សម្តេចតេជោអះអាងថាគ្មានហានិភ័យទេ ទៅលើការវិនិយោគ ទាំងហានិភ័យផ្នែក ធម្មជាតិ និងនយោបាយ

ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្រ្តីបានឱ្យដឹងថា សម្តេចអគ្គមហាសេនាបតីតេជោ ហ៊ុន សែន នឹង អញ្ជើញជាអធិបតី ក្នុងពិធីសម្ពោធដាក់ ឲ្យប្រើប្រាស់រោងចក្រផលិតគ្រឿង អេឡិច ត្រូនិក នៅខេត្តកោះកុង ដែលគ្រោងនឹងធ្វើនៅថ្ងៃទី ១៧ ខែធ្នូ ឆ្នាំ២០១២ខាងមុខនេះដោយសម្តេចតេជោបានអះអាងថាកម្ពុជា គឺគ្មានហានិភ័យទេ ទៅលើការវិនិ យោគ ទាំងហានិភ័យផ្នែក ធម្មជាតិ និងនយោបាយ។

ឯកឧត្តម អ៊ាង សុផល្លែត បានឲ្យដឹង ថាក្នុងឱ្យកាសទទួលបានការអនុញ្ញាតឱ្យចូលជូបសម្តែងការគួរសមចំពោះ សម្តេចតេជោនាយករដ្ឋមន្រ្តីនារសៀលថ្ងៃទី ៥ ខែធ្នូ ឆ្នាំ២០១២ នៅវិមានសន្តិភាព ទីស្តីការនាយករដ្ឋមន្រ្តី លោក Yasuhiko Yazaki ប្រធានសាជីវកម្ម Yazaki បានសម្តែងនូវការចូលរួម មរណៈទុក្ខចំពោះព្រះបរមសព ព្រះករុណាបានសម្តេចព្រះ នរោត្តម សីហនុ ព្រះមហាវីរក្សត្រ ព្រះបរមរតនកោដ្ឋ ហើយក៏បានថ្លែងអំណរគុណយ៉ាងជ្រាលជ្រៅចំពោះសម្តេចតេជោនាយករដ្ឋ មន្រ្តី ដែលបានផ្តល់ការ គាំទ្រដល់ក្រុមហ៊ុនសាជីវកម្ម Yazaki របស់លោក នៅក្នុងព្រះរាជាណាចក្រកម្ពុជា ប្រកបដោយភាពកក់ក្តៅជាទីបំផុត។

លោក Yasuhiko Yazaki បានជម្រាបជូន សម្តេចតេជោថា រោងចក្ររបស់លោកនៅខេត្ត កោះកុង បានសាងសង់ចប់សព្វគ្រប់ហើយរោងចក្រនេះ ផលិតគ្រឿងបំណែកអេ ឡិចត្រូនិករបស់យានយន្តសម្រាប់នាំចេញទៅទូទាំងពិភពលោក។ ក្រៅពីការផលិតគ្រឿងបំណែកយានយន្ត ក្រុមហ៊ុនសាជីវកម្មរបស់ លោកក៏ មានបំណងក្នុងការផលិតផ្ទាំងស្រូបយកពន្លឺអគ្គិសនី និងគ្រឿងសម្ភារកសិកម្មផងដែរ។ ចំពោះរោងចក្រផលិតគ្រឿងបំណែកអេឡិចត្រូនិចស ម្រាប់យានយន្ត គឺរោងចក្របានបំពាក់ទៅដោយប្រព័ន្ធសម្ភារទំនើបៗ ព្រមទាំងមានការសាងសង់ផ្ទះឲ្យកម្មករស្នាក់នៅទីនោះផងដែរ។

លោក Yasuhiko Yazaki ក៏បានថ្លែងនូវការអបអរសាទរ ចំពោះជោគជ័យដែលកម្ពុជាទទួលបានក្នុងការធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធ ដែលបានប្រព្រឹត្តិទៅនាពេលកន្លងមក ដែលនេះជាកិត្តិយសខ្លាំងណាស់សម្រាប់កម្ពុជា ក៏ដូចសម្រាប់ក្រុមហ៊ុនរបស់លោកដែរ ដែលធ្វើឱ្យលោកមានភាព កក់ក្តៅយ៉ាងខ្លាំង ចំពោះការវិនិយោគនៅកម្ពុជា។

សម្តេចអគ្គមហាសេនាបតីតេជោ ហ៊ុន សែន បានថ្លែងអំណរគុណចំពោះ ការចូលរួម មរណទុក្ខរបស់លោក Yasuhiko Yazaki ជាមួយកម្ពុជា ចំពោះការបាត់បង់ព្រះម ហាវីរក្សត្រដែលជាទីសក្ការៈរបស់ប្រជាពលរដ្ឋ កម្ពុជា និងថ្លែងអំណរគុណចំពោះការអបអរសាទរចំពោះកិច្ចប្រជុំអាស៊ាននិងកិច្ចប្រជុំពាក់ព័ន្ធ កន្លងមក។

ជាមួយនិង ទទួលស្គាល់ថា ក្រុមហ៊ុន Yazaki បានវិនិ យោគរយៈពេលខ្លី ប៉ុន្តែសមិទ្ធផលដែលទទួលសម្រាប់ការសម្ពោធ ដាក់ឱ្យប្រើប្រាស់នៅថ្ងៃទី១៧ ធ្នូ គួរជាទីលើកទឹកចិត្តនោះសម្តេចតេជោបានមានប្រសាសន៍ថា វត្តមានរបស់សម្តេចផ្ទាល់ក្នុងការសម្ពោធដាក់ឱ្យដំណើរការរោងចក្រនេះ គឺជាការចាំបាច់ដើម្បី ជាការលើកទឹកចិត្តដល់ ក្រុមហ៊ុន។ សម្តេចតេជោបានបន្តថា សម្តេចពិតជាមានការរីករាយយ៉ាងខ្លាំង ចំពោះការដែលក្រុមហ៊ុនមានការគិតគូរដល់ការផលិតសម្ភារកសិកម្ម និងផ្ទាំង ស្រូបពន្លឺអគ្គិសនី ដែលនេះ គឺជាការគិតគូរដ៏សមស្របមួយទៅតាមតម្រូវការ នៃទីផ្សារកម្ពុជា និងទីផ្សារក្នុងតំបន់។សម្តេចតេជោបានបញ្ជាក់ ថា សូមជឿជាក់ថា កម្ពុជា គឺគ្មានហានិភ័យទេ ទៅលើការវិនិ យោគនោះ ទាំងហានិភ័យផ្នែក ធម្មជាតិ និងនយោបាយ។

សម្តេចតេជោ ក៏បានសម្តែងការកោតសរសើរចំពោះក្រុមហ៊ុន Yazaki ដែលបានចូលរួមក្នុងការបណ្តុះបណ្តាលធនធានមនុស្ស បញ្ជូនពលករកម្ពុជាទៅសិក្សា នៅបរទេស ដើម្បីមកបម្រើការនៅក្នុង រោងចក្រ និងបានស្នើឱ្យជួយបន្តបណ្តុះបណ្តាលពលករបន្តទៀតក៏ដូចជាថ្លែងអំណរគុណផងដែរ ចំពោះក្រុមហ៊ុនដែល បាន រៀបចំឱ្យមានកន្លែងស្នាក់នៅដល់ពលករកម្ពុជា៕

Grand News Asia

Search This Blog