ប្រសិនបើ សម រង្ស៊ី មិនឃ្លុំមាត់ខ្លួនឯងឱ្យបានឆាប់នោះទេ
គាត់នឹងបញ្ចប់អាជីពនយោបាយ របស់ខ្លួនក្នុងពេលដ៏ឆាប់។
លើកលែងតែគាត់បដិសេធទៅនឹង អ្វីដែលត្រូវបានធ្វើសេចក្តីរាយការណ៍ដោយ សារព័ត៌មាន The Cambodia Daily ចុះថ្ងៃច័ន្ទ ទី៦ ខែកុម្ភៈ ឆ្នាំ២០១២
ដែលនិយាយថា «និយាយ អំពីស្ថានភាពនយោបាយនាពេលថ្មីៗក្នុងប្រទេសភូមានោះ លោក សម
រង្ស៊ី បានធ្វើការប្រៀបធៀបខ្លួន ក្នុងនាមជាមេដឹកនាំបក្សប្រឆាំងនៅកម្ពុជា ទៅនឹងស្ថានភាពរបស់លោកស្រី
Aung San Suu Kyi ដែល ជាមេដឹកនាំគាំទ្រប្រជាធិបតេយ្យរបស់ភូមានោះ
ថាជាការមិនត្រឹមត្រូវ ស្រមើស្រមៃ និងការប្រឌិត» បើមិនដូច្នោះទេ សម រង្ស៊ី
កំពុងតែស្ថិតនៅក្នុងឆ្នាំងខ្ទះដ៏ក្តៅដោយមិនអាចប្រកែកបាន។
ក្នុងពេលនេះ យើងជឿលើសេចក្តីរាយការណ៍ដោយសារព័ត៌មាន The Cambodia Daily
នេះសិន ចុះ។ វាមានន័យជាក់លាក់ និងគួរឱ្យជឿបានថា សម រង្ស៊ី
មិនចេះពីរបៀបកត់ត្រាពិន្ទុនៃតារាងតុល្យការ នយោបាយរបស់ខ្លួនទេ។ សម រង្ស៊ី
មិនដឹងពីកន្លែងដែលត្រូវកត់ត្រាអ្វីជាវិជ្ជមាន និងអ្វីជាអវិជ្ជមានក្នុង
កិច្ចការនយោបាយរបស់ខ្លួនទេ។ មុនពេលគាត់បើកមាត់របស់គាត់
ប្រការសំខាន់បំផុតសម្រាប់អ្នក នយោបាយមួយរូបនោះគឺថា
គាត់ចាំបាច់ត្រូវតែសង្កេតពិនិត្យប្រវត្តិរបស់ខ្លួនជាមួយនឹងប្រវត្តិរបស់លោកស្រី
Aung San Suu Kyi ឱ្យបានជាមុនសិន។ សួរនរណាក៏ដោយ ក្នុងពិភពលោកទាំងមូល
ទោះជាអ្នកគាំទ្រ
និងអ្នកអាណិតអាសូរគាត់ដែលជាអ្នកមានសច្ចៈធម៌ចិត្តឥតលំអៀង
ទោះជាសមាជិកនៃថ្នាក់ដឹកនាំ គណបក្ស សម រង្ស៊ី ក៏ដោយ
ក៏គ្មាននរណាមួយអាចនឹងមានភាពព្រហើនក្នុងការប្រៀបធៀប សម រង្ស៊ី
ទៅនឹងមេដឹកនាំគាំទ្រប្រជាធិបតេយ្យរបស់ភូមា Aug San Suu Kyi នោះដែរ ទោះ
ជាក្នុងស្ថានភាពណា ក៏ដោយ។ នេះជាភស្តុតាងច្បាស់ណាស់ថា សម រង្ស៊ី
គ្មានគោលការណ៍នៃក្រមសីលធម៌ និងគ្មានសមត្ថភាព គិតគូរ
និងវិនិច្ឆ័យច្បាស់លាល់។ គាត់គឺជាគ្រោះថ្នាក់ដល់ខ្លួនឯង និងអ្នកដទៃទៀត
ក្នុងគណបក្សសមរង្ស៊ី។ គាត់មានអារម្មណ៍ពេញចិត្តទៅនឹងភាពជាអ្នកដឹកនាំនៃគណបក្ស
សម រង្ស៊ី ដែលជាបក្សប្រឆាំងរបស់ខ្លួន តែប៉ុណ្ណោះ
ហើយគាត់ពិតជាមិនបានគិតគួរទាល់តែសោះចំពោះគណបក្ស សម រង្ស៊ី
ក្នុងនាមជាគណបក្ស នយោបាយមួយ។
សម រង្ស៊ី មានគោលជំហរប្រែប្រួល និងអារម្មណ៍ឆាប់ផ្លាស់ប្តូរ។
ចាប់តាំងពីគាត់ភៀសខ្លួនទៅ ក្រៅប្រទេសដោយខ្លួនឯង
ដើម្បីគេចពីទោសជាប់ពន្ធនាគារមក គាត់បាននិយាយជាច្រើនដងហើយថា ការបោះឆ្នោតមួយនៅកម្ពុជាដោយគ្មានវត្តមានរបស់សម រង្ស៊ី
គឺមានលក្ខណៈមិនត្រឹមត្រូវ មិនស្របច្បាប់ និងមិនអាចទទួលយកបាន។
ប៉ុន្តែការទទួលបានអាសនៈព្រឹទ្ធសភាទៅតាមការគ្រោងទុក អាស្រ័យការបែងចែកតាមការគណនារូបមន្តគណិតសាស្រ្ត ទោះបីគណបក្សសមរង្ស៊ីបាត់បង់
១៧៩ សំឡេងដែលជាសំឡេង គាំទ្ររបស់មេដឹកនាំ ស្នូលថ្នាក់ជាតិ
និងមូលដ្ឋានក្នុងចំណោម សមាជិកសភាជាតិ និងសមាជិកក្រុម
ប្រឹក្សាឃុំសង្កាត់នៃគណបក្សសមរង្ស៊ីក៏ដោយ នោះពិតជាត្រូវចិត្ត សម រង្ស៊ី
ខ្លាំងណាស់ហើយ គឺជាការ ដែលផ្តល់ឱ្យគាត់នូវហេតុផល ដើម្បីទទួលយកលទ្ធផលនេះ ហើយធ្វើយ៉ាងនេះ គឺជាការអបអរសាទរ ចំពោះដំណើរការបោះឆ្នោតនេះទាំងមូល។
សេចក្តីថ្លែងការណ៍សំខាន់ៗ ជាច្រើនរបស់ សម រង្ស៊ី
ប្រឆាំងទៅនឹងគណៈកម្មាធិការជាតិរៀបចំការបោះឆ្នោត (គជប)
ប្រឆាំងទៅនឹងការបោះឆ្នោតសកល និងអសកល
ជាច្រើនដែលបានរៀបចំឡើងក្នុងប្រទេសកម្ពុជាក្នុងពេលកន្លងមក
ត្រូវបានបង្ហាញថាគឺជាឆាកល្ខោនដើម្បី ទាញចំណាប់អារម្មណ៍តែប៉ុណ្ណោះ។
គាត់អាចនិយាយប៉ុន្មានដងក៏បានតាមដែលគាត់និយាយ ចង់និយាយថា កម្ពុជាគឺ
«អាក្រក់ជាង» ភូមា ដូចដែលរាយការណ៍ដោយសារព័ត៌មាន The Cambodia Daily ។ ការ
និយាយដូច្នេះគ្មានន័យអ្វីទាល់តែសោះ ហើយក៏គ្មានតម្លៃសោះតែម្តង។
កង្វះខាតនៃភាពសមហេតុផលនៅក្នុងអ្វីដែលសម រង្ស៊ី បានធ្វើ
និងក្នុងអ្វីដែលគាត់បាននិយាយ គឺជាក់ស្តែងណាស់
ហើយស្តែងចេញមកយ៉ាងច្បាស់លាស់ដូចជាក្នុងករណី ក) ដកបង្គោលតំរុយព្រំដែន
ដែលប្រើប្រាស់ដើម្បីកំណត់ខ្សែព្រំដែននៅក្នុងខេត្តស្វាយរៀង
ជាជាងសកម្មភាពដោយប្រើប្រាស់ប្រព័ន្ធ ព័ត៌មាន នីតិវិធីសភា
និងមធ្យោបាយផ្លូវច្បាប់ និងសមស្របដទៃទៀត និង ខ) អង្វរសុំឱ្យមានការលើក
លែងទោសពីសំណាក់សម្តេចតេជោ ហ៊ុន សែន
ក្រោយពីបាននិយាយចោទប្រកាន់យ៉ាងអាក្រក់ និង
សាហាវជាច្រើនលើកច្រើនសារនៅក្នុងប្រទេស និងនៅបរទេស។
ដើម្បីបញ្ជាក់ពីចំណុចនេះ វាគឺជាការ សក្តិសមណាស់
ក្នុងការលើកយកខ្លឹមសារនៃលិខិតរបស់ សម រង្ស៊ី ចុះថ្ងៃទី៣ ខែកុម្ភៈ ឆ្នាំ២០០៦
ដែល និយាយថា៖
«ខ្ញុំមានការសោកស្តាយចំពោះរាល់ទង្វើខុសឆ្គងរបស់ខ្ញុំទៅលើសម្តេច
ដូចជាការចោទប្រកាន់ សម្តេចថា
ជាអ្នកនៅពីក្រោយខ្នងនៃការវាយប្រហារដោយគ្រាប់បែកទៅលើបាតុករនៅមុខរដ្ឋសភាជាតិ
កាលពីថ្ងៃ ទី៣០ ខែ មិថុនា ឆ្នាំ១៩៩៧
ចោទប្រកាន់សម្តេចថាមានបំណងធ្វើឃាតមន្ត្រីថ្នាក់ខ្ពស់៥រូប ហើយនិង
ការចោទប្រកាន់ដែលគ្មានមូលដ្ឋានផ្សេងៗទៀត» ។ល។ និង ។ល។ បន្ទាប់មក សម
រង្ស៊ី បាន បន្តថា៖ «ចាប់ពីថ្ងៃនេះទៅ ខ្ញុំនឹងផ្លាស់ប្តូរឥរិយាបទរបស់ខ្ញុំ
ដើម្បីបញ្ចប់បញ្ហាទាំងនោះ និងការពារមិនឱ្យ បញ្ហាដូចនោះកើតឡើងជាថ្មីទេ»។
ដូច្នេះវាគឺជាកិច្ចការរបស់អ្នកវិភាគចិត្តវិទ្យាក្នុងការប្រកាសអំពីជំងឺខួរក្បាល
របស់
សម រង្ស៊ី។ អង្គភាពព័ត៌មាន និងប្រតិកម្មរហ័ស
គ្រាន់តែបានបំពេញការងារនាំយកការពិត និង សច្ចភាព បង្ហាញជូនសាធារណជន
និងជាពិសេសសមាជិកនៃគណបក្សសម រង្ស៊ី តែប៉ុណ្ណោះ។
ក្នុងដំណើរបច្ចុប្បន្ននេះ វាទំនងជាមាន «ចលនាទម្លាក់ចោល សម រង្ស៊ី»
ដែលនឹងញាស់កើតចេញ ពីកំហឹងនៃថ្នាក់ដឹកនាំ និងសមាជិកនៃគណបក្សសមរង្ស៊ី។
អង្គភាពព័ត៌មាន និងប្រតិកម្មរហ័ស