បទសម្ភាសន៍ លោកបណ្ឌិត ឈឹម ផលវរុណ ប្រធានវិទ្យាស្ថានពលរដ្ឋវិជ្ជាជាមួយទូរទស្សន៍បាយ័ន ស្តីពី បច្ចុប្បន្នភាពកម្ពុជា
ថ្ងៃទី ១៩ ខែ ធ្នូ ឆ្នាំ២០១១
លោក សត្យា រក្ស
សំណួរ៖ ជាទូទៅយើងឃើញថា រាល់វត្តមានរបស់លោក ស៊ូយ៉ាស៊ូបេឌី
ដែលអញ្ជើញមកកម្ពុជា យើងឃើញថា
សកម្មភាពរបស់គណបក្សប្រឆាំងហាក់បីដូចជាមានការភ្ញាក់ផ្អើលខុសពី
ធម្មតា ទាំងគណបក្ស សម រង្ស៊ី ទាំងគណបក្ស កឹម សុខា
គឺមានភាពចលាចល ដើម្បីដណ្តើមប្រជាប្រិយភាព នៅចំពោះមុខលោក
ស៊ូយ៉ាស៊ូបេឌី ។ ប៉ុន្តែដូចលោកបណ្ឌិតជ្រាបហើយថា ក្រោយពីលោក
ស៊ូយ៉ាស៊ូបេឌី ត្រឡប់ទៅវិញ
សកម្មភាពផ្សេងៗហាក់ដូចជាមានសភាពស្ងប់ស្ងាត់ធម្មតា
អញ្ចឹងជុំវិញវត្តមានរបស់លោក ស៊ូយ៉ាស៊ូបេឌី ដែលអញ្ជើញមកកម្ពុជា
កាលពីសប្តាហ៍មុន តើលោកបណ្ឌិតយល់ឃើញយ៉ាងណាដែរ?
លោកបណ្ឌិត ឈឹម ផលវរុណ
ចម្លើយ៖
យើងមើលឃើញទិដ្ឋភាពមួយហាក់ដូចជាមានទិដ្ឋភាពប្រែប្រួលនៅក្នុង
រង្វង់នៃទំនាក់ទំនង របស់បេសកៈជនពិសេស ឬឥឡូវគេឲ្យឈ្មោះថា
អ្នករាយការណ៍ពិសេសរបស់អគ្គលេខាធិការអង្គការសហប្រជាជាតិទទួលបន្ទុក
សិទ្ធិមនុស្សនៅកម្ពុជា។ ចំពោះការងារសិទ្ធិមនុស្សយើងឃើញថា
នៅចំពោះមុខទិដ្ឋភាពរបស់អ្នករាយការណ៍ពិសេសហ្នឹង ដូចយើងបានដឹងហើយ
ឲ្យតែបរទេសគេមក ខាងគណបក្សប្រឆាំង
ក៏ដូចជាអង្គការសិទ្ធិមនុស្សមាននិន្នាការប្រឆាំងតែងតែ ស្រ ទៅ ស្រ
មក ដូចចៅហ្វាយនាយគេមកអញ្ចឹង ។ចំណុចហ្នឹងដែលយើងធ្លាប់លើកហើយថា
ពួកគាត់ឲ្យតម្លៃអង្គការសហប្រជាជាតិច្រឡំ
ហើយឲ្យតម្លៃអ្នករាយការណ៍ពិសេសទទួលបន្ទុកកិច្ចការសិទ្ធិមនុស្សនៅ
កម្ពុជាច្រឡំ ។ តើគេឲ្យតម្លៃច្រឡំយ៉ាងម៉េច? គេចាត់ទុកថា
អង្គការសហប្រជាជាតិ ពិសេសក្រុមការងារខាងសិទ្ធិមនុស្ស ជាប៉ូលីស
UN មកចាប់កម្ពុជា មកដាក់ពិន្ទុ ។ អញ្ចឹងហើយខាងគេត្រូវចិត្ត
គឺនិន្នាការប្រឆាំងនៅកម្ពុជា គណបក្សប្រឆាំង ហើយនិង NGO ប្រឆាំង
ឲ្យតែដល់ពេលណាមួយដែលតំណាងពិសេស ឬ ក៏អ្នករាយការណ៍ពិសេសមក
គេចាត់ទុកថា ចៅហ្វាយនាយគេ គេនឹងស្វែងរកការជួបដើម្បីទូលពិត ។
មិនមែនជាការជួបក្នុងន័យ គេមកសហប្រតិបត្តិការទេ ។
ចំណុចនេះហើយដែលខ្ញុំចង់បញ្ជាក់ថា គណបក្សប្រឆាំង
ដោយសារខ្លួនឈរទៅលើតួនាទីខុស
គណបក្សប្រឆាំងនៅកម្ពុជាអត់ស្គាល់តួនាទីខ្លួនឯង ជាគណបក្សនយោបាយ
ហើយអង្គការសិទ្ធិមនុស្សនិន្នាការប្រឆាំងក៏ធ្វើតួនាទីខុស
គឺគេមិនមែនធ្វើតួនាទីសម្រាប់ការលើកស្ទួយ
និងអភិវឌ្ឍន៍ការគោរពសិទ្ធិមនុស្សនៅកម្ពុជា
ក្នុងរង្វង់ក្របខ័ណ្ឌជាតិរបស់ខ្លួនទេ
គឺគេធ្វើហាក់ដូចជាគេទទួលធុរៈកិច្ចជាបាវព្រាវឲ្យបរទេស
ដើម្បីបំពេញការងារសិទ្ធិមនុស្សនៅកម្ពុជា។
ត្រង់ហ្នឹងហើយដែលគេច្រឡំតួនាទី
យើងអាចប្រៀបធៀបកន្លងមកនិងបច្ចុប្បន្ន
ឲ្យតែអ្នករាយការណ៍ពិសេសគេរៀបចេញទៅគេធ្វើសន្និសីទសារព័ត៌មាន
គេយកភាសាទិតៀនហ្នឹង គេយកភាសារបស់បរទេសហ្នឹង
យកមកធ្វើអត្ថធិប្បាយ ពង្រីកវាយប្រហារកម្ពុជាខ្លួនឯង។
ការមកលើកនេះក៏ដូចលើកមុនដែរ គណបក្សប្រឆាំង ហើយនិងអង្គការ NGO
សិទ្ធិមនុស្សនិន្នាការប្រឆាំងក៏ ស្រ ទៅ ស្រ មក
ហើយគេរង់ចាំស្វាគមន៍លោក ស៊ូបេឌីខ្លាំងណាស់
ហើយការរងចាំស្វាគមន៍ហ្នឹង
គឺដូចសព្វដងអញ្ចឹងគឺគេត្រៀមទុកអស់ហើយ គេចាំរាយការណ៍
ហើយយើងមើលរបាយការណ៍របស់គណបក្សប្រឆាំង សម រង្ស៊ី
គេរាយការណ៍ទូលពិតទៅលោក ស៊ូបេឌី មួយបែបទៅ
ហើយគេអត់រាយការណ៍ក្នុងនាមខ្លួនឯងជាម្ចាស់ផ្ទះទេ
គេរាយការណ៍ក្នុងនាមខ្លួនឯងជាបាវព្រាវ
របស់តំណាងអង្គការសហប្រជាជាតិ។
ងាកមក
លោក កឹម សុខា រឹតតែអត់ថ្លៃថ្នូរទៅទៀត ចំពោះករណីគណបក្ស សម រង្ស៊ី
ខ្ញុំមិនចង់វាយតម្លៃដល់ថ្នាក់អត់ថ្លៃថ្នូរ
ព្រោះគាត់និយាយដដែលៗទេតែរឿងបរិបទលោក សម រង្ស៊ី
រឿងបរិបទប្រជាធិបតេយ្យសិទ្ធិមនុស្សដើរថយក្រោយវាដដែលទេ តែលោក
កឹម សុខា អត់ថ្លៃថ្នូរត្រង់ថា ខ្លួនឯងមានតែ ៣ កៅអី ភូតគេ
បំភ្លៃគេ ថាគណបក្សប្រជាជន គ្រប់គ្រងរដ្ឋាភិបាល ក៏លោក កឹម សុខា
ទូលពិតទៅចៅហ្វាយគាត់ហ្នឹងសុទ្ធតែអាក្រក់ ហើយទៅទូលពិតថា
គណបក្ស សម រង្ស៊ី ក៏អាក្រក់អញ្ចឹងល្អមានតែ កឹម សុខា។
អញ្ចឹងយើងមើលទៅដូចជាក្មេងល្មិល្មក់ទៅចាត់ទុកកិច្ចនេះដូចជា
រឿងលេងសើច។
យើងអាច
គិតពិចារណា ទី១គណបក្សប្រឆាំង សម រង្ស៊ី។ បើសិនជាគណបក្ស សម
រង្ស៊ី មានសមត្ថភាពធ្វើនយោបាយ
ហើយស្គាល់អំពីដំណើរការគ្រប់គ្រងប្រទេស បែបសភានិយម
ដែលត្រូវការនូវតុល្យភាពការងារផ្ទៃក្នុងសភា រវាងក្រុមភាគច្រើន
និងក្រុមភាគតិច ពេលនោះខ្ញុំជឿថា គណបក្ស សម រង្ស៊ី
ប្រហែលនឹងមានការផ្លាស់ប្តូរគំនិតខ្លះ ប៉ុន្តែយើងឃើញថាអត់
ដោយសារខ្វះការយល់ដឹង អញ្ចឹងដល់ទៅនិយាយជាមួយលោក ស៊ូបេឌី
ខ្ញុំអត់ឲ្យតម្លៃគាត់ជាអាទិទេព នៃប៉ូលីសសិទ្ធិមនុស្សទេ
ខ្ញុំឲ្យតម្លៃថា ប្រសិនបើលោក ស៊ូបេឌី យកជំនាញឯកទេសរបស់គាត់
ផ្នែកនីតិរដ្ឋធម្មនុញ្ញមកធ្វើការវិភាគ
នៅពេលដែលគាត់ស្តាប់ការទូលពិតរបស់គណបក្ស សម រង្ស៊ី ដែលថា
រដ្ឋសភាបាត់តុល្យភាព ហើយគាត់ចង់ឲ្យរដ្ឋសភា
និងរដ្ឋាភិបាលមានតុល្យភាព។ ខ្ញុំថាបើលោក ស៊ូបេឌី ស្តាប់
ហើយយកជំនាញមកគិត គឺគេសើចក្នុងពោះល្មួលពោះវៀនហើយ
មេដឹកនាំគណបក្សប្រឆាំងមួយ មានកៅអី ២៦ នៅក្នុងរដ្ឋសភា
ហើយអត់យល់ដំណើរការសភានិយម ទៅជាចង់ឲ្យមានតុល្យភាព
រវាងរដ្ឋសភា និងរដ្ឋាភិបាលយ៉ាងម៉េច ព្រោះគាត់អត់យល់តុល្យភាព
រវាងរដ្ឋសភា និងរដ្ឋាភិបាល
មិនអាចដូចប្រព័ន្ធគ្រប់គ្រងប្រធានាធិបតីនិយមនៅអាមេរិកទេ
គឺឆ្លុះបញ្ចាំងទៅបែបបទនៅកម្ពុជា
ក៏ដូចនៅបណ្តាប្រទេសផ្សេងទៀតដែលអនុវត្តរបបសភានិយម
គឺអាស្រ័យទៅហ្នឹងសមាមាត្រកម្លាំងនៅក្នុងរដ្ឋសភាខ្លួនឯង។
លោក សត្យា រក្ស
សំណួរ៖ លោកបណ្ឌិតមានប្រសាសន៍ពីខាងដើមគឺ លោកបណ្ឌិតមានប្រសាសន៍ថា
លោក ស៊ូយ៉ា ស៊ូបេឌី
ដែលមានវត្តមាននៅកម្ពុជាកាលពីសប្តាហ៍មុនលោកមានប្រសាសន៍ថា
ហាក់បីដូចជាមានផ្លាស់ប្តូរឥរិយាបទបន្តិច
អញ្ចឹងចំណុចនេះខ្ញុំចង់ឲ្យលោកបណ្ឌិតជួយបញ្ជាក់មើល ថាតើរវាងលោក
ស៊ូបេឌី ដែលជាអ្នករាយការណ៍ពិសេសរបស់អង្គការសហប្រជាជាតិ
ហើយនឹងមេបក្សប្រឆាំងនៅកម្ពុជា
តើការរាយការណ៍របស់មេបក្សប្រឆាំងនៅកម្ពុជា ជាការរាយការណ៍ខូច
ឬក៏លោក ស៊ូបេឌី
មានគំនិតលំអៀងនៅក្នុងការចង់ដាក់សម្ពាធមកលើកម្ពុជាឬ
យ៉ាងម៉េច?
លោកបណ្ឌិត ឈឹម ផលវរុណ
ចម្លើយ៖ ផ្អែកលើលក្ខណៈសម្បត្តិធំពីរ ដែលលោក ស៊ូបេឌី
មានឱកាសបានជួបគណបក្សប្រឆាំងនៅកម្ពុជាញឹកញាប់គាត់អាចដឹងហើយ
ដឹងតាមរយៈជំនាញរបស់គាត់បើសិនគាត់យកជំនាញជាការងារអាជីពរបស់
គាត់ ក៏ដូចជាការងាររបស់គាត់កំពុងធ្វើ គាត់នឹងឃើញថា
គណបក្សប្រឆាំងនៅកម្ពុជាខ្សោយ។
កាលពីមុនគាត់ជឿគណបក្សប្រឆាំងទូលពិតថា រដ្ឋាភិបាលគាបសង្កត់
ឥឡូវតាមរយៈការសាសងប៉ុន្មានលើករបស់លោក ស៊ូបេឌី
និងគណបក្សប្រឆាំងនៅកម្ពុជា គឺលោក ស៊ូបេឌី អាចនឹងឃើញថា
គណបក្សប្រឆាំងខ្សោយ ខ្សោយចំពោះការរៀបចំគណបក្សរបស់ខ្លួន
និងក្រុមតំណាងរាស្រ្តរបស់ខ្លួនក្នុងការងារសភា
ក្នុងនោះគឺផ្អែកទៅលើមូលដ្ឋាននៃកម្មវិធីនយោបាយ
គឺគណបក្សប្រឆាំងអត់មាន។ ទី២ ខ្សោយក្នុងការយល់ដឹង
អំពីតើធ្វើម៉េច ដើម្បីឲ្យរដ្ឋសភាដំណើរការបាន
នៅពេលដែលគេស្តាប់ឃើញថា គណបក្សប្រឆាំងទាមទារឲ្យរដ្ឋាភិបាល
ឬក៏ឲ្យរដ្ឋសភា ឯករាជ្យពីរដ្ឋាភិបាល អាហ្នឹងគេដឹងថា
គាត់មិនត្រឹមតែខ្សោយក្នុងការរៀបចំការងារទេ
ខ្សោយក្នុងការយល់ដឹង បញ្ហាខួរក្បាលនៃការចេះដឹង
ព្រោះធម្មតាគណបក្សមួយគេត្រូវការមានអ្នកចេះដឹង
ទើបអាចពឹងពាក់ក្នុងការអភិវឌ្ឍន៍នយោបាយប្រទេស
ដល់ខ្វះការយល់ដឹង អញ្ចឹងលោក ស៊ូបេឌី អាចមើលឃើញហើយ។
មួយទៀតដែលអាចយើងរំលង ជាមួយនឹងស្ថានភាពដែលលោក ស៊ូបេឌី
មកលើកនេះគួរឲ្យប្លែកផ្លាស់ប្តូរពីទិដ្ឋភាពមុន
ដោយសារតែនៅក្នុងការិយាល័យឧត្តមស្នងការអង្គការសហប្រជាជាតិទទួល
បន្ទុកសិទ្ធិមនុស្សនៅកម្ពុជា វាបាត់មេរោគមួយគឺលោកម្នាក់
យើងមិនចាំបាច់និយាយឈ្មោះគេទេ
ត្រូវបានបញ្ចប់មុនអាណត្តិហើយបានចាកចេញ
ដូចមេរោគគឺត្រូវបាត់បង់
ព្រោះអ្នកហ្នឹងហើយគឺជាមេរោគមួយដែលទំនាក់ទំនងភ្ជាប់គ្នាជាមួយ
អង្គការសិទ្ធិមនុស្សនិន្នាការប្រឆាំង និងអ្នកនយោបាយប្រឆាំង
ដើម្បីពូនគរជាភ្នំ ជាស្ថិតិរាយការណ៍ទៅអង្គការសហប្រជាជាតិ
ដើម្បីមួលបង្កាច់ បង្ខូច កម្ពុជាក្នុងគោលដៅប្រឆាំងសុទ្ធសាធ។
ឥឡូវដល់តែបាត់មេរោគហ្នឹង
អញ្ចឹងកូនមេរោគតូចៗនៅក្នុងការិយាល័យឧត្តមស្នងការទទួលបន្ទុក
សិទ្ធិមនុស្សនៅកម្ពុជា មានទាំងខ្មែរទៀត សុទ្ធតែពួកចំណុះបរទេស
គ្មានបំរើការងារសម្រាប់សតិសម្បជញ្ញៈជាតិទេ
ពួកហ្នឹងបាត់មេរបស់ខ្លួន
ដល់អញ្ចឹងទៅច្រកមកបុករុកលែងមាន។ជាមួយនោះទៀតអង្គការ
សិទ្ធិមនុស្សបរទេស ដូច humane right watch
ក៏បាត់អ្នកទំនាក់ទំនងផ្ទាល់
ហើយចំណុចហ្នឹងក៏ជះឥទ្ធិពលដល់រូបភាពថ្មីដែរ
ដោយសារពេលហ្នឹងជាការផ្តល់ឱកាសថ្មីមួយសម្រាប់លោក ស៊ូបេឌី
ក្នុងការទទួលយកព័ត៌មានគ្រប់ជ្រុងជ្រោយមួយជំហានទៀត។
កាលពីមុនអត់ទេ ព័ត៌មានរបស់គាត់
គឺគាត់មានបុរេវិនិច្ឆ័យហើយមុនឡើងយន្តហោះពីអង្គការសហប្រជាជាតិ
មកកម្ពុជា
គាត់មានបុរេវិនិច្ឆយពីជ្រុងពួកមេរោគសិទ្ធិមនុស្សទាំងនោះបាត់
ទៅហើយ។ ឥឡូវយើងឃើញមានប្លែកគឺកត្តាបី ដែលខ្ញុំពិនិត្យឃើញ
ហើយនៅពេលដែលជួបយើងឃើញ
ការពន្យល់របស់ក្រុមប្រឆាំងមាននិន្នាការមិនល្អក្នុងឧត្តមគតិជាតិ
របស់ខ្លួន ធ្វើឲ្យលោកស៊ូបេឌី ឃើញ
ហើយការរាយការណ៍របស់អង្គការសិទ្ធិមនុស្សនិន្នាការប្រឆាំងផ្សេងទៀត
ក៏កាន់តែឃ្លាតឆ្ងាយពីគ្នា អញ្ចឹងគឺឥទ្ធិពលហ្នឹងធ្វើឲ្យលោក
ស៊ូបេឌី មានឱកាសស្វែងយល់ពីព័ត៌មានគ្រប់ជ្រុងជ្រោយ
ដោយធើ្វទំនាក់ទំនងជាមួយអង្គការផ្សេងទៀត តំណាងរដ្ឋាភិបាល
ហើយអង្គការផ្សេងៗដែលមានជំនាញក្នុងកិច្ចការសិទ្ធិមនុស្ស
ខ្ញុំមិនបង្ហើបថា តើលោក ស៊ូបេឌី
អាចមានទទួលទំនាក់ទំនងពីប្រភពណាផ្សេងទៀតទេ។
ប៉ុន្តែក្នុងឱកាសដែលគណបក្សប្រឆាំង និងអង្គការសិទ្ធិមនុស្សមាន
និន្នាការប្រឆាំង
វាបាត់មេរោគមួយដែលនៅក្នុងការិយាល័យឧត្តមស្នងការសិទ្ធិមនុស្ស
ហ្នឹង គឺជាឱកាសឲ្យលោក ស៊ូបេឌី អាចជួបអ្នកដ៏ទៃបានទៀត
អញ្ចឹងហើយបានជាពេលវេលានៃការជួបគឺការិយាល័យឧត្តមស្នងការ
សិទ្ធិមនុស្សអត់ប្រកាសទេ ព្រោះការជួបលែងកំណត់បានដូចមុន។
លោក សត្យា រក្ស
សំណួរ៖ ឥឡូវសុំងាកមកបរិបទលោក សម រង្ស៊ី
ជាទូទៅគឺលោកបណ្ឌិតជ្រាបហើយ
ក៏ដូចជាជនរួមជាតិក៏បានជ្រាបផងដែរ
នៅពេលដែលវត្តមានរបស់អ្នករាយការណ៍អង្គការសហប្រជាជាតិ
និយាយឲ្យចំគឺវត្តមានរបស់បរទេសដែលមាននិន្នាការប្រឆាំង គឺថា
គណបក្សប្រឆាំង សម រង្ស៊ី ក្តី គណបក្សប្រឆាំង កឹម សុខា ក្តី
គេតែងតែរាយការណ៍ដូចដែលលោកបណ្ឌិតមានប្រសាសន៍អញ្ចឹង
ប៉ុន្តែខ្ញុំចង់ផ្តោតទៅលើលោក សម រង្ស៊ី ត្រង់ថា
វត្តមានរបស់អ្នករាយការណ៍ពិសេស គ្រប់លើក គ្រប់ជើង
ដែលគាត់មានវត្តមាននៅកម្ពុជាហ្នឹង គណបក្ស សម រង្ស៊ី
តែងតែស្នើសុំឲ្យអ្នករាយការណ៍ពិសេសដាក់សម្ពាធមកលើរាជរដ្ឋាភិបាល
ចំពោះការធ្វើយ៉ាងណាឲ្យសម រង្ស៊ី
បានវិលត្រឡប់មកកាន់ប្រទេសវិញ។ ប៉ុន្តែថ្មីៗនេះផងដែរ សម្តេចអគ្គមហាសេនាបតីតេជោ ហ៊ុន សែន លោក
បានមានប្រសាសន៍ថា រឿងលោក សម រង្ស៊ី នេះមិនមែនជារឿងនយោបាយនោះទេ
គឺមិនទាក់ទងអ្វីទាំងអស់គឺទាក់ទងទៅលើផ្លូវច្បាប់។
ចំណែកព្រឹត្តិការណ៍ដែលគណបក្សប្រឆាំងរាយការណ៍ទៅអង្គការសហប្រជា
ជាតិយើងឃើញថា ក៏មិនមានអ្វីដែលជាការប្រែប្រួលដែរ
គឺហាក់មានភាពនៅទ្រឹងដដែល អញ្ចឹងចំពោះបញ្ហាដែលគណបក្សប្រឆាំង សម
រង្ស៊ី ស្វះស្វែងរកការវិលត្រឡប់មកវិញ លោក បណ្ឌិតយល់ឃើញថា
តើអាចដំណើរការបានទេលោកបណ្ឌិត?
លោកបណ្ឌិត ឈឹម ផលវរុណ
ចម្លើយ៖ ត្រង់ហ្នឹងជារឿងពីរដាច់ពីគ្នា ដែលលោក ស៊ូបេឌី
បានយល់ ដោយសារគណបក្សប្រឆាំង សម រង្ស៊ី រាយការណ៍ តែមួយកំណាត់។
ឧទាហរណ៍ ជាក់ស្តែងគឺរឿងលោក សម រង្ស៊ី ដកបង្គោល
មិនមែនជារឿងស្នេហាជាតិទេ បើសិនជារឿងនយោបាយស្នេហាជាតិ
វាមិនដែលអ្នកណា អ្នកស្នេហាជាតិគេទៅចាប់ដាក់គុកទេ។ រឿងលោក
សម រង្ស៊ី គឺជាទង្វើដែលគាត់ទៅបបួលគេបបួលឯង
ដោយទាំងប្រជាពលរដ្ឋនៅទីនោះ ទៅដកបង្គោល
ហើយទង្វើនេះគណបក្សប្រឆាំង សម រង្ស៊ី ពុំបានប្រាប់ទៅលោក ស៊ូបេឌី
ទេ។ ប៉ុន្តែតាមការផ្សព្វផ្សាយព័ត៌មាន
ពីប្រភពផ្សេងៗក៏ជាឱកាសឲ្យលោក ស៊ូបេឌី
ក៏ដូចជាអង្គការសហប្រជាជាតិ និងអង្គការអន្តរជាតិផ្សេងៗអាចដឹងថា
រឿងលោក សម រង្ស៊ី ទទួលខុសត្រូវចំពោះមុខច្បាប់
មិនមែនជារឿងនយោបាយស្នេហាជាតិនោះទេ
គឺជារឿងទង្វើរំលោភច្បាប់។ គេកាត់ទោសរំលោភច្បាប់
ហើយកាត់ទោសដំណាក់កាលទី២ រឿងដែលគាត់ក្លែងឯកសារ
ដើម្បីញុះញង់ឲ្យមានការរើសអើង ឬក៏ហឹង្សារវាងប្រទេសនិងប្រទេស
ដូច្នេះចំណុចនេះវាខុសនឹងនយោបាយអន្តរជាតិ
ដែលគេចង់បាននូវសន្តិភាព សុខក្សេមក្សាន្ត និង សន្តិសហវិជ្ជមាន
នៃទំនាក់ទំនងប្រទេសនិងប្រទេស។ អញ្ចឹងលោក សម រង្ស៊ី
គាត់មានទោសរឿងហ្នឹង អញ្ចឹងទៅពេលវេលាបានផ្តល់ឲ្យលោក ស៊ូបេឌី
ដឹងថា តើកាត់ទោសឲ្យលោក សម រង្ស៊ី ជាប់ពន្ធនាគារហ្នឹង
គឺមិនមែនជាការកាត់ទោសរឿងគាត់មានឧត្តមគតិស្នេហាជាតិទេ
គឺរឿងគាត់ប្រព្រឹត្តបទល្មើស នេះគេចាប់ផ្តើមយល់ហើយ
ពេលហ្នឹងហើយដែលយើងឃើញថា នៅពេលដែលលោក ស៊ូបេឌី
មកកម្ពុជាចុងក្រោយនេះ ហើយធ្វើសន្និសីទសារព័ត៌មានហ្នឹង លោក ស៊ូបេឌី
អត់បានវាយប្រហារទៅលើអ្វីដែលជាការចោទប្រកាន់របស់លោក សម
រង្ស៊ី ថារដ្ឋាភិបាលគាបសង្កត់ ឬយកតុលាការមកដាក់គំនាបទេ
បើគាត់និយាយគឺនិយាយបញ្ចេញទស្សនៈក្នុងន័យសម្រួលបរិយាកាសមួយ
ត្រង់ថា ចង់ឲ្យមានការផ្សះផ្សារ មិនមែនផ្សះផ្សារជាតិទេ
បន្តិចទៀតខ្ញុំនឹងបញ្ចាក់ថា តើគណបក្សប្រឆាំងខូចយ៉ាងម៉េច ។
ផ្សះផ្សារ មិនមែនផ្សះផ្សារជាតិទេ គឺផ្សះផ្សារវាងគណបក្ស សម រង្ស៊ី
និងគណបក្សប្រជាជនកម្ពុជា
ដើម្បីជាមូលដ្ឋានបន្តដំណើរការប្រជាធិបតេយ្យទៅមុខ។
ដូច្នេះយើងវិភាគពាក្យហ្នឹងទៅបានន័យថា
ប្រជាធិបតេយ្យនៅកម្ពុជាបានធ្វើ
ហើយកំពុងតែដំណើរការធ្វើដំណើរទៅមុខ
អញ្ចឹងគ្រាន់តែឆន្ទៈរបស់លោក ស៊ូបេឌី ចង់ឲ្យ ប៉ូលនយោបាយធំពីរ
គឺគណបក្សគ្រប់គ្រប់រដ្ឋាភិបាលគឺគណបក្សប្រជាជនកម្ពុជា
និងប៉ូលនយោបាយធំមួយទៀតគឺគណបក្សប្រឆាំងផ្សះផ្សារនយោបាយមួយដើម្បី
ជាមូលដ្ឋាននៃការបន្តប្រជាធិបតេយ្យរបស់កម្ពុជា។
លោក សត្យា រក្ស
សំណួរ៖
ត្រង់ចំណុចនេះខ្ញុំចាប់អារម្មណ៍ជាមួយនឹងការលើកឡើងរបស់គណបក្ស
សម រង្សី ទាំងលោក គង់ គាំ ក្តី ទាំងលោក សម រង្ស៊ី
ដែលជាទណ្ឌិតកំពុងភៀសខ្លួននៅបរទេសក្តី គឺគាត់បានប្រកាសហើយថា
កម្ពុជាប្រសិនបើអត់ សម រង្ស៊ី ទេ គឺគ្មានប្រជាធិបតេយ្យ
តើចំណុចត្រង់នេះលោកបណ្ឌិតមានអ្វីបំភ្លឺជូនប្រជាពលរដ្ឋ?
លោកបណ្ឌិត ឈឹម ផលវរុណ
ចម្លើយ៖
ត្រង់ចំណុចនេះបងប្អូនប្រជាពលរដ្ឋស្តាប់ឲ្យបានពាក្យមួយម៉ាត់ៗ
ពីការអះអាងរបស់លោកស៊ូបេឌី
និងការអះអាងរបស់មេដឹកនាំគណបក្សប្រឆាំងហើយយើងអាចធ្វើការ
ប្រៀបធៀប។ លោក ស៊ូបេឌី អត់មានបានបញ្ជាក់ថា
កម្ពុជាអត់មានប្រជាធិបតេយ្យទេ
ផ្ទុយទៅវិញកម្ពុជាដំណើរការទៅមុខ
ហើយចង់ឲ្យដំណើរការកាន់តែល្អថែមទៀត សូមកុំឲ្យមានអរិភាព ឬ
បដិបក្ខ គ្នារវាងគណបក្សពីរហ្នឹង។ ហើយនិយាយឲ្យខ្លីគណបក្ស កឹម
សុខា នៅជ្រុងមួយដែលគេភ្លេចទៅហើយ ព្រោះគេអត់មានលើកទេ
គេលើកតែរឿងផ្សះផ្សារ រវាងគណបក្ស សម រង្ស៊ី
និងគណបក្សប្រជាជនកម្ពុជា គឺក្នុងន័យផ្សះផ្សារនយោបាយទេ
ដើម្បីអាចឲ្យដំណើរការនយោបាយតទៅទៀត។ តែរឿង កឹម សុខា
ដែលចោទប្រកាន់រដ្ឋាភិបាលចោទប្រកាន់គណបក្សប្រជាជន លោក ស៊ូបេឌី
អត់យកមកជាចំណុចសំខាន់ទេ អញ្ចឹងយើងអាចពិនិត្យមើលថា
ការយល់ឃើញរបស់លោក ស៊ូបេឌី គឺផ្តល់នូវចំណុចវិជ្ជមានមួយថា
កម្ពុជាដំណើរការប្រជាធិបតេយ្យទៅមុខ។
ឥឡូវ
ងាកមកការអះអាងបំប៉ោងរបស់មេដឹកនាំគណបក្ស សម រង្ស៊ី វិញ។
បំប៉ោងទី១ គាត់និយាយពីផ្សះផ្សារជាតិ
កម្ពុជាអត់មានបែកបាក់ទេ។ បើមុន ១៩៩៣ កម្ពុជាបែកបាក់ ហើយមុន
១៩៩៨ កម្ពុជាមានសង្គ្រាម
ប៉ុន្តែមកដល់ថ្ងៃនេះសន្តិភាពក៏កម្ពុជាមាន កំពុងតែថែទាំ
និងរក្សាយ៉ាងថ្នាក់ថ្នម
ហើយការបែកបាក់ជាតិគឺកម្ពុជាគ្មានទេ។
បើនិយាយពីវប្បធម៌នយោបាយនៃការតតាំងគឺកម្ពុជាមានបញ្ហា។
ប៉ុន្តែបញ្ហា
វប្បធម៌នៃការតតាំងនយោបាយមិនមែនជាបញ្ហារបស់គណបក្សណាមួយទេ
គឺបញ្ហារបស់គណបក្សប្រឆាំងហ្នឹងតែម្តង ប៉ុន្តែគណបក្សប្រឆាំងខូច
បំប៉ោង ។ កម្ពុជាអត់ត្រូវការផ្សះផ្សារជាតិទៀតទេ
កម្ពុជាត្រូវការ ការពារគោលនយោបាយផ្សះផ្សារជាតិ
គោលនយោបាយបង្រួបបង្រួមជាតិ និងការពារថែទាំសន្តិភាព ។ ន័យដែលលោក
ស៊ូបេឌី និយាយគឺចង់ឲ្យលើកស្ទួយវប្បធម៌នយោបាយនៃការប្រកួតប្រជែង
មិនមែនក្នុងន័យផ្សះផ្សាជាតិទេ ប្រយ័ត្នច្រឡំ
គេប្រើពាក្យផ្សះផ្សាររវាងគណបក្សពីរហ្នឹង គឺមានន័យថា
លើកស្ទួយនយោបាយនៃការប្រកួតប្រជែង ដើម្បីប្រជាធិបតេយ្យ។
ឥឡូវងាកមកគណបក្សប្រឆាំង សម រង្ស៊ី ទៀត។ បើអត់លោក សម រង្ស៊ី
ចូលរួមបោះឆ្នោតកម្ពុជាអត់ប្រជាធិបតេយ្យ
អាហ្នឹងមិនមែនទស្សនៈរបស់លោក ស៊ូបេឌី ទេ គឺទស្សនៈ
របស
គណបក្សប្រឆាំងដែលមានតាំងពីយូរមកហើយ តាំងពីលោក ស៊ូបេឌី
មិនទាន់បានធ្វើជាអ្នករាយការណ៍ពិសេសទៅទៀតនោះ។
ឥឡូវយើងពិចារណា តើពិតឬមិនពិត បើអត់លោក សម រង្ស៊ី គណបក្ស សម
រង្ស៊ី ដេកទេ ២៦ នាក់ ដេកទេ? មន្ទីរបក្សបិទទ្វាទេ?
រដ្ឋាភិបាលមានហាមមិនឲ្យតំណាងរាស្រ្ត ២៦
និងសមាជិកព្រឹទ្ធសភាគណបក្ស សម រង្ស៊ី ព្រមទាំងសមាជិក ខេត្ត ក្រុង
ស្រុក ខណ្ឌ ឃុំ សង្កាត់ ឲ្យ បិទទ្វារទាំងអស់ទេ? គឺអត់ទេ
មន្ទីរបក្ស របស់ គណបក្ស សម រង្ស៊ី ដំណើរការទាំងអស់
មនុស្សចេញចូលទាំងអស់ គ្រាន់តែថា
អ្នកឯងមានសមត្ថភាពធ្វើការប៉ុណ្ណារឿងរបស់អ្នកឯង
។ប៉ុន្តែរដ្ឋាភិបាលពុំបានចេញបទបញ្ជាណាមួយឲ្យបិទមន្ទីរបក្ស សម
រង្ស៊ី គ្រប់ជាន់ថា្នក់នោះទេ។ បើយើងប្រៀបធៀបនៅភូមា
ឥឡូវដំណើរការល្អ ពីមុននៅពេលដែលលោកស្រី អង់សានស៊ូជី
និងមេដឹកនាំគណបក្ស របស់គាត់ដទៃទៀត ស្ថិតនៅក្នុងការឃុំ
គឺគណបក្សក៏ត្រូវមិនឲ្យមានសកម្មភាពដែរ។ យើងអាចប្រៀបធៀប
យើងកុំបន្តុះបង្អាប់ប្រទេសគេ តែយើងប្រៀបធៀបស្ថានភាពពិតវិញ
គណបក្សប្រឆាំងនៅភូមា មេដឹកនាំកំពូលប៉ុន្មានជាប់ពន្ធនាគារ
ហើយបទបញ្ជាគឺបក្សត្រូវបិទសកម្មភាព ឯនៅកម្ពុជាសួរថា អត់លោក សម
រង្ស៊ី តើមន្ទីរបក្ស សម រង្ស៊ី
ថ្នាក់ជាតិរហូតដល់ថ្នាក់ឃុំសង្កាត់ បិទទេ? ហើយសកម្មជនរបស់
គណបក្ស សម រង្ស៊ី បិទទេ? ហើយ វិទ្យុ ដែលផ្សាយនៅក្នុងកម្មវិធីរបស់
គណបក្សប្រឆាំងបិទទេ? អត់បិទទេ
អញ្ចឹងគ្រាន់តែការឃ្លាតឆ្ងាយរបស់បុគ្គលម្នាក់
ដែលជាមេដឹកនាំរបស់ខ្លួនទេ ដែលសម្រាប់គណបក្ស សម រង្ស៊ី
ត្រូវពិចារណាខ្លួនឯង ដូច្នេះយើងនិយាយពីការពិត
យើងត្រូវនិយាយពីសុច្ចរិតចំពោះនយោបាយមួយ។
ទី២
រៀងរាល់ការបោះឆ្នោត លោក សម រង្សី គឺមានវត្តមាន
ប៉ុន្តែនៅពេលដែលចេញលទ្ធផលបោះឆ្នោតប្រកាសជាបណ្តោះអាសន្នក្តី
ជាផ្លូវការក្តី ហើយដឹងថាស្អែកឡើងប្រាកដជាចាញ់ហើយ លោកសម រង្ស៊ី
តែងតែនិយាយថា ការបោះឆ្នោតនោះអត់សេរី អត់យុត្តិធម៌ អត់ប្រជាធិបតេយ្យ
គឺដោយទាំង NGO ប្រឆាំងក្បាលខូចមួយចំនួនទៀតមករួមគ្នា។
ឥឡូវដល់ពេលអត់លោក សម រង្ស៊ី បែរជាទាំងគណបក្ស សម រង្ស៊ី ទាំង NGO
ក្បាលខូចទាំងអស់នោះថាអត់ប្រជាធិបតេយ្យដដែល។
អញ្ចឹងសូមប្រាប់ឲ្យច្បាស់មកថាចង់បានអ្វី
ឬប្រហែលជានៅតែពាក្យមួយម៉ាត់ទេថា បោះឆ្នោតប្រជាធិបតេយ្យទាល់តែ សម
រង្ស៊ី ឈ្នះ គឺនៅសល់តែពាក្យមួយម៉ាត់ហ្នឹងទេ
នេះបើយើងនិយាយឲ្យសុច្ចរិតទាំងអស់គ្នា។ចំណុចនេះគឺទៅមិនរួចទេ
ប្រជាពលរដ្ឋខ្មែរប្រាកដជាយល់ហើយ
ប្រជាធិបតេយ្យមិនអាស្រ័យបុគ្គលទេហើយអស់លោក NGO
ដែលមាននិន្នាការគាំទ្រគណបក្សប្រឆាំងគួរតែរកវិធីជួយគណបក្សប្រឆាំង
តាមវិធីមួយបែបផ្សេង
គឺជួយពន្យល់ឲ្យគណបក្សប្រឆាំងចេះធ្វើការងារនយោបាយ។
បើសិនជាចង់ជួយឲ្យលោក សម រង្ស៊ី ឬឲ្យគណបក្ស សម រង្ស៊ី
មានការគាំទ្រកើនឡើង
គឺត្រូវផ្លាស់ប្តូរនូវវិធីនៃការប្រតិកម្មជាសាធារណៈរបស់ខ្លួនចេញ។
ខ្ញុំចង់បញ្ជាក់ថាប្រជាធិបតេយ្យ ទាំងដំណើរការ ទាំងការបោះឆ្នោត
គឺមិនអាស្រ័យទៅនឹងវត្តមាន ឬអវត្តមានរបស់លោក សម រង្ស៊ីទេ
គឺអាស្រ័យទៅនឹងដំណើរការប្រកបដោយសមត្ថភាព និងវប្បធម៌នយោបាយរបស់គណបក្ស
សម រង្ស៊ីខ្លួនឯងផ្ទាល់។
លោកសត្យា រក្ស
សំណួរ៖ លោក កឹម សុខា ឥឡូវនេះកំពុងតែជាប់ឈ្មោះល្បីខាងដើរតាមគន្លងរបស់
ប៉ុល ពត ពីព្រោះបើយោងតាមប្រសាសន៍របស់គាត់ដែលបានលើកឡើងកន្លងមក
សូម្បីតែគុគទួលស្លែង ដែលជាសារៈមន្ទីរប្រល័យពូជសាសន៍ដ៏ធំ ហើយដែលពិភពលោក
កំពុងតែចាប់អារម្មណ៍
និងបានបញ្ចូលជាបេតិកភ័ណ្ឌសម្រាប់ការចងចាំដល់មនុស្សជាតិហើយនោះ ក៏លោក
កឹម សុខា ធ្លាប់បានអះអាងថា គុគទួលស្លែងនេះគឺជាឆាកសម្តែង
និងគាត់បានការពារ ប៉ុល ពត ថាបើប៉ុល ពត
បានសម្លាប់មនុស្សដូចអ្វីដែលប្រជាពលរដ្ឋខ្មែរចោទប្រកាន់មែននោះ ប៉ុល ពត
នឹងបំផ្លាញភស្តុតាងនេះចោលមុនពេលដែលកងទ័ពរណសិរ្សចូលមកដល់បាត់ទៅហើយ
។ ម្យ៉ាងទៀត នៅពេលដែលពួក ប៉ុល ពត យកឪពុកគាត់ទៅសម្លាប់
គាត់ថាគាត់អត់មានឈឺចាប់អីបន្តិចទេ និងបានច្រានចោលថ្ងៃ៧ មករា
ដែលបានរំដោះប្រជាជនឲ្យរួចផុតពីរបប ប៉ុល ពត នេះទៀត។ អញ្ចឹងពាក្យដែល កឹម
សុខា ជម្រុញឲ្យប្រជាពលរដ្ឋនិយាយថា ដូរ
ឬមិនដូរនេះតើលោកបណ្ឌិតយល់ឃើញយ៉ាងម៉េចដែរបាទ?
លោកបណ្ឌិត ឈឹម ផលវរុណ
ចម្លើយ៖ លោក កឹម សុខា ដែលប្រើពាក្យថា ដូរៗ នោះ កាលពីឆ្នាំ២០០៨
យើងក៏ឮពាក្យនេះដែរ តែយើងមិនដឹងថាខ្លឹមសារទាំងអស់នៃពាក្យនោះយ៉ាងណាទេ
ដោយសារតែគាត់ទើបតែបង្កើតគណបក្សទាំងតក់ក្រហល់។ មកទល់ពេលនេះ
ចាប់ពីបោះឆ្នោតមក គឺមានរយះពេលជាង៣ឆ្នាំហើយ លោកកឹម សុខា
នៅតែនិយាយដដែលៗថា ដូរៗ ខុសពេល ខុសវេលាទៅទៀត។ ការបកស្រាយរបស់គាត់
គឺកាន់តែធ្វើឲ្យយើងមើលឃើញកាន់តែច្បាស់ថាមានចំណុចសំខាន់២
ដែលគាត់ចង់ដូរទៅណា។ ទី១
គឺគាត់កំពុងបញ្ឆេះកំហឹងវណ្ណៈឲ្យប្រជាពលរដ្ឋដែលមានជីវភាពរស់នៅ
ខុសៗគ្នា គឺរវាងអ្នកមាន និងអ្នកក្រ មានទំនាស់គ្នា
ជាពិសេសគាត់រុញឲ្យអ្នកក្រខឹងនឹងអ្នកមាន ហើយយកអ្នកមានជាសត្រូវ។
ចំណុចនេះគឺគាត់ចង់ដូរឲ្យដូចទៅនឹង ប៉ុល ពត ហើយ គឺ ប៉ុល ពត
ចង់ដូរសង្គមរបៀបហ្នឹងឲ្យមានភាពស្មើគ្នាដាច់ខាត ដោយគ្មានអ្នកមាន
និងគ្មានអ្នកក្រ។ ទី២
គាត់កំពុងបញ្ឆេះកំហឹងជាតិនិយមជ្រុល
ហួសហេតុធ្វើជាសត្រូវជាមួយប្រទេសជិតខាង ជាពិសេសជាមួយប្រទេសវៀតណាម
ដោយគាត់ទៅយករឿងអតីតកាល ប្រវត្តិសាស្ត្រយូរលង់មកដុតកំហឹង
និងបញ្ឆេះកំហឹង។ ចំណុចនេះគឺដូចគ្នាទៅនឹងនយោបាយរបស់ ប៉ុល ពត
ជាមួយវៀតណាមដែរ។អញ្ចឹងយើងមើលឃើញថាលោក កឹម សុខា គាត់ចង់ឲ្យដូរដូចទៅនឹង
ប៉ុល ពត ដើម្បីក្លាយជាសត្រូវ ជាមួយប្រទេសជិតខាង
ជាពិសេសជាមួយនឹងប្រទេសវៀតណាម។ មូលហេតុដែលយើងហ៊ាននិយាយដូច្នេះ
គឺគាត់យកប្រវត្តិសាស្ត្រ
ដែលសម្រាប់ប្រជាពលរដ្ឋយើងសព្វថ្ងៃនេះគ្មាននរណាមួយបានធ្វើខុសចំពោះ
ប្រវត្តិសាស្ត្រ ដែលមានតាំងពីយូរណាស់មកហើយ រវាងរាជានិយមនៅកម្ពុជា
ក៏ដូចជារាជានិយមនៅប្រទេសវៀតណាម
និងប្រទេសដ៏ទៃទៀតដែលមានទំនាស់ប្រវត្តិសាស្ត្រដណ្តើមដីគ្នានោះទេ។
រឿងប្រវត្តិសាស្ត្រទាំងនេះរឿងអីដែលលោក កឹម សុខា
យកមកទម្លាក់កំហុសមកលើគណបក្សប្រជាជនកម្ពុជាទៅវិញ
ដោយចេះតែបំភ្លៃរឿងទៅជារឿងដីសម្បទាន រឿងបោះបង្គោលឯណាទៅវិញ។
ចំណុចនេះគឺគាត់ចង់បញ្ឆេះកំហឹងប្រជាពលរដ្ឋឲ្យដូច ប៉ុល ពត
ដោយទៅធ្វើសង្គ្រាមរាំងជល់ជាមួយប្រទេសជិតខាងតទៅទៀតហើយ។
បច្ចុប្បន្នលោក
កឹម សុខា មិនបានឈរលើទស្សនៈនៃវប្បធម៌ប្រជាធិបតេយ្យ
ក្នុងការប្រកួតប្រជែងគោលគំនិត គឺការដូររបៀបគ្រប់គ្រងប្រទេស
ក្នុងន័យប្រកួតប្រជែងគ្នាតាមរយះការបោះឆ្នោតនៅរៀងរាល់៥ឆ្នាំម្តង
នោះទេ គឺគាត់ចង់ដូរដោយប្រើគោលនយោបាយអចិន្ត្រៃយ៍ បានន័យថា
គាត់ចង់លើកពីរឿងកម្ពុជាក្រោម រឿងបុរេប្រវត្តិជាមួយវៀតណាម
ដែលឈានចូលតាមគន្លងរបស់ ប៉ុល ពត ទៅវិញ។
ម្យ៉ាងទៀតគាត់បានបញ្ឆេះកំហឹងវណ្ណៈ ក្នុងស្រទាប់ប្រជាជន ។ល។
ចំណុចនេះហើយសូមឲ្យប្រជាពលរដ្ឋមើលឲ្យច្បាស់ កុំចេះតែដូរៗតាម កឹម សុខា
និងបននយោបាយរបស់គាត់នោះ គឺវានឹងដូចគ្នាទៅនឹងប្រជាធិបតេយ្យជំនាន់ ប៉ុល
ពត ហើយ។
រឿងដ៏ទៃទៀតដែលអាចបញ្ជាក់ពីលក្ខណៈរបស់កឹម
សុខា ថាដូចគ្នាទៅនឹង ប៉ុល ពត
សម័យថ្មីនោះគឺគាត់បានសន្យាជាមួយប្រជាពលរដ្ឋថា បើគាត់ឈ្នះឆ្នោត
គាត់នឹងបែងចែកប្រជាពលរដ្ឋ ប៉ុន្មានលានគ្រួសារឲ្យធ្វើកសិកម្ម
ប៉ុន្មានលានជាមន្ត្រីរាជការ ឬមួយផ្នែកជាកម្មករជាដើម។ ចំពោះបញ្ហានេះ
សូម្បីតែប្រមុខរដ្ឋាភិបាល សម្តេចអគ្គមហាសេនាបតី ក៏លោកបានមានប្រសាស៍ដែរ
ថាលោកមិនអាចធ្វើអញ្ចឹងបានទេ
ពីព្រោះវាជាការរំលោភទៅលើការសម្រេចចិត្តរបស់ប្រជាពលរដ្ឋ។
លោកសត្យា រក្ស
សំណួរ៖
ចំណុចមួយទៀតខ្ញុំចង់ឲ្យលោកបណ្ឌិតបំភ្លឺ
គឺនៅពេលដែលដំណើរការនៃការបោះឆ្នោតឈានជិតចូលមកដល់ លោក កឹម សុខា
បានបង្ហាញនូវភាពស្លន់ស្លោរខុសពីធម្មតា។
ពេលខ្លះគាត់ស្រមើស្រមៃដល់ការចងសម្ព័ន្ធភាពជាមួយ សម រង្ស៊ី ។
តែពេលខ្លះគាត់ជេរប្រមាថពីជំហរមិនព្រមបង្រួបបង្រួមរបស់សម រង្ស៊ី។
ជួនកាលគាត់បែរជាមកខឹងប្រជាពលរដ្ឋដែលមិនព្រមបោះឆ្នោតឲ្យគាត់។
រហូតដល់ចំណុចខ្លះគាត់ថា ការដែលគាត់មិនទទួលបានជោគជ័យ
មិនបានធ្វើជានាយករដ្ឋមន្ត្រី
គឺដោយសារតែគណបក្សប្រជាជនលួចសន្លឹកឆ្នោត។ជុំវិញភាពស្លន់ស្លោររបស់ កឹម
សុខា នេះតើលោកបណ្ឌិតមើលឃើញសញ្ញាយ៉ាងណាដែរទៅនៅក្នុងគណបក្សកឹម សុខា នេះ?
លោកបណ្ឌិតឈឹម ផលវរុណ
ចម្លើយ៖
រឿងនេះយើងអាចធ្វើការពិចារណាទាំងអស់គ្នា។ អ្វីដែលលោក កឹម សុខា
បានធ្វើសព្វថ្ងៃនេះគឺមានភាពមិនប្រក្រតីហើយ
ពីព្រោះធម្មតាថ្វីត្បិតតែយើងមានសេរីភាពនៃការបញ្ចេញមតិ
មានសេរីភាពធ្វើនយោបាយក៏ពិតមែន ប៉ុន្តែ
ការប្រើសេរីភាពរបស់យើងតែកាលណាមិនធម្មតាគឺវាមិនស្រួលហើយ។
បើយើងមើលទៅឃើញថាជីវិតនយោបាយរបស់លោក កឹម សុខា
គឺមិនអាចរស់បានយូរអង្វែងទេ ។ បញ្ហារបស់លោក កឹម សុខា
គឺមានតាំងពីពេលដែលគាត់ ឃោសនាតាំងពីឆ្នាំ២០០៨ គឺវាមិនបានដូចចិត្តគាត់
គឺគាត់ចាប់ផ្តើមចលាចល ដូចជាគាត់ថា គាត់ជាអ្នកប្រឆាំងបរទេសឈ្លានពាន
ប្រឆាំងនេះ ប្រឆាំងនោះ
តែទីបំផុតសូម្បីតែប្អូនប្រុសរបស់គាត់ដែលធ្វើនយោបាយជាមួយគ្នា
ក៏មិនអាចនៅជាមួយលោក កឹម សុខាកើតដែរ។
ទោះបីជាពេលវេលានៃការបោះឆ្នោតសកលឆ្នាំ២០១៣ នៅសល់២ឆ្នាំទៀតក៏ដោយ តែលោក
កឹម សុខា ចាប់ផ្តើមចលាចលតាំងពីពេលនេះរួចទៅហើយ។
រដ្ឋាភិបាលក៏ពុំបានគៀបសង្កត់ដែរ
ទោះបីជាគាត់ទៅប្រើវេទិការបស់គាត់ជេរគេផ្អើលភូមិក៏ដោយ។ យូរៗម្តង
គឺគេទាមទារឲ្យគាត់មានការគោរពចំពោះអាជ្ញាធរដែនដី
ប៉ុន្តែគាត់បែរជាទៅបំប៉ោងសម្លេងបង្ខូចទៅវិញ។ជាក់ស្តែងនៅពេលដែលលោក កឹម
សុខា ទៅធ្វើវេទិកានៅទីណា គឺគាត់តែងតែដាក់បន្ទុកទៅលើអាជ្ញាធរដែនដី
ដោយចោទ ពេលដែលអាជ្ញាធរដែនដីមិនហ៊ានមកជិត
គាត់ថាអាជ្ញាធរមិនទទួលខុសត្រូវចំពោះសុវត្ថិភាពរបស់គាត់។
ផ្ទុយទៅវិញនៅពេលដែលអាជ្ញាធរដែនដីចូលរួម កឹម សុខា ថាមេឃុំ
ឬប៉ូលីសនោះមកស៊ើបការពីគាត់។
តើអាជ្ញាធរដែនដីត្រូវសម្រេចចិត្តយ៉ាងម៉េចនៅពេលឃើញ កឹម សុខា
មកធ្វើវេទិកា
នេះជាចំណុចដែលពិបាកមែនទែន។ចំណុចដែលមិនធម្មតារបស់លោកកឹម សុខា
គឺគាត់កំពុងតែមានបញ្ហាផ្ទៃក្នុងបក្ស។
ខ្ញុំធ្វើការវិភាគនេះដោយផ្អែកទៅលើវិទ្យាសាស្ត្រនយោបាយ។ ជាធម្មតាលោកកឹម
សុខា គាត់មានគណបក្សមួយដែលមានស្ថាបនិកពីដំបូងចេញអស់។
អ្នកថ្មីដែលទើបតែចូលមកគឺគ្មានអតីតភាពក្នុងការបង្កើតគណបក្សទេ។
ម្យ៉ាងទៀត កាលពីឆ្នាំ២០០៨
គាត់បានធ្វើបញ្ជីបេក្ខជនឈរឈ្មោះគណបក្សតាមមណ្ឌលខេត្តក្រុងទៅលក់ឲ្យ
ខ្មែរនៅក្រៅប្រទេស ជាពិសេសខ្មែរនៅអាមេរិក និងខ្មែរនៅបារាំង
ដែលគ្នាអត់ទទួលបានព័ត៌មានពិត។ ឧទាហរណ៍ បើឈរនៅមណ្ឌលភ្នំពេញ
ឬខេត្តក្នុងលំដាប់លេខ១គឺលក់ក្នុងតម្លៃពី៥ម៉ឺន ទៅ៨ម៉ឺនដុល្លារ។
អញ្ចឹងពេលនេះគេដឹងរឿងនេះអស់ទៅហើយ
ដូច្នេះគេមិនមកទិញទំនិញក្លែងក្លាយរបស់គាត់ទៀតទេ។
ឥឡូវពេលនេះគាត់កំពុងតែដើរលក់នូវទំនិញក្លែងក្លាយទៅឲ្យអ្នកដែលនៅអាមេរិក
និងបារាំងផ្សេងទៀតដែលមិនទាន់បានសាកទំនិញក្លែងក្លាយរបស់គាត់។
អ្នកដែលទិញពីមុន គឺចាញ់បោកគាត់រហូតដល់អ្នកខ្លះលែងលះប្តីប្រពន្ធ។
លុយដែលពួកគេចាញ់បោកនោះបានធ្វើឲ្យលោក កឹម សុខា
និងប្រពន្ធកូនរស់នៅយ៉ាងសុខស្រួល មានរហូតដល់កូន២នាក់រៀននៅអាមេរិក។
ចំណែកខ្មែរដែលចូលលុយជាមួយលោក កឹម សុខា
បែរជាអត់មានលុយឲ្យកូនទៅរៀនទៅវិញ។ ហើយពេលថ្មីៗនេះលោក កឹម សុខា
អាចទិញខុនដូរឲ្យកូននៅអាមេរិកទៀត។ម្យ៉ាងទៀតមានព័ត៌មានថាអ្នកដែល
ចាញ់បោកលោក កឹម
សុខានៅអាមេរិកបានត្រៀមរៀបចំសំណុំឯកសារដាក់
ពាក្យបណ្តឹងមកតុលាការកម្ពុជា។
នេះជាចំណុចមួយប្រហែលជាយើងនឹងបាន
ឃើញនូវរឿងនេះជាក់ច្បាស់នៅពេលខាងមុខនេះ។
ចំណុចទាំងនេះហើយដែលធ្វើឲ្យលោក កឹម សុខា
ហាក់ដូចជាស្លន់ស្លោរខ្លាំង។ អញ្ចឹងនៅពេលដែលលោក កឹម សុខា
ចាយវាយថវិការមិនស្មោះត្រង់ ធ្វើឲ្យគេលែងទុកចិត្តចុងក្រោយ
ប្រហែលដូចជាខ្ញុំទាយទុកអញ្ចឹង គឺជោគវាសនារបស់លោក កឹម សុខា
នឹងទៅដល់ផ្លូវទាល់ច្រកមួយ
គឺផ្លូវសុំលន់តួក្នុងការលើកលែងទោសនូវអ្វីដែលខ្លួនបានធ្វើខុសចំពោះ
ថ្នាក់ដឹកនាំគណបក្សប្រជាជនកម្ពុជា និងសុំរស់
ឬក៏ងាកទៅបោកប្រាស់គណបក្ស សម រង្ស៊ី
ដើម្បីបន្តមហិច្ឆតារបស់ខ្លួនតទៅទៀត៕
សម្រង់ព័ត៌មាន៖ លោក នូ សាវុធឌី