គោរមងារ «
បរិបាលកិត្តិយសដ៏ចំណាននៃអង្គការសហព័ន្ធវិស្វកម្មអាស៊ាន»
(AFEO Distinguished Honorary Patron) ត្រូវបានប្រកាសប្រគល់ជូន
សម្តេចអគ្គមហាសេនាបតីតេជោ ហ៊ុន សែន
នាយករដ្ឋមន្រ្តីនៃព្រះរាជាណាចក្រកម្ពុជា និង មេ
ដាយវិស្វករកិតិ្តយសឧត្តុង្គឧត្តមអាស៊ាន (AFEO Distinguished Honorary
Fellow) ត្រូវបានប្រគល់ជូនឯកឧត្តមបណ្ឌិតសភាចារ្យ សុខ អាន
ឧបនាយករដ្ឋមន្រ្តី
រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តីនារសៀលថ្ងៃទី ១៩ ខែធ្នូ
ឆ្នាំ២០១២ដោយ អង្គការសហព័ន្ធវិស្វកម្មអាស៊ាន
ក្នុងពិធីបិទសន្និសីទដែលប្រារព្ធធ្វើនៅរាជធានីភ្នំពេញ។
អស់រយះពេល៣ថ្ងៃចាប់
ពីថ្ងៃទី១៦ដល់ថ្ងៃទី១៩ក្រុមប្រឹក្សាភិបាលនៃគណៈវិស្វករកម្ពុជាក្នុង
នាមជាម្ចាស់ផ្ទះបានរៀបចំកិច្ចប្រជុំអង្គការសហព័ន្ធវិស្វកម្មអាស៊ាន
លើកទី៣០នៅរាជធានីភ្នំពេញក្រោមប្រធានបទ
“អត្ថប្រយោជន៍ នៃសមាហរណកម្មសេវាវិស្វកម្ម សម្រាប់បណ្តាប្រទេសជាសមាជិកអាស៊ានដែលមានការអភិវឌ្ឍតិចតួច” ដោយមាន
គណៈប្រតិភូមកពីស្ថាប័នវិស្វករដែលជាសមាជិកនៃអង្គការសហព័ន្ធ
វិស្វកម្មអាស៊ានជិត១០០០នាក់ក្នុងនោះប្រតិភូកម្ពុជា៥០០ នាក់ និង
មកពីប្រទេសប្រុយណេ១៣នាក់ ប្រទេសឥណ្ឌូនេស៊ី ៤៤ នាក់ ម៉ាឡេស៊ី
៩៧នាក់ មីយ៉ាន់ម៉ា ១៦៨ នាក់ ឡាវ២ នាក់ ហ្វីលីពីន ៣៩ សង្ហបុរី៤៧ នាក់ ថៃ
៤៤ និងប្រតិភូមកពីប្រទេសផ្សេងៗ ចំនួយ៣១ នាក់ទៀត
រួមមានពីប្រទេសជប៉ុន ៩ នាក់ ហុងកុង ៤នាក់ កូរ៉េ៤ នាក់ ទីម័រ២ នាក់
ឥណ្ឌា២ នាក់ អូស្ត្រាលី ៤ នាក់ អាមេរិកកាំង ៤ នាក់ តៃវ៉ាន់២ នាក់ និង
សាធារណៈរដ្ឋប្រជាមាណិតចិន ១ នាក់។
ក្នុងឱកាសអញ្ជើញចូលរួមក្នុងពិធីបិទ
សន្និសីទអង្គការសហព័ន្ធវិស្វកម្មអាស៊ានលើកទី៣០ ឯកឧត្តម
បណ្ឌិតសភាចារ្យ សុខ អាន
ដែលជាប្រធានក្រុមប្រឹក្សាភិបាលនៃគណៈវិស្វករកម្ពុជាផងដែរបានមាន
ប្រសាសន៍វាយតំលៃកិច្ចប្រជុំថាជា ព្រឹត្តិការណ៍
បញ្ចាក់ឱ្យឃើញនូវស្មារតីរួបរួម សាមគ្គី
និងសហការគ្នាយ៉ាងជិតស្និទ្ធរវាងវិស្វករគ្រប់វិស័យក្នុងតំបន់ ។
ក្នុងនាមសម្តេចអគ្គមហាសេនាបតីតេជោ ហ៊ុន សែន ឯកឧត្តមបណ្ឌិត សុខ អាន
បានមានប្រសាន៍វាយតំលៃថា
អង្គការសហព័ន្ធវិស្វកម្មអាស៊ានបានដើរតួនាទីដ៏សំខាន់ក្នុងការរួមវិភាគ
ទាន នាំមកនូវការយល់ដឹងអំពីសហគមន៍សេដ្ឋកិច្ចអាស៊ាន
តាមរយះការជំរុញនូវការសមាហរណកម្មក្នុងតំបន់
ធ្វើអន្តរសកម្មរវាងបណ្តាវិស្វករ និង
ការចល័តកំលាំងពលកម្មជំនាញជាពិសេសតាមរយៈការជួយសម្រួល និង
ផ្តល់ឱកាសស្មើភាពចំពោះវិស្វករមកពីប្រទេសសមាជិកអាស៊ានដែលមានការ
អភិវឌ្ឍតិចនូវឱកាសស្មើភាពក្នុងការអនុត្តន៍វិជ្ជាជីវៈរបស់គេនៅក្នុង
ម្លុកសហគមន៍អាស៊ាន ដោយអនុលោមទៅតាមទិសដៅនៃសេវាសេរី
ភាវូបនីយកម្មក្នុងតំបន់ និង ក្នុងពិភពលោក។
ឯកឧត្តមបណ្ឌិត សុខ អាន បានមានប្រសាន៍ផ្តល់ជាអនុសាសន៍ថាវិស្វករ
ជាស្ពានសម្រាប់តភ្ជាប់បច្ចេកវិទ្យា វិទ្យាសាស្ត្រទៅនឹងជីវភាពសង្គម
និងតម្លៃវប្បធម៌។ ក្នុងន័យនេះ
វិស្វករត្រូវតែចូលរួមឱ្យកាន់តែសកម្មក្នុងការផ្លាស់ប្តូរ
យោបល់ និងបទពិសោធជាមួយវិស្វករដទៃទៀត
ដើម្បីបង្កើនសមត្ថភាពយល់ដឹងរបស់ខ្លួនទាំងទ្រឹស្តីនិងការអនុវត្ត។
តាមរយៈការចុះបញ្ជីទទួលស្គាល់គ្នាទៅវិញទៅមករបស់អង្គកា
រសហព័ន្ធវិស្វកម្មអាស៊ាន ខ្ញុំសង្ឃឹមយ៉ាងមុតមាំថា
វិស្វករនៃបណ្តាប្រទេសជាសមាជិកអាស៊ានទាំងអស់
នឹងមានឱកាសធ្វើការជាមួយគ្នា រៀនសូត្រពីគ្នាទៅវិញទៅមក
ក្នុងការលើកកម្ពស់សមត្ថភាពរបស់ខ្លួន
ក៏ដូចជាក្នុងការលើកស្ទួយការអភិវឌ្ឍសេដ្ឋកិច្ចសង្គម
និងបង្កើនបាននូវភាពសុខដុមរមនាក្នុងតំបន់ជាលក្ខណៈមហាគ្រួសារតែមួយ។
ក្នុងនាមរាជរដ្ឋាភិបាលកម្ពុជា
និងក្នុងនាមក្រុមប្រឹក្សាគណៈវិស្វករកម្ពុជា ឯកឧត្តម បណ្ឌិត សុខ
អាន បានមានប្រសាសន៍ថា
ខ្ញុំសូមជំរុញនិងលើកទឹកចិត្តឱ្យគណៈវិស្វករកម្ពុជា
ដែលជាសមាជិករបស់អង្គការសហព័ន្ធវិស្វកម្មអាស៊ាន
សូមយកឱកាសដ៏ប្រពៃនេះ
បង្កើនការយកចិត្តទុកដាក់ខ្ពស់ដល់ការសិក្សាស្រាវជ្រាវ ប្រមូលផ្តុំ
និងចងក្រងឯកសារ
ដើម្បីជាមូលដ្ឋានគ្រឹះសម្រាប់រូមចំណែកដល់ការលើកកម្ពស់កម្រិត
សមត្ថភាពជំនាញ បច្ចេកទេស និងវិជ្ជាជីវៈដល់វិស្វករក្នុងគ្រប់វិស័យ។
ជាមួយគ្នានេះដែរ ខ្ញុំសូមឱ្យអង្គការសហព័ន្ធវិស្វកម្មអាស៊ាន
បន្តវប្បធម៌ចែករំលែកដ៏ប្រពៃនេះ
ដើម្បីជំរុញឱ្យវិស្វករក្នុងតំបន់មានសមត្ថភាពទៅតាមស្តង់ដារអន្តរជាតិ
និងអាចដើរទាន់ការអភិវឌ្ឍផ្នែកបច្ចេកវិទ្យាវិទ្យាសាស្រ្តនៃបណ្តា
ប្រទេសជឿនលឿនក្នុងសាកលលោក។ ខ្ញុំមានជំនឿយ៉ាងមុតមាំថា
កិច្ចសហប្រតិបត្តិការល្អរវាងសមាជិកនៃអង្គការសហព័ន្ធវិស្វកម្មអាស៊ាន
នឹងក្លាយជាកម្លាំងចលករប្រកបដោយប្រសិទ្ធភាពខ្ពស់
និងមានសក្តានុពលក្នុងការជំរុញឱ្យវិស័យសេវាវិស្វកម្មនៅក្នុង
តំបន់បោះជំហានទៅមុខប្រកបដោយជោគជ័យ។
ឯកឧត្តម សុទ្ធ បញ្ញា អគ្គលេខាធិការរងនៃគណៈវិស្វករ
កម្ពុជាតាងនាមឯកឧត្តម ប្រាក់ មិន អគ្គលេខាធិការនៃគណៈវិស្វករ និង
ជាប្រធានសន្នីទអង្គការសហព័ន្ធវិស្វកម្មអាស៊ានលើកទី៣០
បានឱ្យដឹងថាអង្គការសហព័ន្ធវិស្វកម្មអាស៊ាន
ត្រូវបានបង្កើតឡើងនៅឆ្នាំ១៩៧៣ ដោយស្ថាប័នវិស្វកម្មថៃ
ស្ថាប័នវិស្វកម្មម៉ាឡេស៊ី និងស្ថាប័នវិស្វកម្មសឹង្ហបុរី
ហើយស្ថាប័នវិស្វកម្មកម្ពុជា ដែលបច្ចុប្បន្នបានប្តូរឈ្មោះទៅជា
«គណៈវិស្វករកម្ពុជា» បានចូលជាសមាជិកនៃអង្គការនេះនៅឆ្នាំ២០០១។
អង្គការសហព័ន្ធវិស្វកម្មអាស៊ាននេះ
មានតួនាទីយ៉ាងសំខាន់ក្នុងដំណើរការសមាហរណកម្មសេដ្ឋកិច្ច
តាមរយៈការសម្របសម្រួលឱ្យវិស្វករក្នុងប្រទេសមានការអភិវឌ្ឍតិចតួច
ទទួលបានឱកាសស្មើៗគ្នាក្នុងការប្រកបវិជ្ជាជីវៈដោយសេរី
ក្នុងតំបន់អាស៊ាន
ស្របនឹងទិសដៅសេរីភាវូបនីយកម្មសេវាក្នុងតំបន់និងក្នុងពិភពលោក។
នេះជាគោលដៅស្របតាមចក្ខុវិស័យនៃការកសាងសហគមន៍អាស៊ានក្នុងពេលអនាគត
ដ៏ខ្លីខាងមុខ៕
