សម្តេចតេជោនាយករដ្ឋមន្ត្រីដាក់ចេញការណែនាំសម្រាប់ការរក្សាសន្តិសុខសុវត្តិភាពនិងបូរណៈភាពទឹកដីកម្ពុជា
នៅក្នុងឱកាសអញ្ចើញជាអធិបតីក្នុងពិធី
បិទសន្និបាតបូកសរុបការងាររបស់ក្រសួងមហាផ្ទៃ នាល្ងាចថ្ងៃទី២២ ខែ
កុម្ភៈឆ្នាំ២០១៣ នៅក្រសួងមហាផ្ទៃ សម្ដេចអគ្គមហាសេនាបតីតេជោហ៊ុន សែន
នាយករដ្ឋ មន្ដ្រីនៃព្រះរាជាណា
ចក្រកម្ពុជាបានដាក់ចេញនៅការណែនាំមួយចំនួនដើម្បីរក្សារសន្តិសុខសុវត្ថិភាព
និងសណ្តាប់ធ្នាប់ ពិសេសការការពារបូរណភាព
និងអធិបតេយ្យភាពនៃព្រះរាជាណាចក្រកម្ពុជាក៏ដូចជាបញ្ហា
ប្រឈមនានារបស់កម្ពុជាទាក់ទងនិងតំបន់ ក៏ដូចជាពិភពលោក។
អនុសាសន៍ និងសេចក្តីណែនាំដែលសម្តេចតេជោនាយករដ្ឋមន្ត្រីបានដាក់ចេញរួមមាន៖
ទី១: ត្រូវ
បន្ដរួមគ្នារក្សាឱ្យបាននូវសន្ដិភាព ស្ថិរភាពនយោបាយស្ថិរភាពសង្គម
និងខិតខំលើកកម្ពស់ ការរក្សាសន្ដិសុខ សណ្ដាប់ធ្នាប់សង្គម
ដើម្បីបង្កបរិយាកាស ឱ្យការបោះឆ្នោតជាតិលើកទី៥
ដែលនឹងប្រព្រឹត្ដទៅនៅ ថ្ងៃទី២៨ ខែកក្កដា ឆ្នាំ២០១៣ ខាងមុខ
នេះប្រព្រឹត្ដទៅក្នុងលក្ខណៈសេរី ត្រឹមត្រូវ យុត្ដិធម៌
និងមានសុវត្ថិភាពយ៉ាងពេញ លេញ ។ មន្ដ្រីរាជការកងកម្លាំងនគរបាលជាតិ
និងអាជ្ញាធរគ្រប់ថ្នាក់នៃរដ្ឋបាលថ្នាក់ក្រោមជាតិ
ត្រូវខិតខំចូលរួមអនុវត្ដការងារ
ដោយខិតខំគោរពឱ្យបានខ្ជាប់ខ្ជួននូវច្បាប់ បទ បញ្ជា នីតិវិធី
និងក្រមសីលធម៌នៃការបោះឆ្នោត
ព្រមទាំងខិតខំរួមគ្នាទប់ស្កាត់ចំពោះឧបាយកលសកម្មភាពណាមួយដែលប៉ុនប៉ង
បំផ្លាញដំណើរការបោះឆ្នោតនេះ ។
ទី២ : ត្រូវបន្ដពង្រឹងសន្ដិសុខជាតិ ដោយខិតខំបន្ដលើកកម្ពស់កិច្ចសហប្រតិបត្ដិការជាមួយនគរបាលនៃប្រទេស នានាជាមិត្ដនិងប្រព័ន្ធនគរបាលអន្ដរជាតិដើរទន្ទឹមនឹង ការបង្កើនកិច្ចសហការជាមួយកម្លាំងមានសមត្ថកិច្ច ក្នុងផ្ទៃក្នុងប្រទេស ដើម្បីបង្ការទប់ស្កាត់ឱ្យបាននូវអំពើភេរវកម្ម ឧក្រិដ្ឋកម្ម ឆ្លងដែន ក្នុងនោះរួមទាំងឧក្រិដ្ឋកម្ម បច្ចេកវិជ្ជា ព័ត៌មាន ការប្រើប្រាស់ប្រព័ន្ធអ៊ិនធឺណេត ដើម្បីជំរិតទារប្រាក់ និងភ្នាល់ល្បែងខុសច្បាប់ ដែលកំពុងមានស្ទើរគ្រប់ប្រទេសក្នុងតំបន់អាស៊ីអាគ្នេយ៍របស់យើង ។ ត្រូវបន្ដសហការ បង្ការ ទប់ស្កាត់ បង្ក្រាបការចរាចរណ៍គ្រឿងញៀន សកម្មភាពជួញដូរមនុស្សឆ្លងកាត់ព្រំដែននិងសកម្មភាពឆ្លងដែនខុសច្បាប់ នានា ដោយខិតខំសហការស្រាវជ្រាវបង្ក្រាប បណ្ដាញមេខ្យល់ក្នុង និងក្រៅប្រទេស ដែលរៀបចំខ្សែបណ្ដាញអូសទាញបោកបញ្ឆោតប្រជាពលរដ្ឋ យើងឱ្យឆ្លងដែនចូលទៅធ្វើការខុស ច្បាប់ក្នុងប្រទេសជិតខាង ក្នុងនោះ រួមទាំងការបោកបញ្ឆេតប្រជាពលរដ្ឋ យើងឱ្យចូលទៅជញ្ជូន និងកាប់ឈើខុសច្បាប់ក្នុងប្រទេសជិតខាងផងដែរ ។សម្តេចតេជោនាយករដ្ឋមន្ត្រីបានមានប្រសាសន៍ថា ក្នុងឆ្នាំ ២០១៣ នេះយើងក៏កត់ សម្គាល់អំពីបញ្ហាប្រឈមនានាក្នុងតំបន់ និងពិភពលោកនៅតែបន្ដជាអាទិ៍ ការងើបឡើងនៃសេដ្ឋ កិច្ចពិភពលោកមានភាពមិនទៀងទាត់ អាស្រ័យដោយបញ្ហាបំណុលក្នុងប្រទេសមួយចំនួនការ កើនឡើងនៃភាពគ្មានការងារធ្វើ ការធ្លាក់ចុះនូវតម្រូវការប្រើប្រាស់ក្នុងប្រទេសមហាអំណាច សេដ្ឋ កិច្ច បញ្ហាភេរវកម្ម ការប្រជែងឥទ្ធិពលខាងនយោបាយ និងយោធារបស់មហាអំណាចនានា បញ្ហាអាវុធនុយក្លេអ៊ែរ ជម្លោះទឹកដី និងដែនកោះរវាងប្រទេសមួយចំនួនក្នុងតំបន់ ការប្រែប្រួលខាង បរិស្ថាន។ល។ បញ្ហាប្រឈមទាំងនេះ តម្រូវឱ្យយើងខិតខំធ្វើការតាមដានការវិវត្ដប្រែប្រួលជា ប្រចាំ ដើម្បីមានគោលនយោបាយ និងវិធានការសមស្របសំដៅបញ្ចៀសផលប៉ះពាល់នៃបញ្ហា ប្រឈមទាំងនេះ មកលើកិច្ចខិតខំប្រឹងប្រែងក្នុងការសម្រេចបាននូវទិសដៅភារកិច្ច រួម របស់កម្ពុជា។ទាក់ទងនឹងសកម្មភាពនៃការជួញដូរឈើប្រណិត សម្តេចតេជោនាយករដ្ឋមន្រ្តី បានមានប្រសាសន៍ថា ការ កាប់ឈើខុសច្បាប់ និងការជួញដូរឈើគ្រញូង ត្រូវបញ្ចប់ការប្រើប្រាស់ទាំងក្នុង ស្រុក និងក្រៅប្រទេស ហើយស្នើសុំឲ្យប្រទេស ដែលធ្លាប់ទិញឈើ គ្រញូងត្រូវបញ្ឈប់ការបញ្ជាទិញ។
ទី២ : ត្រូវបន្ដពង្រឹងសន្ដិសុខជាតិ ដោយខិតខំបន្ដលើកកម្ពស់កិច្ចសហប្រតិបត្ដិការជាមួយនគរបាលនៃប្រទេស នានាជាមិត្ដនិងប្រព័ន្ធនគរបាលអន្ដរជាតិដើរទន្ទឹមនឹង ការបង្កើនកិច្ចសហការជាមួយកម្លាំងមានសមត្ថកិច្ច ក្នុងផ្ទៃក្នុងប្រទេស ដើម្បីបង្ការទប់ស្កាត់ឱ្យបាននូវអំពើភេរវកម្ម ឧក្រិដ្ឋកម្ម ឆ្លងដែន ក្នុងនោះរួមទាំងឧក្រិដ្ឋកម្ម បច្ចេកវិជ្ជា ព័ត៌មាន ការប្រើប្រាស់ប្រព័ន្ធអ៊ិនធឺណេត ដើម្បីជំរិតទារប្រាក់ និងភ្នាល់ល្បែងខុសច្បាប់ ដែលកំពុងមានស្ទើរគ្រប់ប្រទេសក្នុងតំបន់អាស៊ីអាគ្នេយ៍របស់យើង ។ ត្រូវបន្ដសហការ បង្ការ ទប់ស្កាត់ បង្ក្រាបការចរាចរណ៍គ្រឿងញៀន សកម្មភាពជួញដូរមនុស្សឆ្លងកាត់ព្រំដែននិងសកម្មភាពឆ្លងដែនខុសច្បាប់ នានា ដោយខិតខំសហការស្រាវជ្រាវបង្ក្រាប បណ្ដាញមេខ្យល់ក្នុង និងក្រៅប្រទេស ដែលរៀបចំខ្សែបណ្ដាញអូសទាញបោកបញ្ឆោតប្រជាពលរដ្ឋ យើងឱ្យឆ្លងដែនចូលទៅធ្វើការខុស ច្បាប់ក្នុងប្រទេសជិតខាង ក្នុងនោះ រួមទាំងការបោកបញ្ឆេតប្រជាពលរដ្ឋ យើងឱ្យចូលទៅជញ្ជូន និងកាប់ឈើខុសច្បាប់ក្នុងប្រទេសជិតខាងផងដែរ ។សម្តេចតេជោនាយករដ្ឋមន្ត្រីបានមានប្រសាសន៍ថា ក្នុងឆ្នាំ ២០១៣ នេះយើងក៏កត់ សម្គាល់អំពីបញ្ហាប្រឈមនានាក្នុងតំបន់ និងពិភពលោកនៅតែបន្ដជាអាទិ៍ ការងើបឡើងនៃសេដ្ឋ កិច្ចពិភពលោកមានភាពមិនទៀងទាត់ អាស្រ័យដោយបញ្ហាបំណុលក្នុងប្រទេសមួយចំនួនការ កើនឡើងនៃភាពគ្មានការងារធ្វើ ការធ្លាក់ចុះនូវតម្រូវការប្រើប្រាស់ក្នុងប្រទេសមហាអំណាច សេដ្ឋ កិច្ច បញ្ហាភេរវកម្ម ការប្រជែងឥទ្ធិពលខាងនយោបាយ និងយោធារបស់មហាអំណាចនានា បញ្ហាអាវុធនុយក្លេអ៊ែរ ជម្លោះទឹកដី និងដែនកោះរវាងប្រទេសមួយចំនួនក្នុងតំបន់ ការប្រែប្រួលខាង បរិស្ថាន។ល។ បញ្ហាប្រឈមទាំងនេះ តម្រូវឱ្យយើងខិតខំធ្វើការតាមដានការវិវត្ដប្រែប្រួលជា ប្រចាំ ដើម្បីមានគោលនយោបាយ និងវិធានការសមស្របសំដៅបញ្ចៀសផលប៉ះពាល់នៃបញ្ហា ប្រឈមទាំងនេះ មកលើកិច្ចខិតខំប្រឹងប្រែងក្នុងការសម្រេចបាននូវទិសដៅភារកិច្ច រួម របស់កម្ពុជា។ទាក់ទងនឹងសកម្មភាពនៃការជួញដូរឈើប្រណិត សម្តេចតេជោនាយករដ្ឋមន្រ្តី បានមានប្រសាសន៍ថា ការ កាប់ឈើខុសច្បាប់ និងការជួញដូរឈើគ្រញូង ត្រូវបញ្ចប់ការប្រើប្រាស់ទាំងក្នុង ស្រុក និងក្រៅប្រទេស ហើយស្នើសុំឲ្យប្រទេស ដែលធ្លាប់ទិញឈើ គ្រញូងត្រូវបញ្ឈប់ការបញ្ជាទិញ។
ទី៣: ទោះបីក្នុងឆ្នាំ២០១២កន្លងមក សភាពការណ៍ព្រំដែនមានការវិវត្ដន៍ល្អប្រសើរ ពិសេសសភាពការណ៍តាមព្រំដែនកម្ពុជា ថៃ អាស្រ័យដោយមានការសហការល្អ រវាងរដ្ឋាភិបាល នៃព្រះរាជាណាចក្រកម្ពុជាជាមួយរាជរដ្ឋាភិបាលនៃព្រះរាជាណាចក្រថៃ ប៉ុន្ដែនាពេលខាងមុខនេះតុលាការអន្ដរជាតិ នឹងធ្វើការបកស្រាយសាលក្រមពាក់ព័ន្ធ បញ្ហាប្រាសាទព្រះវិហារតាមបណ្ដឹងរបស់ភាគីកម្ពុជា។ ក្នុងបញ្ហានេះមាននិន្នាការមួយចំនួនបានគាបសង្កត់ និងបានដាក់បញ្ហាជាច្រើន ក្នុងនោះរួមទាំងការប៉ុនប៉ងលើកយក វិធានការយោធា ដើម្បីត្រៀមក្នុងការដោះស្រាយបញ្ហាទៀតផង ។ដូច្នេះកងកម្លាំងប្រដាប់អាវុធ គ្រប់ប្រភេទ ក្នុងនោះរួមទាំងកងកម្លាំង នគរបាលជាតិផង ជានិច្ចកាលត្រូវតែ មានការប្រុងប្រយ័ត្នប្រកបដោយស្មារតី ម្ចាស់ការខ្ពស់ ដើម្បីរួមសហការគ្នា តាមដានក្ដាប់ឱ្យបានសភាពការណ៍ នានា និងមានវិធានការប្រកបដោយប្រសិទ្ធភាពចំពោះ រាល់សកម្មភាពអាក្រក់ណាមួយដែលយាយីមកលើបូរណភាពទឹកដី អធិបតេយ្យភាពជាតិ ក៏ដូចជាការឃោសនាសង្គ្រាមចិត្ដសាស្ដ្រមួលបង្កាច់កិត្ដិនាមនៃ ព្រះរាជាណាចក្រ កម្ពុជាយើង ។ទាក់ទងនឹងចំនុចនេះ សម្តេចតេជោបានមានប្រសាសន៍ថា
នៅកម្ពុជាស្រួលទេព្រោះកម្ពុជាមិនមាននិន្នាការនិយមជ្រុលទេ
ប៉ុន្តែនៅខាងប្រទេសថៃឯណោះវិញមានមតិច្រើនណាស់
រាប់ទាំងមតិដែលទាមទារឲ្យមានការ អនុវត្តនូវសន្ធិសញ្ញាតូក្យូឆ្នាំ
១៩៤១ ដែលបានកាត់យកខេត្តបាត់ដំបង សៀមរាប
និងខេត្តកំពង់ធំនៅក្នុងសម័យសង្គ្រាមលោកលើកទី ២ យកទៅប្រើប្រាស់
ហើយក៏មានការលើកឡើងថា បើសិនជាការ កាត់ក្តីទៅ
ថៃចាញ់ប្រៀបត្រូវតែទាត់ចោលឬក៏ត្រូវតែប្រើប្រាស់កម្លាំងទៀតផង
។សម្តេចតេជោមានប្រសាសន៍អោយដឹងថា
បើប្រៀបធៀបទៅនឹងអ្វីជាបញ្ហារវាងកម្ពុជា និងថៃ ហើយរវាងថៃ
និងថៃគ្នាឯងគឺកម្ពុជា និងថៃមាន បញ្ហាតិចជាង ប៉ុន្តែថៃ
និងថៃគ្នាឯងមានបញ្ហាច្រើនជាង
ដូច្នេះយើងត្រូវតែមានការប្រុងប្រយ័ត្នជាមួយ នឹងបញ្ហានេះ
កុំចាញ់បោកនូវពួកក្រុមជ្រុលនិយមមួយក្រុមដែលអាចញុះញង់ឲ្យមាន
បញ្ហាក្នុងទំនាក់ ទំនងរវាងកម្ពុជា-ថៃ
ដោយត្រូវខិតខំរក្សាទំនាក់ទំនងនេះ
ហើយបើទោះបីជាការបកស្រាយនោះចេញ មកយ៉ាងណាក៏ដោយ
យើងត្រូវស្ងាត់ស្ងៀមរកវិធីដោះស្រាយជាជាងបង្កើតនូវបញ្ហា។
សម្តេចតេជោមានប្រសាសន៍ថា ខ្ញុំបានប្រាប់លោកជំទាវ យីងឡាក់
ស៊ីណាវ៉ាត់ត្រា ក្នុងពេល
ដែលគាត់មកចូលរួមក្នុងព្រះរាជពិធីថ្វាយព្រះភ្លើងព្រះបរមសព
ព្រះបរមរតកោដ្ឋ ថា មិនថាសាល ក្រមនោះចេញមកបែបណាទេ
បើទោះបីជាកម្ពុជាមានប្រៀបក៏កម្ពុជាមិនប្រើប្រាស់កម្លាំងដើម្បី
ទៅរុញច្រានកម្លាំងរបស់ថៃដើម្បីចេញពីតំបន់នោះដែរ។
យើងត្រូវមានការពិភាក្សាគ្នាដើម្បីរៀបចំឲ្យមានដំណើរការល្អ
ហើយកុំឲ្យបញ្ហាមួយកន្លែងនេះវារីករាលដាលទៅជាជម្លោះព្រំដែន
ទាំងមូល
កុំឲ្យបញ្ហាមួយកន្លែងវារីករាលដាលទៅដល់សហប្រតិបត្តិការដទៃទៀត
ដូចជាវិស័យសេដ្ឋកិច្ច ពាណិជ្ជកម្មជាដើម។ សម្តេចតេជោថ្លែងថា
សូមកុំឲ្យកម្ទេចភ្លើងមួយក្លាយទៅជាអគ្គិភ័យនោះ
ដែលនេះជាចំណុចដែលយើង ត្រូវយកចិត្តទុកដាក់
ព្រោះយើងមិនអាចលើកយកប្រទេសថៃទៅដាក់នៅកន្លែងផ្សេង ហើយប្រទេស
ថៃក៏មិនអាចលើកប្រទេសកម្ពុជាយកទៅដាក់នៅកន្លែងផ្សេងបានទេ
ក្រៅពីការរស់នៅជាមួយគ្នា ដោយសន្តិវិធីនោះ។
ទី៤ :លើកកម្ពស់ថែមទៀតនូវចលនាមហាជន ចូលរួមការពារសន្ដិសុខ សុវត្ថិភាពនៅមូលដ្ឋាន ដើម្បីពង្រឹងសន្ដិសុខ សណ្ដាប់ធ្នាប់សាធារណៈឱ្យ បានកាន់តែរឹងមាំ តាមរយៈការបន្ដ ជំរុញអនុវត្ដគោលនយោបាយឃុំ ភូមិ មានសុវត្ថិភាព ឱ្យបានផុសផុលគ្រប់ មូលដ្ឋានទូទាំងប្រទេស ដោយខិតខំ ធានាឱ្យបាននូវនិរន្ដរភាពក្នុងការ អនុវត្ដន៍គោល នយោបាយនេះ ។ ទន្ទឹមនេះកងកម្លាំងនគរបាលជាតិ ត្រូវបន្ដកសាងពង្រឹងសមត្ថភាពជំនាញ និងមនសិការវិជ្ជាជីវៈ ដើម្បីលើកកម្ពស់ ប្រសិទ្ធភាពក្នុងការបង្ការ ទប់ស្កាត់ បង្ក្រាបបទល្មើសព្រហ្មទណ្ឌគ្រប់ប្រភេទ ឱ្យមានការថយចុះថែមទៀត ជាពិសេស អំពើប្លន់ ឃាតកម្ម ការជួញដូរ ប្រើប្រាស់ គ្រឿងញៀនខុសច្បាប់ ការជួញដូរ មនុស្សអំពើ រំលោភ អំពើហិង្សា និងសកម្មភាពក្មេងទំនើង ដើម្បីបង្កើនភាពកក់ក្ដៅថែមទៀតក្នុងជីវភាពរស់នៅ និងការប្រកបមុខរបរនានារបស់អាជីវករ និងប្រជាពលរដ្ឋគ្រប់ច្រកល្ហក ទូទាំងប្រទេស ។
ទី៥: បន្ដខិតខំរៀបចំសណ្ដាប់ធ្នាប់សាធារណៈឱ្យបានកាន់តែល្អ ប្រសើរ ស្របតាមការវិវត្ដន៍រីកចម្រើន របស់ប្រទេសជាតិ ។ ក្នុងនោះបញ្ហាដែលត្រូវយកចិត្ដ ទុកដាក់ គឺសណ្ដាប់ធ្នាប់ចរាចរណ៍ ដែលនៅតែជាបញ្ហាប្រឈមដ៏ធ្ងន់ធ្ងរបណ្ដាលឱ្យមានគ្រោះថ្នាក់ដល់ អាយុជីវិត និងទ្រព្យសម្បត្ដិប្រជាពលរដ្ឋជារៀងរាល់ថ្ងៃ ។
ចំពោះបញ្ហាអគ្គិភ័យ ខ្ញុំធ្លាប់មានមតិរួចមកហើយ កាលពីថ្ងៃទី ២៥ ខែ ធ្នូ ឆ្នាំ ២០១២ នាឱកាសសម្ពោធរោងចក្រ ស្ករស នៅខេត្ដកំពង់ស្ពឺ គឺរាជរដ្ឋាភិបាលបានលើក ទឹកចិត្ដដល់វិស័យឯកជន ក្នុងការចូលរួមក្នុងចលនាបង្ការការពារ និងពន្លត់អគ្គិភ័យ ។ ដូច្នេះត្រូវយកចិត្ដទុកដាក់បំផុសលើកទឹកចិត្ដ ចលនានេះឱ្យមានសកម្មភាពជាក់ស្ដែង ថែមទៀត ។
ទន្ទឹមនេះក្រសួងមហាផ្ទៃ ក្រសួង ស្ថាប័ននានា និងអាជ្ញាធរគ្រប់ថ្នាក់ ត្រូវបង្កើនការអប់រំ ផ្សព្វផ្សាយដល់ ប្រជាពលរដ្ឋឱ្យលើកកម្ពស់ស្មារតីប្រុងប្រយ័ត្នចំពោះបញ្ហា អគ្គិភ័យ សំដៅធានាឱ្យមានការចូលរួមពីសាធារណជនក្នុង ការបង្ការ ការពារ និងពន្លត់អគ្គិភ័យ ។ អង្គភាពជំនាញពន្លត់អគ្គិភ័យគ្រប់ថ្នាក់ ត្រូវរៀបចំឱ្យមានកម្មវិធីហាត់ហ្វឹក ហ្វឺន ពន្លត់អគ្គិភ័យនៅនឹងកន្លែង ដើម្បីសង្គ្រោះបឋម ដោយផ្ដោតទៅលើគោលដៅសំខាន់ៗមួយចំនួន ដូចជាៈ រោងចក្រ សហគ្រាស សិប្បកម្ម ឃ្លាំង ព្រមទាំងតំបន់លំនៅ ស្ថានរបស់ប្រជាជន ដែលមានភាពស្មុគស្មាញ ។ល។
ក្រសួងមហាផ្ទៃត្រូវសហការជាមួយក្រសួង ស្ថាប័ន និងអាជ្ញាធរពាក់ព័ន្ធនានា ខិតខំចាត់វិធានការពង្រឹងការអនុវត្ដន៍ច្បាប់ឱ្យបានម៉ឺងម៉ាត់ និងបន្ដលើកកម្ពស់ការ គ្រប់គ្រងមនុស្ស គ្រប់គ្រងអាវុធ មធ្យោបាយធ្វើដំណើរ និងត្រូវបន្ដធ្វើការសិក្សាស្រាវជ្រាវ និងកែលម្អច្បាប់ លិខិតបទដ្ឋានដែល មានស្រាប់ និងរៀបចំច្បាប់ លិខិតបទដ្ឋានថ្មីៗ ឱ្យបានសមស្របតាមការវិវត្ដន៍រីកចម្រើនរបស់សង្គម ។
ទី៦: ដើម្បីលើកកម្ពស់ប្រសិទ្ធភាពក្នុងការអនុវត្ដន៍ភារកិច្ច ខាងលើ នេះត្រូវបន្ដធ្វើការកែទម្រង់នគរបាលជាតិ ឱ្យបានស៊ីជម្រៅ ដោយខិតខំបង្កើនការបណ្ដុះបណ្ដាល កសាងសមត្ថភាព កងកម្លាំងនគរបាលនៅគ្រប់ថ្នាក់ ដើរទន្ទឹមនឹងការលើកកម្ពស់មនសិការវិជ្ជាជីវៈ ការគោរពវិន័យ សីលធម៌ ដើម្បីលើកកម្ពស់គុណភាព សមត្ថភាពរបស់កង កម្លាំងនគរបាលជាតិទាំងមូល ក្នុងការផ្ដល់សេវាសន្ដិសុខជូនប្រជាពលរដ្ឋឱ្យបានកាន់តែទូលំទូលាយ ប្រកបដោយភាពស្មោះស្ម័គ្ររាក់ទាក់ គ្រប់ទីកន្លែង និងទាន់ពេលវេលា ក្នុង ឆន្ទៈ “ជួយការពារ សង្គ្រោះ និងផ្ដល់យុត្ដិធម៌ជូនប្រជាពលរដ្ឋគ្រប់ៗរូបដោយស្មើភាព”។
ទី៧: បន្ដជំរុញកម្មវិធីកំណែទម្រង់វិមជ្ឈការ និងវិសហមជ្ឈការ ឱ្យបន្ដបោះជំហានទៅមុខប្រកបដោយ ចីរភាព ស្របតាមបទប្បញ្ញត្ដិនៃច្បាប់ រៀបចំអង្គការ កម្មវិធីជាតិ សម្រាប់ការអភិវឌ្ឍន៍តាមបែបប្រជាធិបតេយ្យនៅថ្នាក់ក្រោមជាតិរយៈពេល១០ ឆ្នាំ និង ផែនការអនុវត្ដរយៈពេល៣ ឆ្នាំដំបូង នៃកម្មវិធីជាតិនេះ ។ ក្នុងបណ្ដាឆ្នាំកន្លង ទៅ ទោះបីកំណែទម្រង់នេះសម្រេចបានសមិទ្ធផលមួយចំនួនគួរឱ្យកត់សម្គាល់ ក៏ពិតមែន ប៉ុន្ដែនោះគ្រាន់តែជាដំណាក់ កាលចាប់ផ្ដើមតែប៉ុណ្ណោះ ។ ពីព្រោះដំណើរការស្នូលនៃ កំណែទម្រង់វិមជ្ឈការ និងវិសហមជ្ឈការគឺការផ្ទេរមុខងារអំណាច ធនធាន និងសមត្ថភាពទៅឱ្យរដ្ឋបាលនានានៅថ្នាក់ក្រោមជាតិ ដើម្បីចាត់ចែងប្រើប្រាស់មុខងារ អំណាច ធនធាននិងសមត្ថភាពទាំងនោះ សំដៅឆ្លើយតបសេចក្ដីត្រូវការរបស់ប្រជាពលរដ្ឋនៅមូលដ្ឋានឱ្យបាន ឆាប់រហ័ស មានតម្លាភាព គណនេយ្យភាព និងប្រកបដោយប្រសិទ្ធភាព ។ ទាក់ទងនិងចំនុចនេះសម្តេចតេជោបានមានប្រសាសន៍ថាក្នុងនាមរាជរដ្ឋាភិបាល កម្ពុជា ខ្ញុំសូមរំលឹកឡើងវិញដល់ក្រសួងស្ថាប័ននានា ត្រូវបន្ដខិតខំ តម្កល់ការប្ដេជ្ញាចិត្ដខាងនយោបាយ ដែលបានឯកភាពស្រុះស្រួលគ្នាឱ្យបានរឹងមាំ ដោយឥតងាករេ ដើម្បីរួមគ្នាបន្ដជំរុញកំណែទម្រង់នេះ ឱ្យបោះជំហានចូលក្នុងដំណាក់កាលថ្មីមួយទៀត ។ ក្នុងស្មារតី នេះការរៀបចំក្របខ័ណ្ឌគោលនយោបាយ ក្របខ័ណ្ឌច្បាប់ លិខិតបទដ្ឋានរបស់ក្រសួងស្ថាប័ននានា នៅថ្នាក់ជាតិត្រូវតែគាំទ្រដល់ប្រព័ន្ធវិមជ្ឈការ វិសហមជ្ឈការ និងសិទ្ធិអំណាចរបស់រដ្ឋបាលថ្នាក់ ក្រោមជាតិ ។ ដោយឡែក រដ្ឋបាលនានានៅថ្នាក់ក្រោមជាតិ ក៏ត្រូវតែខិតខំពង្រឹង សមត្ថភាពជាប្រចាំ ដើម្បីប្រើប្រាស់មុខងារ អំណាច និងធនធានដែលបានផ្ទេរប្រកបដោយស្មារតីទទួលខុសត្រូវខ្ពស់ បផុត សំដៅឆ្លើយតបតម្រូវការនានាជាអាទិភាពរបស់មូលដ្ឋាន ។
ទី៨: ទន្ទឹមនឹងនេះរដ្ឋបាលគ្រប់ថ្នាក់នៅថ្នាក់ក្រោមជាតិ ត្រូវបន្ដចូលរួមទទួលខុសត្រូវក្នុងការអនុវត្ដន៍ឱ្យបានកាន់តែសកម្ម ថែមទៀតនូវ “គោលនយោបាយចាស់ សកម្មភាពថ្មី លើវិស័យដីធ្លី”ឱ្យសម្រេចបានតាមផែនការដែលបានកំណត់ និងត្រូវបន្ដអនុវត្ដឱ្យបានម៉ឺងម៉ាត់នូវបទបញ្ជារបស់រាជរដ្ឋាភិបាល ក្នុងការកែទម្រង់ឡូត៍ នេសាទ ដោយខិតខំធ្វើការបង្ក្រាបឱ្យ បានដាច់ខាតនូវបទល្មើសនេសាទខុសច្បាប់ ក៏ដូចជាការកាប់បំផ្លាញព្រៃលិចទឹក សំដៅរួមគ្នាការពារ ធនធាន មច្ឆជាតិ សម្រាប់ជាផលប្រយោជន៍ រួមរបស់ប្រជាពលរដ្ឋ និងសង្គមរបស់យើង ។ ម្យ៉ាងទៀតត្រូវយកចិត្ដទុកដាក់លុបបំបាត់ការដាក់ប៉ុសិ៍្ដ ត្រួតពិនិត្យអនាធិបតេយ្យ ក្នុងដែនសមត្ថកិច្ចនៃថ្នាក់រដ្ឋបាលនីមួយៗ ឱ្យបានព្រមៗគ្នា ក្នុងទូទាំងប្រទេស តាមរយៈការចាត់ចែងអនុវត្ដឱ្យមានប្រសិទ្ធភាពនូវយន្ដការដែលបានបង្កើត រួចហើយ ។ទាក់ទងនឹងការបង្ក្រាបបទល្មើសផ្សេងៗ សម្តេចតេជោនាយករដ្ឋមន្ត្រីក៏បានរំលឹកអំពីប្រសាសន៍ណែនាំក្នុងអង្គប្រជុំពេញ អង្គគណៈរដ្ឋមន្ត្រី នាព្រឹកថ្ងៃទី ២២ កុម្ភះ អោយស្ថាប័នមានសមត្ថិកិច្ចមានវិធានការម៉ឺងម៉ាត់ចំពោះការដឹកជញ្ជូនលើស ទំងន់តាមរថយន្តផងដែរ។ទីមួយ ត្រូវផាកពិន័យចំពោះរថយន្តដឹកជញ្ជូនលើសទំងន់ និងទីពីរ ត្រូវអោយរើទំនិញដែលលើសទំងន់ចេញ ឫយករថយន្តមកផ្ទេរ ទើបអនុញ្ញាតអោយរថយន្តដែលដឹកលើសទំងន់ចេញពីកន្លែងផាកពិន័យ៕