សម្តេចតេជោជម្រុញឲ្យពង្រឹងប្រសិទ្ធភាពការងារ នៅតាមក្រសួងស្ថាប័នដែលមានកន្លែងធ្វើការល្អ
សម្តេចអគ្គមហាសេនាបតីតេជោ ហ៊ុន សែន
នាព្រឹកថ្ងៃទី ៩ ខែកុម្ភៈឆ្នាំ២០១២ នេះ
បានជំរុញឲ្យមានការពង្រឹងបន្ថែមទៀត
នូវប្រសិទ្ធភាពក្នុងការងារមន្រ្តីរាជការសម្រាប់ពេលបច្ចុប្បន្ន
និង សម្រាប់អនាគតផងដែរ នៅពេលមានកន្លែងធ្វើការល្អ។
អញ្ជើញជាអធិបតីក្នុងពិធីសម្ពោធអាគាររដ្ឋបាលថ្មី នៃទីស្តីការក្រសួងរៀបចំដែនដី នគរូបនីយកម្ម និង សំណង់សម្តេចតេជោនាយករដ្ឋមន្ត្រី
មានប្រសាសន៍ថា ខ្ញុំសូមផ្តាំដល់គ្រប់ក្រសួង ស្ថាប័ន ដែលមាន
កន្លែងធ្វើការល្អហើយ
ប្រសិទ្ធភាពការងារត្រូវតែខ្ពស់។ខ្ញុំសូមស្មើឲ្យមន្ត្រីរាជការ
ទាំងអស់ នៃក្រសួងរៀបចំដែដី នគរូបនីយកម្ម និង សំណង់ ក៏ដូចជាក្រសួង
ស្ថាប័នឯទៀតៗ ត្រូវបន្តកិច្ចខិតខំប្រឹងប្រែងរបស់ខ្លួនឲ្យបានសកម្ម
និង ខ្លាំងក្លាបន្ថែមទៀត នៅលើមូលដ្ឋាននៃអាគារថ្មីដ៏រឹងមាំ និង
មានឧបករណ៍ សំភារៈដ៏សំបូរបែប
ក្នុងបុព្វហេតុរៀបចំលើកកម្ពស់វិស័យដែនដី និង សំណង់ សុរិយោដី និង ភូមិ
សាស្ត្រ និង
វិស័យផ្សេងៗទៀតឲ្យមានវឌ្ឍនភាពរីកចម្រើនរុងរឿងទាំងបច្ចុប្បន្ន
និង ទៅអនាគត។
សម្តេចតេជោនាយករដ្ឋមន្ត្រី
ថ្លែងថា អាគាររដ្ឋបាលដែលមានគ្រប់ហេដ្ឋារចនាសម្ព័ន្ធប្រកបដោយ
ផាសុខភាពនេះ
បានក្លាយទៅជាសមិទ្ធផលថ្មីធំបង្គួរមួយក្នុងចំណោមសមិទ្ធផលជាច្រើន
ដែលបាន និង កំពុងអភិវឌ្ឍដោយរាជរដ្ឋាភិបាលក្នុងគោលដៅ
ដើម្បីបម្រើសេវាកម្មសាធារណៈឲ្យកាន់តែប្រសើរ ឡើងថែមទៀត។ សម្តេចតេជោក៏
បានមានប្រសាសន៍កត់សម្គាល់ថា នយោបាយ«យកសេះ
ដូរសេះ»មិនមានអ្វីដែលចម្លែកទេ
ព្រោះនៅប្រទេសខ្លះគេដូររហូតដល់ទៅទីក្រុង
ដោយលក់ទីតាំងចាស់ដើម្បីយកប្រាក់មកសាងសង់ទី
ក្រុងថ្មីដូចគ្នានេះដែរ។ ទោះបីយ៉ាងណា សម្តេចតេជោនាយករដ្ឋមន្ត្រីបានបញ្ជាក់ថា ការដោះដូរទី តាំងនេះមិនអាចធ្វើបានជាទូទៅនោះទេ។
សម្តេចតេជោមានប្រសាសន៍
ថា
សូមកុំជ្រុលខ្ញុំអនុញ្ញាតឲ្យផ្លាស់ប្តូរនៅតំបន់មួយចំនួន…ប៉ុន្តែ
ទីតាំងដែលត្រូវអភិ រក្ស ត្រូវតែអភិរក្ស ដូចជាក្រសួងហិរញ្ញវត្ថុ
ទីចាត់ការគយ និង រដ្ឋាករ ធនាគារជាតិនៃកម្ពុជា ក្រសួង ការពាជាតិ
អគ្គបញ្ជាការកងយោធពលខេមរភូមិន្ទ
ទីភ្នាក់ងារសារព័ត៌មានកម្ពុជា…សុទ្ធតែជាទីតាំង
អតីតប្រវត្តិសាស្ត្រដែលត្រូវអភិរក្ស។
ឯកឧត្តម អ៊ឹម ឈុនលឹម
ទេសរដ្ឋមន្ត្រី រដ្ឋមន្ត្រីក្រសួងរៀបចំដែដី នគរូបនីយកម្ម និង សំណង់
បានថ្លែងឲ្យដឹងថា អាគាររដ្ឋបាលថ្មី
នៃទីស្តីការក្រសួងរៀបចំដែនដី នគរូបនីយកម្ម និង
សំណង់នេះមានកម្ពស់ ៩ ជាន់ ដែល ចាប់ផ្តើមសាងសង់កាលពីខែកញ្ញា ឆ្នាំ
២០០៩ បញ្ចប់នៅខែធ្នូ ឆ្នាំ ២០១១។អាគារនេះបំពាក់ដោយ
ប្រព័ន្ធសន្តិសុខសុវត្ថិភាពប្រព័ន្ធគ្រប់គ្រងមន្ត្រីរាជការ
ប្រព័ន្ធទូរស័ព្ទ បណ្តាញទិន្នន័យ បណ្តាញ អគ្គិសនី បណ្តាញទឹក
ជណ្តើរយន្តចំនួន ៤ ដែលកំណត់ឲ្យប្រើពីជាន់ទី ៣ ឡើងទៅ។
ឯកឧត្តម អ៊ឹម ឈុនលឹម
បញ្ជាក់ថា ថា ពិធីសម្ពោធនៅពេលនេះ ជាការសម្ពោធអាគារ
នៃទីស្តីការរបស់ក្រសួងក៏ពិតមែន
ប៉ុន្តែបើពិនិត្យគម្រោងទាំងមូលនៃការការសាងសង់អាគារធ្វើ
ការថ្មីក្នុងគម្រោងតែមួយនេះ ដែលរួមមានអាគារធ្វើការថ្មីចំនួន ១១៨
អាគារនៅតាមរាជធានី ខេត្ត ក្រុង ស្រុក ខណ្ឌ ដែលកើតឡើងដោយរូបមន្ត«យកសេះ
ដូរសេះ» របស់សម្តេចតេជោនាយករដ្ឋមន្ត្រី
ដែលពិធីនេះ ពិតជាមានអត្ថន័យធំធេងណាស់ ដែលថ្នាក់ដឹកនាំ
មន្ត្រីរាជការនៅទូទាំងប្រទេសពុំអាចរកពាក្យអ្វី
ដើម្បីថ្លែងអំណរគុណចំពោះសម្តេចតេជោនាយករដ្ឋមន្ត្រីឲ្យអស់បានឡើយ។
ឯកឧត្តម
ទេសរដ្ឋមន្ត្រីក៏បានបញ្ជាក់ឲ្យដឹងថា វិស័យសំណង់បានងើបឡើងវិញ
ដោយការវិនិយោគនៅឆ្នាំ២០១១
លើសំណង់អគារគិតតម្លៃប៉ាន់ស្មាន
សរុបទាំងអស់ទាំងសំណង់ថ្នាក់ជាតិ អន្តរជាតិ
និងថ្នាក់រាជធានី-ខេត្ត ចេញលិខិតអនុញ្ញាតសាងសង់២.១២៩គម្រោង
ស្មើទុនសរុបទាំងថ្លៃសំណង់
ទាំងថ្លៃដីតាមទីផ្សារបច្ចុប្បន្ន១.៧៣៤.៥៩៨.៥៨៤ដុល្លារអាមេរិក
ធៀបនឹងឆ្នាំ២០១០ ដែលមានចំនួន២.១៤៩គម្រោង
ស្មើនឹងទុនសរុប៨៤០.៤៥៩.៥២៨ដុល្លារអាមេរិក គឺកើនឡើងជាង១០៦% ។
ដោយឡែកចាប់ពីមានច្បាប់អនុញ្ញាតឱ្យជនបរទេសមានកម្មសិទ្ធិ
លើចំណែកនៃអគារសហកម្មសិទ្ធិមានជនបរទេសចំនួន២៨៦នាក់បាន
ទិញផ្ទះចំនួន៦៧០ឯកតា មកដល់ពេលនេះ។
ទាក់ទងនឹងការចុះបញ្ជីដីធ្លីជាប្រព័ន្ធ ឯកឧត្តម អ៊ឹម ឈុនលឹម
បានបញ្ជាក់ ថា គិតមកដល់ដំណាច់ឆ្នាំ ២០១១
ប័ណ្ណដែលបានចែកជូនដល់ម្ចាស់ដីរួចហើយមានចំនួន ១ ៩៩៧ ២៦៧ ប័ណ្ណ
លើក្បាលដីចំនួនជាង ២ លាន ៥ សែន ដែលបានប្រមូលទិន្នន័យរួចហើយ។
សម្រាប់ការអនុវត្តគោលនយោបាយផ្តល់ដីសម្បទានសង្គមកិច្ច
ជូនអតីតកងកម្លាំងប្រដាប់អាវុធ និងគ្រួសារ
ឯកឧត្តមទេសរដ្ឋមន្ត្រី អ៊ឹម ឈុនលឹម បានមាន
ប្រសាសន៍ឲ្យដឹងថា សម្រាប់វគ្គទី១ ផែនការថវិកាជាតិឆ្នាំ២០១១
បានផ្តល់ឱ្យសម្រាប់២ពាន់គ្រួសារ
តែចំនួនគ្រួសារជាក់ស្តែងដែលត្រូវបានជ្រើសរើសសម្រាប់ទទួលដី
មានចំនួន៤.១១១គ្រួសារ។ កាលពីខែធ្នូ ឆ្នាំ២០១១ កន្លងទៅ
គណៈកម្មាធិការសម្បទានដីសង្គមកិច្ចថ្នាក់ជាតិ
បានធ្វើការបែងចែកតាមរយៈការចាប់ឆ្នោតជ្រើសរើសយកដីឡូត៍
លំនៅឋាន ដីឡូត៍កសិកម្មចំនួន៥កន្លែង
ក្នុងខេត្តចំនួន៥សម្រាប់អ្នកទទួលចំនួន២.១០៨គ្រួសារ ។
គណៈកម្មាធិការនឹងបន្តធ្វើការបែងចែកតាមរយៈការចាប់ឆ្នោត
ក្នុងខេត្ត១១ទៀត
នាពេលបន្តបន្ទាប់រហូតដល់គ្រប់ចំនួន៤.១១១គ្រួសារ
ដែលត្រូវទទួលបានការអភិវឌ្ឍពេញលេញ ។
សម្តេចតេជោនាយករដ្ឋមន្ត្រី
ដែល បានអញ្ជើញជាអធិបតីក្នុងពិធីប្រគល់ប័ណ្ណកម្មសិទ្ធិ
ដីធ្លីលើកដំបូង នៃការចុះបញ្ជីដីធ្លីជាង ១
ពាន់ក្បាលដីជូនប្រជាពលរដ្ឋនៅភូមិស្រែតាសុខ ក្នុងស្រុក សំរោង
ខេត្តតាកែវ កាលពីថ្ងៃទី ២ ធ្នូ ឆ្នាំ ២០០០ បានមានប្រសាសន៍ ថា
នេះជាចំណុចចាប់ផ្តើមយ៉ាងសំខាន់នោះ។ សម្តេចតេជោ
មានប្រសាសន៍ថា «ខ្ញុំរីករាយនឹងចែកប័ណ្ណទី ៣ លានជូនដល់ប្រជាពលរដ្ឋ
ក្នុងនាមខ្ញុំជាស្ថាបត្យករ
មួយរូបបង្កើតឲ្យមានឡើងវិញនូវរបបកម្មសិទ្ធិឯកជន
ដែលក្នុងនោះក៏មានកម្មសិទ្ធិឯកជនលើដីធ្លីនេះ ផងដែរ»។
សម្តេចតេជោ ហ៊ុន សែន
មានប្រសាសន៍ថា ការងារចុះបញ្ជីដីធ្លីជាការងារអាទិភាពមួយរបស់
រាជរដ្ឋាភិបាល ដែលក្រសួងរៀបចំដែដី នគរូបនីយកម្ម និង សំណង់ និង
ស្ថាប័នពាក់ព័ន្ធទាំងអស់ត្រូវ តែសហការបន្តខិតខំជំរុញទៅមុខ
ទោះបីស្ថានភាពកាន់កាប់ដីបច្ចុប្បន្នមានស្ថិរភាពជាទូទៅហើយក្តី ពី
ព្រោះចំណុចនេះជាកិច្ចការដ៏សំខាន់នៅក្នុងប្រព័ន្ធចុះបញ្ជី
ដែលត្រូវបានកំណត់នៅក្នុងច្បាប់ភូមិបាល
ក៏ដូចជាក្នុងក្រមរដ្ឋប្បវេណីរបស់យើង ជាពិសេសការទប់ស្កាត់ និង
លប់បំបាត់នូវទំនាស់ដែលកើត ចេញពីដីធ្លីនេះ៕
