរួមផ្ទាល់នៅក្នុងវេទិកាសាធារណៈរបស់គណបក្ស លោក
កឹម សុខា យើងឃើញថា លោក កឹម សុខា ជាវាគ្មិនដ៏មហាអស្ចារ្យ
គ្រាន់តែឃើញយាយម្នាក់បាក់ធ្មេញគាត់ថាបើយាយបាក់ធ្មេញ
នៅពេលគណបក្សខ្ញុំឈ្នះឆ្នោតគាត់ដាក់ធ្មេញមាសឲ្យ។
អញ្ចឹងបានន័យថា កម្មវិធីរបស់គាត់គឺជាកម្មវិធីមើលដោយភ្នែក
និងនិយាយដោយអណ្តាតទេ មិនមែនគិតដោយខួរក្បាលទេ។
ដល់ឥឡូវការប្រកួតរបស់គាត់បង្ហាញអត់ច្បាស់ថា គាត់ជាគណបក្សអ្វី
គាត់ខឹងគណបក្ស នរោត្តមរណឫទ្ធិ រឿងថា បង្រួបបង្រួមមួយបែបទៅ
គាត់ខឹងគណបក្ស សម រង្ស៊ី ថា គណបក្សប្រឆាំងប៉ុន្មានឆ្នាំអត់ទៅមុខ។
ឥឡូវតើគាត់ជាគណបក្ស អ្វី គាត់ខឹងគណបក្ស នរោត្តមរណឫទ្ធិ
ថាអត់ព្រមប្រឆាំងទេ ហើយខឹងគណបក្ស សម រង្ស៊ី ថា
ប្រឆាំងដែរតែប្រឆាំងខ្សោយ ឥឡូវមានតែគាត់ហ្នឹងគណបក្សប្រឆាំង
តែប្រឆាំងយ៉ាងម៉េចបើយើងឃើញព័ត៌មាន ដូចការបង្កើតគណបក្ស
សិទ្ធិមនុស្ស ហ្នឹង
គឺការសន្ទនាសំងាត់ជាមួយសម្តេចនាយករដ្ឋមន្រ្តី
គឺពាក់ព័ន្ធទៅហ្នឹងការប្រសូត្រគណបក្ស មួយដែលពិបាកហ្នឹងកើត។
បើនិយាយពីគ៌រថានៅទទឹង ឬបញ្ច្រាសជើង
អញ្ចឹងដល់តែរកឆ្មបដែលមានប្រសិទ្ធភាពពូកែនឹងប្រសូត្រ
អញ្ចឹងបានការប្រសូត្រឡើងគណបក្សសិទ្ធិមនុស្សគឺកើតឡើងដោយការជំនួយ
សមត្ថកិច្ច ជាឆ្មបជាអ្នកបង្កើតពីសំណាក់
សម្តេចនាយកហ្នឹងឯងបានបង្កើតគណបក្ស ហ្នឹងបាន។
នេះបើយើងស្តាប់ព័ត៌មាន គឺឃើញច្រើនណាស់ នៅក្រសួងមហាផ្ទៃលោក កឹម
សុខា អត់មានគ្រប់ចំនួនផ្តិតមេដៃ
ដើម្បីតម្រូវតាមលក្ខខណ្ឌច្បាប់ទេ ទាល់តែមានអ្នកផ្តិតមេដៃ ៤០០០
នាក់ទើបអាចបង្កើតបាន។ ក្រសួងមហាផ្ទៃបានប្រតិកម្ម គឺលោក កឹម
សុខា បានបញ្ចូនស្នាមផ្តិតមេដៃអត់ច្បាស់លាស់
មកពីស្អីដែលខ្ញុំសន្និដ្ឋានថា អាចយកមេដៃកាលគាត់នៅក្នុងគុក
ដែលគេប្រមូល គាត់យកអាហ្នឹង។ បើតាមគាត់អួតគឺអត់ពិបាកទេ ៤០០០
នាក់ព្រោះគាត់សុទ្ធតែមនុស្សរាប់សិបម៉ឺន រាប់សិបសែនគាំទ្រ
រហូតដល់លាន អញ្ចឹងយើងឃើញថា ពិបាកកើត
អញ្ចឹងកូនហ្នឹងកូនបញ្ច្រាសជើង។ ដល់កើតហើយ យើងឃើញថា
ការទម្លាយការសន្ទនាសំងាត់ជាការមួយដែលអាចឲ្យប្រជាពលរដ្ឋពិចារណា។
អញ្ចឹង
ចូលដល់រឿងអូសទាញសមាជិកក្រុមប្រឹក្សា ឃុំ
សង្កាត់នៅខេត្តកំពង់ចាម ហើយលោក សត្យារក្ស ថា មាននៅផ្សេងទៀត
អញ្ចឹងឃើញថា គណបក្ស លោក កឹម សុខា ហ្នឹង ដូចជាមិនប្រឆាំងទេ។
អញ្ចឹងហើយចង់បញ្ជាក់ទៅលោក កឹម សុខា វិញ
ព្រោះកាលណាយើងធ្វើនយោបាយត្រូវមានតម្លាភាព
រឿងអូសទាញសមាជិកគណបក្ស ណាឲ្យមកគាំទ្រគណបក្សប្រជាជនកម្ពុជា
វាជាការល្អហើយ ព្រោះជាសិទ្ធិនយោបាយវាមិនជាអ្វីទេ
ប៉ុន្តែបើអូសទាញឲ្យបោះឆ្នោតឲ្យគណបក្សប្រជាជន លោក កឹម សុខា
ត្រូវបញ្ជាក់ជំហរខ្លួនឯងថា ជាគណបក្សអ្វី
ជាមួយហ្នឹងគណបក្សប្រជាជនកម្ពុជា
ឬក៏ខ្លួនឯងដើរតួជាគណបក្សប្រឆាំង ព្រោះពាក្យថា គណបក្ស
ត្រូវទាមទារនយោបាយតម្លាភាពមួយ
គឺដើម្បីឲ្យប្រជាពលរដ្ឋងាយនឹងធ្វើការវិនិច្ឆ័យ។
ប៉ុន្តែបើខ្លួនលេងមុខពីរ មុខបី
តាំងពីការបង្កើតលាក់លាមជាមួយសម្តេចនាយក
រហូតដល់ឥឡូវពាក់ព័ន្ធរឿងអូសទាញអ្នកគាំទ្រ សម រង្ស៊ី
ឲ្យទៅគាំទ្រគណបក្សប្រជាជនកម្ពុជា ដូច្នេះខ្លួនត្រូវបញ្ជាក់ជំហរ។
ចំណុចមួយទៀតដែលខ្ញុំមើលឃើញលោក កឹម សុខា
មិនគិតប្រយោជន៍គណបក្សសិទ្ធិមនុស្ស ប៉ុន្មានទេ
បើគិតប្រយោជន៍ជាតិអាហ្នឹងសូន្យ មិនរាប់ជាមួយ គឺលោក កឹម សុខា
គ្មានសារជាតិឯណាមកគិតប្រជាពលរដ្ឋខ្មែរទេ ព្រោះយើងមើលទៅឃើញហើយ
ស្អីក៏លួចៗ។ យើងមើលពីឆ្នាំ ១៩៧៩ -១៩៨០ វេទនាចង់ងាប់ រកអង្ករ
រកស្បៀងមិនគ្រប់គាត់ដាច់ចិត្តលួចអង្កររាប់តោនកើត
យើងគិតតែប៉ុណ្ណឹងទៅដឹងហើយ គឺគាត់ធ្វើនយោបាយនេះ
គ្រាន់តែយកនយោបាយធ្វើជាមុខរបរ។ លោក កឹម សុខា
គ្មានមុខរបរអ្វីក្រៅពីហ្នឹងទេ ហើយហ៊ានតែដូរមុខរបរលោក កឹម
សុខា រកលុយចិញ្ចឹមប្រពន្ធកូនអត់បានផង កូននៅអាមេរិក ២ នាក់
ត្រូវអស់ប៉ុន្មានក្នុង១ឆ្នាំ ហើយប្រពន្ធទៀត ហើយបានលុយពីណា
អ្នកទាំងអស់នោះគ្មានមុខរបរទេរស់ដោយសារ កឹម សុខា ទាំងអស់ ។
បើ កឹម សុខា ហ៊ានដូរមុខរបរពីអ្នកនយោបាយ ទៅអ្នករកស៊ី
មានតែដើរលួចគេ ព្រោះគាត់អត់មានជំនាញអ្វីទេ
បើឲ្យទៅធ្វើតាមជំនាញគីមីទៅអត់រួចទេ តែដល់ទៅធ្វើនយោបាយ
គាត់យកអាចំណេះគីមីទៅធ្វើ ហៅថា នយោបាយប្រតិកម្មគីមី
អាហ្នឹងចេះ។ គាត់រាល់ថ្ងៃធ្វើនយោបាយបែបប្រតិកម្មគីមី។
ហើយមួយបែបទៀតគឺនយោបាយបែបទឹកក្រឡុក គឺយកពាក្យអាមេរិកផង
បារាំងផង ខ្លួនឯងផង យកមកដាក់ចូលធុងទឹកក្រឡុកមួយ
ច្របល់នៅក្នុងហ្នឹងមិនដឹងទៅជាស្អី
ហើយឥឡូវគាត់កំពុងច្របល់ជាមួយគណបក្ស សម រង្ស៊ី ទៀត
។អញ្ចឹងបានន័យថា លោក កឹម សុខា គួបញ្ជាក់ជំហរឲ្យច្បាស់
ហើយខ្ញុំជឿថា លោក កឹម សុខា មិនមែនធ្វើដើម្បីគណបក្ស សិទ្ធិមនុស្សទេ
គឺដើម្បីខ្លួនគាត់ និង ប្រពន្ធកូនក្រុមគ្រួសាររបស់គាត់ទេ។
និយាយនេះចង់ឲ្យគណបក្សសិទ្ធិមនុស្ស
ដែលមានអ្នកផ្សេងៗពិចារណាខ្លួនឯងទៅ
ប្រសិនជាខ្លួនចូលរួមក្នុងគណបក្ស សិទ្ធិមនុស្សត្រូវគិតថាចុះបើអត់
កឹម សុខា តើគណបក្សសិទ្ធិមនុស្សដើរឬអត់? ។បើសិនជាអត់ កឹម សុខា
គណបក្សសិទ្ធិមនុស្សអត់ដើរ បានន័យថាអ្នកឯងអន់ជាង កឹម សុខា ទៅទៀត។
ក្នុងករណីចៃដន្យណាមួយដែល លោក កឹម សុខា និងក្រុមគ្រួសារ
លែងបានផលប្រយោជន៍ពីគណបក្ស សិទ្ធិមនុស្ស ពីព្រោះបោះឆ្នោត២០១២-២០១៣
មិនដឹងថាយ៉ាងម៉េចនោះទេ។ សួរថាតើលោក កឹម សុខា
សុខចិត្តអត់អង្ករច្រកឆ្នាំងនៅជាមួយគណបក្ស សិទ្ធិមនុស្សឬ?
ពេលនោះលោក កឹម សុខា ប្រាកដជាវេចមួយបង្វិច ស្ពាយប្រពន្ធកូនទៅលន់តួ
សុំទោសថ្នាក់ដឹកនាំគណបក្សប្រជាជនកម្ពុជា ឬទៅអង្វរលោក សម រង្ស៊ី
ដើម្បីបន្តនយោបាយហើយ។ដូច្នេះក្នុងករណីដែលលោក កឹម សុខា
លែងនៅក្នុងគណបក្សសិទ្ធិមនុស្ស
តើអ្នកផ្សេងៗទៀតអាចបន្តគណបក្សសិទ្ធិមនុស្សបានឬទេ?
បើអត់ទេគឺពិតជាអន់ជាងលោក កឹម សុខា ហើយ។
លោកសត្យា រក្ស
សំណួរ៖
បើតាមការតាមដានស្តាប់នូវនយោបាយរបស់ កឹម សុខា
គឺប្រជាពលរដ្ឋកំពុងតែរិះគន់គាត់ថាគាត់ជាអ្នកនយោបាយបែបកូនក្មេង
ឬនយោបាយឡប់គ្រឿង
ឬក៏នយោបាយបញ្ចា្រស់ទិស។ការដែលប្រជាពលរដ្ឋលើកឡើងនេះគឺត្រឹមត្រូវណាស់
ពីព្រោះគាត់បានអួតថានៅអាមេរិកថាចេកមួយផ្លែ១ដុល្លារជាដើម
វាជារឿងមួយដែលគ្មានអ្នកណាជឿទេ។ ដូចជា ជី ម្អម ស្លឹកគ្រៃ
គេអាចខ្ចប់យកទៅលក់ធ្វើជាគ្រឿងកំប៉ុងជាដើម ដើម្បីកុំឲ្យខូចគុណភាព។
ចំណុចនេះហើយដែលប្រជាពលរដ្ឋលោកបាត់បង់នូវជំនឿ
ហើយបានធ្វើការរិះគន់យ៉ាងខ្លាំង។
នៅពេលដែលប្រជាពលរដ្ឋរិះគន់គាត់បែបនេះ
គាត់បែរជានិយាយថាអ្នកគាំទ្រគាត់ច្រើនទៅវិញ។ តើមាយាទបាយឡុកបាយឡរបស់ កឹម
សុខានេះ
លោកបណ្ឌិតមានអ្វីដើម្បីជាការបំភ្លឺទៅដល់ជនរួមជាតិដែរឬទេបាទ?
លោកបណ្ឌិត ឈឹម ផលវរុណ
ចម្លើយ៖
ខ្ញុំនៅចាំកាលពីបោះឆ្នោតសភាឆ្នាំ២០០៨ លោក កឹម សុខា
បានសម្ភាសន៍នៅក្នុងវេទិកាអ្នកស្តាប់វិទ្យុអាស៊ីសេរី។
ហើយគេបានសួរថាលោក កឹម សុខា សង្ឃឹមម្លេះ
ចុះកាលពីមុនកាលនៅជាអគ្គលេខាបក្ស គណបក្សលោកតាសឺន សាន
គឺបានបរាជ័យធ្លាក់ពី១០កៅអីមកសូន្យកៅអីទេ គឺរហូតដល់រលាយបក្សទៅទៀត
នេះគឺដោយសារតែមានអគ្គលេខាបក្សដែលមានខួរក្បាលអន់ គឺលោក កឹម សុខា
នេះឯង។ ទីបំផុតគាត់បានលក់កេរ្តិ៍របស់លោកតាសឺន សាន
ដើម្បីទៅយកតំណែងនៅព្រឹទ្ធសភាទៀត
គឺដោយសារស្នាដៃអគ្គលេខាបក្សខួរក្បាលអន់នេះហើយ។ដូច្នេះត្រូវពិចារណា
ចំណុចមួយនេះ ។ ពេលនោះលោក កឹម សុខា មិនព្រមទទួលស្គាល់ទេ
គឺគាត់បែរជាខឹងគេតែម្តង។ បន្ទាប់មកទៀតក៏ជិះក្របីចំលងភក់
យកខ្មោចគណបក្សលោកតាសឺន សាន ដែលស្លាប់តាមរយះការបោះឆ្នោតឆ្នាំ១៩៩៨
មកដុតនៅឯបច្ឆាគណបក្ស ហ្វ៊ុនស៊ីនប៉ិច ដើម្បីខ្លួនបានកៅអីព្រឹទ្ធសភា។
នៅពេលដែលដល់ត្រើយ ក៏បង្កើតមជ្ឈមណ្ឌលសិទ្ធិមនុស្សកម្ពុជា
ដើម្បីបោកលុយអាមេរិកទៀត។ ក្រោយមកដោយសារតែអង្គការ IRI
ផ្តាច់លុយក៏បានបោះបង់ចោលមជ្ឈមណ្ឌលសិទ្ធិមនុស្សទៀត។ពីព្រោះដូច
ខ្ញុំនិយាយអញ្ចឹង មុខរបររបស់លោក កឹម សុខា គឺបោកគេតែអញ្ចឹង
នៅពេលដែលអត់លុយហើយគឺគាត់ទៅបង្កើតមុខរបរមួយទៀតដើម្បីរកលុយបាន។
ដល់ពេលឥឡូវនេះមុខរបររកស៊ីរបស់គាត់ដែលបំពេញក្នុងប្រវត្តិរូបគឺមេបក្ស
ហើយសព្វថ្ងៃនេះ គឺគ្មានធ្វើអ្វីលើសពីហ្នឹងទេ។ ដូច្នេះបើយើងមើលទៅ
នយោបាយរបស់លោក កឹម សុខា ដើម្បីបានលុយមកឃោសនានៅឆ្នាំ២០០៨
គឺគាត់បានយកតំណែងខ្យល់
ដូចជាបញ្ជីឈរឈ្មោះតំណាងរាស្ត្រទៅលក់ឲ្យខ្មែរនៅអាមេរិក នៅបារាំង ជាដើម
ហើយបងប្អូនខ្មែរខ្លះដែលនៅអាមេរិកក្តី នៅបារាំងក្តី
ដែលអត់បានទទួលព័ត៌មាន
និងដោយសារមានកំហឹងស្អប់នឹងរដ្ឋាភិបាលក្រុងភ្នំពេញ
ក៏ត្រូវរងគ្រោះចាញ់បោកលោក កឹម សុខា ដោយសារយកបញ្ជីឈ្មោះលំដាប់លេខ១ ឬលេខ២
នៅតាមខេត្តនីមួយៗទៅលក់ គឺយ៉ាងតិចពីប្រាំម៉ឺន ទៅប្រាំបីម៉ឺន
ឬរហូតទៅដល់ដប់ម៉ឺនដុល្លារឯណោះ អញ្ចឹងនៅពេលដែលអ្នកទាំងអស់នោះបរាជ័យ
គឺមានខ្លះលែងលះប្តីប្រពន្ធទៅទៀត។ នៅពេលដែលលោក កឹម សុខា
អស់ផ្លូវដើរគាត់ក៏ទៅគៀងគររកអ្នកថ្មីទៀត ដូចជានៅអាមេរិកក្តី
នៅបារាំងក្តីនាពេលថ្មីៗនេះ ។ ប៉ុន្តែទៅជើងនេះគ្មាននរណាគាំទ្រទេ
គឺមានសភាពស្ងាត់ណាស់ ហើយអត់មាននិយាយថានឹងជួបសមាជិកព្រឹទ្ធសភាអាមេរិក
ឬជួបតំណាងរាស្ត្រអាមេរិក ឬមន្ត្រីរដ្ឋការអាមេរិកទេ។
ចំណុចនេះយើងឃើញថាចរិតរបស់លោក កឹម សុខា
គ្រាន់តែគាត់ជួបកូនអាមេរិកក៏គាត់អួតដែរ ហើយសម្ភាសន៍តាមអាស៊ីសេរី
ឬក៏VOA ផ្អើលភូមិឥឡូវហើយ។
កាលពីខែណាមួយនោះគ្រាន់តែទូតបារាំងនៅភ្នំពេញអញ្ជើញលោក កឹម សុខា
និងបននយោបាយរបស់គាត់ទៅស៊ីបាយសោះ
ក៏ផ្សាយពេញក្នុងកម្មវិធីសិទ្ធិមនុស្សដែរ
បានន័យថាជាមនុស្សពូកែបំប៉ោងសម្លេង ប៉ុន្តែគ្មានខ្លឹមសារ។
សរុបមកនយោបាយរបស់លោក
កឹម សុខា មិនអាចឈានទៅមុខបានវែងឆ្ងាយនោះទេ
នៅពេលដែលគាត់ធ្វើរបៀបគ្មានភាពច្បាស់លាស់
ហើយគ្រាន់តែយកពាក្យនយោបាយសម្រាប់ជាមុខរបរ
សម្រាប់បម្រើផលប្រយោជន៍ខ្លួនឯង
និងប្រពន្ធកូនបែបនេះ។ដូច្នេះអ្នកដ៏ទៃទៀតដែលទៅចូលរួម
និងប្រជាពលរដ្ឋដែលច្រឡំបោះឆ្នោតគាំទ្រឲ្យលោក កឹម សុខា
ជាពិសេសនៅមណ្ឌលបោះឆ្នោតកំពង់ចាម កណ្តាល ព្រៃវែងជាដើម
បានរាយការណ៍មកថាគេច្រឡំបោះឲ្យលោក កឹម សុខា ពីមុនមកនោះ គឺដោយសារតែលោក
កឹម សុខា និយាយដដែលៗពេក ហើយនៅពេលដែលគេមើលឃើញថាជាការបោកប្រាស់នោះ
ពួកគេបានចាកចេញមកវិញច្រើនណាស់ ដូច្នេះហើយបានជាយើងប្រើពាក្យថា
គេបោះឆ្នោតច្រឡំឲ្យលោក កឹម សុខា នៅកំពង់ចាម នៅកណ្តាល នៅព្រៃវែង
ជាដើមនោះ។
លោកសត្យា រក្ស
សំណួរ៖
មកទល់ពេលនេះ នយោបាយភូតភរ របស់លោក កឹម សុខា
គឺទទួលបានផលខ្លះដែរដូចជាអ្នកគាំទ្រគណបក្ស សម រង្ស៊ី
មួយចំនួនមានតាំងពីថ្នាក់តំណាងរាស្ត្រទៅទៀត
គឺបានមកចូលរួមធ្វើនយោបាយជាមួយលោក កឹម សុខា ។
អញ្ចឹងទាក់ទងទៅនឹងសមត្ថភាពអូសទាញរបស់លោក កឹម សុខា
ចំពោះសកម្មជនគណបក្សផ្សេងៗនោះ តើលោកបណ្ឌិតមើលឃើញថា កឹម សុខា
នេះមានសមត្ថភាពអូសទាញសមាជិក
ឬក៏អ្នកគាំទ្រគណបក្សប្រជាជនឲ្យចូលរួមក្នុងនយោបាយកន្លះក្អមរបស់គាត់
បានឬទេ?
លោកបណ្ឌិត ឈឹម ផលវរុណ
ចម្លើយ៖
ចំណុចនេះយើងអាចលើកយកពាក្យចាស់បុរាណបានពោលថា « ភូតច្រើន
ច្រើនចាញ់អាត្មា » មកវិភាគបាន។ ទី១ យើងគ្រាន់តែគិតថា តើលោក កឹម
សុខា គាត់រកស៊ីមុខរបរអ្វី ស្មោះត្រង់ឬអត់?។ លោក កឹម សុខា
ទៅធ្វើនយោបាយកន្លែងណាគឺអត់បានយូរទេ។
មុនពេលដែលគាត់ទៅចូលធ្វើនយោបាយជាមួយគណបក្ស លោកតាសឺន សាន
កាលឆ្នាំ១៩៩២-១៩៩៣ គាត់បានបង្កើតអង្គការសិទ្ធិមនុស្សមួយ។
ក្រោយមកគាត់លក់អង្គការសិទ្ធិមនុស្សនោះ ដើម្បីធ្វើទុនចូលទៅក្នុងគណបក្ស
លោកតាសឺន សាន ពីព្រោះគាត់អត់មានប្រវត្តិ
និងអតីតភាពនៅក្នុងរណសិរ្សរំដោះប្រជាពលរដ្ឋខ្មែររបស់លោកតាសឺន
សានទេ។តែហេតុអ្វីបានជាលោក កឹម សុខា បានឈរនៅក្នុងកៅអីតំណាងរាស្ត្រ?
និងបានធ្វើនៅក្នុងកូតាសភាជាប្រធានគណកម្មការសិទ្ធិមនុស្សរបស់រដ្ឋសភាទៅទៀត
ឯអ្នកដ៏ទៃជាសមាជិករដ្ឋសភាដែរ ដែលមានអតីតភាពពីដើមឡើយជាមួយលោកតាសឺន
សាន នៅក្នុងរណសិរ្សរំដោះប្រជាពលរដ្ឋខ្មែរ គឺអត់ទទួលបានទេ
គឺត្រឹមតែជាសមាជិកសភា
និងខ្លះទៀតបានត្រឹមតែជាលេខាគណកម្មការតែប៉ុណ្ណោះ។
ត្រង់ចំណុចនេះគឺយើងអាចបញ្ជាក់អំពីមុខរបររបស់លោកកឹម សុខា ហើយ
អញ្ចឹងយើងមិនចាំបាច់ឆ្លើយទេ គឺទុកឲ្យអតីតសមាជិកគណបក្សលោកតាសឺន សាន
ពិចារណា និងឆ្លើយខ្លួនឯងចុះ ពីព្រោះអ្នកទាំងអស់នោះដឹងច្បាស់ហើយ។
ក្រោយមកទៀត ហេតុអ្វីបានជាលោកកឹម សុខា បានធ្វើជាអគ្គលេខាគណបក្សលោកតាសឺន
សាន ទៀត ចំណែកឯអ្នកដែលមានអតីតភាពនៅក្នុងគណបក្សលោកតាសឺន សាន
មិនបានធ្វើទៅវិញ។ ប៉ុន្តែវាសនានេះមិនបានយូរទេ
ទីបំផុតគឺត្រូវរលាយគណបក្ស រួចរត់ទៅចូលជាមួយគណបក្ស ហ្វ៊ុនស៊ីនប៉ិច
ហើយក្រោយមកទៀតដោយសារតែគេស្គាល់ក្រយៅមិនសុច្ចរិត
តាំងពីក្បាលដល់ចុងកន្ទុយក៏ត្រូវចេញទៅធ្វើជាមជ្ឈមណ្ឌលសិទ្ធិមនុស្ស
កម្ពុជាទៀត ប៉ុន្តែបានតែ២ ឬ៣ ឆ្នាំ
ក៏ត្រូវមន្ត្រីបុគ្គលិកមជ្ឈមណ្ឌលសិទ្ធិមនុស្សជំនាន់នោះ
ស្គាល់ក្រយៅលោក កឹម សុខាទៀត ទើបគេបណ្តេញមិនឲ្យនៅមជ្ឈមណ្ឌលតទៅទៀត
ហើយអង្គការ IRI ក៏ខកចិត្ត ហើយអាម៉ាស់ដោយសារលោក កឹម សុខា ថែមទៀត
មិនគួរចាញ់បោកលោកកឹម សុខា បោកលុយទៅធ្វើគណបក្ស។ មានន័យថា IRI
យកលុយមកឲ្យលោក កឹម សុខា មកធ្វើគណបក្ស ប៉ុន្តែមិនមែនដូច្នោះទេ
សូមប្រជាពលរដ្ឋកុំច្រឡំ យើងត្រូវឲ្យយុត្តិធម៌ទៅអង្គការ IRI ផង
ពីព្រោះអង្គការ IRI ក៏ជាជនរងគ្រោះដូចប្រជាពលរដ្ឋខ្មែរ ដូច ឈឹម ផលវរុណ
ហើយក៏ដូចអតីតបុគ្គលិកមជ្ឈមណ្ឌលសិទ្ធិមនុស្សកម្ពុជាដែរ។ អញ្ចឹងលោក កឹម
សុខា គឺជាមនុស្សបោក ហើយមនុស្សដែលភូតច្រើន ច្រើនចាញ់អាត្មានោះ គឺលោក កឹម
សុខានេះឯង បើមុខរបររកស៊ីគេហៅថាលក់ផ្លូវ។
ឥឡូវនេះនៅសល់តែផ្លូវពីរទេដែលលោក កឹម សុខា
ត្រូវដើរនៅពេលដែលទៅដល់ផ្លូវទាល់ គឺទី១
លន់តួសុំទោសថ្នាក់ដឹកនាំគណបក្សប្រជាជនកម្ពុជា
និងទី២គឺទៅអង្វរលោក សម រង្ស៊ី
ឲ្យផ្តល់លទ្ធភាពដើម្បីបានចូលក្នុងគណបក្ស សម រង្ស៊ីដែរតែប៉ុណ្ណោះ។
ការដែលលោក កឹម សុខា ទទួលបាន៣កៅអីនេះ គឺមិនមែនដោយសារអ្នកគាំទ្រលោក កឹម
សុខា ទេ ប៉ុន្តែគឺសុទ្ធតែជាអ្នកដែលរំភើបនឹងលោក កឹម សុខា
ហើយពាក្យរំភើបគឺគេទៅតាមតែមួយភ្លែតទេ
អញ្ចឹងហើយបានជាយើងហៅថាច្រឡំបោះឆ្នោតនោះ។ កាលពីឆ្នាំ២០០៨
ស្ថានភាពរបស់គណបក្ស ហ្វ៊ុនស៊ីនប៉ិច មានការបែកបាក់
ពេលនោះគណបក្សហ្វ៊ុនស៊ីនប៉ិច មាន៦អាសនៈ។ ក្រោយពេលដែលបែកបាក់
បានក្លាយទៅជាហ្វ៊ុនស៊ីនប៉ិច ថ្មី ហើយនិងគណបក្ស នរោត្តមរណរិទ្ធ ។
អញ្ចឹងអ្នកគាំទ្រគណបក្ស ហ្វ៊ុនស៊ីនប៉ិច
ចាស់មួយចំនួនក៏ងាកទៅគាំទ្រគណបក្សលោក កឹម សុខា។
អញ្ចឹងហើយបានន័យថាគណបក្សហ្វ៊ុនស៊ីនប៉ិចថ្មី និងគណបក្ស នរោត្តមរណរិទ្ធ
បានបាត់បង់អ្នកបោះឆ្នោតរបស់ខ្លួនកាលពីមុនមកនោះ គឺដល់ពេលនេះលោក កឹម
សុខា ភ័យខ្លាចសមាជិករបស់គណបក្សហ្វ៊ុនស៊ីនប៉ិច
និងសមាជិករបស់គណបក្សនរោត្តមរណរិទ្ធ
ទាំងនោះនឹងត្រឡប់ទៅរកគណបក្សដើមរបស់គេវិញ។ ទី២ទៀត អ្នកដែលគាំទ្រលោក
កឹម សុខា គឺជាអ្នកដែលប្រឆាំងនឹងគណបក្សប្រជាជនកម្ពុជា
ដែលយល់ច្រឡំពីគណបក្សប្រជាជនកម្ពុជា ។អញ្ចឹងហើយ
នៅពេលដែលគេឃើញថាគណបក្សលោក កឹម សុខា ប្រឆាំងនឹងគណបក្ស សម រង្ស៊ី
និងមិនដឹងថាមុខមាត់របស់លោក កឹម សុខា បម្រើឲ្យសម្តេចនាយករដ្ឋមន្ត្រី
ឬក៏ជាគណបក្សស្វ័យភាពឬយ៉ាងណានោះ
អញ្ចឹងធ្វើឲ្យប្រជាពលរដ្ឋមានការមន្ទិល
និងងាកទៅគាំទ្រគណបក្សប្រជាជនកម្ពុជាតែម្តង
ពីព្រោះគេមិនបោះឆ្នោតឲ្យគណបក្សអាយ៉ងទេ។
លោកសត្យា រក្ស
សំណួរ៖
ថ្មីៗនេះ លោក កឹម សុខា
កំពុងតែបញ្ចេញនូវសកម្មភាពមួយបដិសេធទៅនឹងលទ្ធផលរបស់អង្គការ IRI
ដែលគេស្ទង់មតិទៅមើលេឃើញថា
រាជរដ្ឋាភិបាលបានដើរលើផ្លូវត្រូវនោះចំនួន៧៦% ។ ប៉ុន្តែកឹម សុខា
បានអះអាងថា៧៦% ដែល IRI បានធ្វើការស្ទង់មតិនេះគឺជាការមួយដែល IRI
ស្ទង់មតិដោយច្រឡំទេ ហើយគាត់បានដាក់បន្ទុកទៅលើប្រជាពលរដ្ឋ
ថាប្រជាពលរដ្ឋដែលទៅឆ្លើយជាមួយនឹង IRI
នៅពេលស្ទង់មតិនោះគឺប្រជាពលរដ្ឋមិនយល់ និងប្រជាពលរដ្ឋនោះខ្លៅ ខ្លាច ឃ្លាន
ជាដើម។ អញ្ចឹងទស្សនៈរបស់កឹម សុខា
ដែលបានចោទប្រកាន់ថាការអភិវឌ្ឍជាការបំភ័ន្តភ្នែក
និងការបដិសេធនូវលទ្ធផលនៃការស្ទង់មតិរបស់ IRI នោះ
តើលោកបណ្ឌិតយល់ឃើញយ៉ាងម៉េចដែរបាទ?
លោកបណ្ឌិត ឈឹម ផលវរុណ
ចម្លើយ៖
ចំណុចនេះ ប្រជាពលរដ្ឋត្រូវគិតរួមគ្នាទៅថា ការចោទរបស់លោក កឹម សុខា
ថាការស្ទង់មតិរបស់ IRI អត់មានលក្ខណៈវិទ្យាសាស្ត្រ អត់ត្រឹមត្រូវ។
ចុះអ្វីដែលគាត់ធ្វើការប៉ាន់ស្មានថាគាត់នឹងឈ្នះកាលពីឆ្នាំ២០០៨
ពី៥៨កៅអី ទៅ៦០កៅអីនោះជាការត្រឹមត្រូវដែរឬទេ?
ចំណុចនេះបញ្ជាក់ថាគាត់គឺជាមេបក្សខួរក្បាលអន់បាត់ទៅហើយ។ពីព្រោះគាត់
វាយតម្លៃអ្នកគាំទ្ររបស់ខ្លួនមិនត្រូវផងនោះ
ដូច្នេះគាត់វាយតម្លៃអ្នកដ៏ទៃមិនកើតទេ។ បើសិនជាលោក កឹម សុខា
វាយតម្លៃគណបក្សរបស់ខ្លួនមានសន្ទុះបានប៉ុណ្ណា បានត្រឹមត្រូវ
នោះទើបយើងអាចពិចារណាពីការស្ទង់មតិរបស់ IRI ។
ការវាយតម្លៃរបស់គាត់ដែលថាពី៥៨ ទៅ៦០នោះ ចុងក្រោយគឺបានតែ៣កៅអីប៉ុណ្ណោះ
គឺវាមានការខុសគ្នាឆ្ងាយខ្លាំងណាស់។ ចំណែក IRI
ដែលបានវាយតម្លៃថាប្រជាពលរដ្ឋខ្មែរ៧៦%
ទទួលស្គាល់ថាការដឹកនាំរបស់រដ្ឋាភិបាលកម្ពុជាធ្វើដំណើរត្រឹមត្រូវ
បានន័យថារដ្ឋាភិបាលបានដឹកនាំនាវាកម្ពុជាបានត្រឹមត្រូវ។ លោកកឹមសុខា
បែរជាចោទប្រជាពលរដ្ឋថា អត់ចេះ អត់យល់ ឬក៏ឃ្លាន ខ្លាច ខ្លៅ ទៅវិញ។
តាមពិតគឺគាត់ទៅវិញទេដែល ឃ្លាន ខ្លាច ខ្លៅ ។ ទី១ លោក កឹម សុខា
ឃ្លានតាំងពីកាតទូរស័ព្ទ៥ដុល្លារទៅ គឺលោក កឹម សុខា គាត់កឹបកេងបានដែរ ។
គាត់ឃ្លានហ៊ានកាត់ប្រាក់ខែបុគ្គលិក
រហូតដល់ហ៊ានកាត់របបប្រចាំថ្ងៃរបស់សិក្ខាកាមដែលមករៀន
វគ្គពលរដ្ឋវិជ្ជាដែលខ្ញុំបង្រៀនទៀត។ របបមួយថ្ងៃ៨ដុល្លារ លោកកឹម សុខា
ឲ្យគេតែ៣ដុល្លារ ទៅ៤ដុល្លារទេ។ ឃ្លានមួយទៀតគឺគាត់ឃ្លានអំណាច
ចង់ធ្វើនាយករដ្ឋមន្រ្តី។
ការគិតបែបនេះមិនប្រមាណខ្លួនដែលគណបក្សខ្លួនទើបតែកើតថ្មីសោះ
ចង់បានតំណែងជានាយករដ្ឋមន្ត្រី
គណបក្សទើបកើតថ្មីគឺឲ្យតែបានពី៥ទៅ១០កៅអី ឬ១៥កៅអីទៅ
វាជាការអស្ចារ្យទៅហើយនៅលើពិភពលោក ពីព្រោះប្រទេសណាក៏ដូចប្រទេសណាដែរ
គ្មានគណបក្សកើតថ្មីឈ្នះភ្លាមៗឡើងកាន់អំណាចទេ។
នេះហើយការឃ្លានរបស់លោក កឹម សុខា ដែលធ្វើឲ្យគាត់មិនចេះប៉ាន់ប្រមាណ
អញ្ចឹងមិនមែនប្រជាពលរដ្ឋជាអ្នកឃ្លានទេ គឺលោក កឹម សុខា ឃ្លានខ្លួនឯង។
ចូលដល់
ចំណុចខ្លៅរបស់លោក កឹម សុខា ។គណបក្សដែលទើបតែបង្កើត
ហ៊ានគិតគូរតួលេខបានរហូតពី៥៨ ទៅ៦០កៅអីនោះ គឺជាការខ្លៅរបស់គាត់ហើយ។
នៅពេលដែលទទួលបាន៣កៅអីហើយនោះគាត់ក៏ដើរតួខ្លៅម្តងទៀត
ដោយអួតថាគណបក្សយើងទើបតែកើតថ្មីទទួលបាន៣កៅអីនោះគឺខ្លាំងជាងគេហើយ
គ្មានគណបក្សណាបានទេ នេះជាចម្លើយមនុស្សខ្លៅ ពីព្រោះលោកកឹម សុខា
គាត់អត់ចេះគណនា គឺគាត់គណនាអត់ចេញ គឺខុសគ្នា២០ដង
នៅតែអួតទៀតថាខ្លួនគ្រាន់បើ នេះជាការខ្លៅរបស់គាត់ហើយ។
ចំណុច
ដែលគាត់ខ្លាច នេះជារឿងពិត កាលខ្ញុំនៅជាមជ្ឈមណ្ឌលសិទ្ធិមនុស្សកម្ពុជា
ចូលរួមក្នុងវេទិកាសម្តែងមតិសាធារណៈជាមួយលោក កឹម សុខា ខ្ញុំដឹង។
កាលធ្វើនៅព្រែកអញ្ចាញ
គ្រាន់តែអ្នករៀបចំប្រាប់ថាឯកឧត្តមប្រធានមានខាងគណបក្សប្រជាជនមកចូលរួម
ប្រហែលជា២០នាក់ដែរនោះ គឺវេទិកានោះគឺឡើងដល់រាប់រយនាក់។ ពេលនោះលោក កឹម
សុខា ខ្លាចអត់ហ៊ានទៅទេ គឺចាំឲ្យគេគៀងគរទូតអាមេរិក បរទេស
និងអ្នកយកព័ត៌មានអាស៊ីសេរី ទើបខ្លួនឯងហ៊ានទៅ។ នេះជាការខ្លាចរបស់លោក
កឹម សុខា ។ នៅខេត្តស្វាយរៀង ពេលនោះខ្ញុំមានវត្តមាននៅទីនោះដែរ
នៅពេលមានបញ្ហាលោកកឹមសុខា មិនដឹងជាដោះយ៉ាងម៉េច
ខ្ញុំជាអ្នកសរសេរក្រដាសប្រគល់ទៅឲ្យលោក ចៅហ្វាយស្រុក
ប្រកាសបិទកម្មវិធី ហើយយើងរំសាយ
ដោយសារសភាពការណ៍នេះយើងត្រូវទុក្ខឲ្យអាជ្ញាធរមូលដ្ឋានដោះស្រាយ
។ លោក កឹម សុខា គិតអត់ចេញទេ ស្រាប់តែប្រកាសបិទហើយងាកមកបាត់
លោក កឹម សុខា ងាកទៅរកឡានបាត់ទៀត តើអាហ្នឹងខ្លាចអត់អាហ្នឹង។
ដល់ពេលជួប លោក កឹម សុខា ជួបនៅអ្នកលឿងឯណោះ នៅហាងបាយ
អាហ្នឹងខ្លាចឬអត់ ។ សរុបមកវិញ លោក កឹម សុខា
កុំនិយាយដល់ផ្ទុះអាវុធ ក្មេងដុតផាវក្បែរខ្លួនក៏រត់ចោល ៤ទៅ៥
គីឡូម៉ែត្រ ហើយងាកមកសួរវិញ ម៉េចបាត់ផ្ទុះឬនៅ ផ្ទុះអី
ដល់គេប្រាប់ថា ផ្ទុះផាវបានអៀនខ្លួនក្រោយ ។ រឿងខ្លាចមួយទៀត
ឥឡូវជិតដល់ទិវាសិទ្ធិមនុស្ស ថ្ងៃ ១០ ខែធ្នូ។ កាលពីថ្ងៃទី១០
ខែធ្នូ ២០០៥ នៅពហុកីឡាដ្ឋានជាតិអូឡាំពិកគឺពេលហ្នឹងលោក កឹម សុខា
ត្រូវចោទប្រកាន់ពាក់ព័ន្ធដាក់បដាមួយ ដែលរិះគន់បុគ្គល
វាយប្រហារបុគ្គលផ្សព្វផ្សាយព័ត៌មានមិនពិត នៅឯតុលាការលោក កឹម
សុខា ឆ្លើយយករួចខ្លួន។ គាត់ថា
គាត់អត់បានសរសេរទេអក្សរទាំងអស់ហ្នឹង
គឺជាអក្សររបស់ប្រជាពលរដ្ឋអ្នកសរសេរ។
គេអត់ជំទាស់ទេបើអក្សររបស់ប្រជាពលរដ្ឋអ្នកសរសេរ
អ្នកឯងដឹងហើយ អ្នកឯងយកផ្សាយធ្វើអ្វី
ម៉េចមិនទុកនៅឃ្លាំងរបស់មជ្ឈមណ្ឌលសិទ្ធិមនុស្សកម្ពុជា
ម៉េចយកមកផ្សាយ ដោយសារអ្នកឯងជាប្រធាន
អ្នកឯងគ្មានការទទួលខុសត្រូវ
គេប្តឹងរឿងអ្នកឯងអត់ទទួលខុសត្រូវ
មិនមែនប្តឹងទៅលើអ្នកសរសេរទេ ប្តឹងទៅលើព័ត៌មានបរិហារកេរ្ត៍
គាត់ឆ្លើយថា គាត់អត់បានធ្វើទេ គាត់ឆ្លើយទម្លាក់ទៅប្រជាពលរដ្ឋ
អាហ្នឹងខ្លាចឬអត់?។ ដល់ពេលចេញពីគុក គាត់ថា
គាត់ជាប់គុកដោយសារស្នេហាជាតិ អញ្ចឹង ឃ្លាន ខ្លាច ខ្លៅ
មិនមែនប្រជាពលរដ្ឋទេ គឺ កឹម សុខា ខ្លួនឯងតែម្តង៕
សម្រង់ព័ត៌មាន៖ លោក នូ សាវុធឌី